Tuesday, April 23, 2024
More
    હોમપેજરાજકારણસરેન્ડર, ધરપકડ, 20 મિનિટમાં જેલમુક્તિ અને ટ્વિટર પર વાપસી: જાણો છેલ્લા 12...

    સરેન્ડર, ધરપકડ, 20 મિનિટમાં જેલમુક્તિ અને ટ્વિટર પર વાપસી: જાણો છેલ્લા 12 કલાકથી અમેરિકાના 45માં પ્રેસિડેન્ટ ડોનાલ્ડ ટ્રમ્પ કેમ સમાચારોમાં છવાયેલા છે

    $200,000ના જામીન બોન્ડ પર તેમની મુક્તિ બાદ, ટ્રમ્પ ન્યુ જર્સી પરત તેમની ફ્લાઇટ પકડવા એરપોર્ટ પર પાછા ફર્યા. જેમ તેમનો કાફલો રવાના થયો, ટ્રમ્પે તેમની એસયુવીની બારીમાંથી થમ્બ્સ-અપ આપ્યું.

    - Advertisement -

    ભૂતપૂર્વ યુએસ પ્રમુખ ડોનાલ્ડ ટ્રમ્પ જ્યોર્જિયા 2020 ની ચૂંટણીમાં દખલગીરીના કેસમાં તેમના આરોપ બાદ, 24 ઓગસ્ટ, ગુરુવારે એટલાન્ટા જેલમાં આત્મસમર્પણ કર્યા પછી, ટ્વિટર પર પાછા ફર્યા, જેને હવે X કહેવામાં આવે છે. ફુલ્ટન કાઉન્ટી સત્તાવાળાઓએ ગુરુવારે રાત્રે ટ્રમ્પની ધરપકડના (મગ શોટ / Mug Shot) ફોટા જાહેરમાં ફરતા કર્યા હતા.

    ટ્રમ્પ એવા પ્રથમ અમેરિકી પ્રમુખ બન્યા છે જેમનો મગ શોટ (ધરપકડ બાદ જેલહવાલે ખેંચવામાં આવતા ફોટા) લેવામાં આવ્યો હોય. મગ શોટ એ ટ્રમ્પને દર્શાવે છે, જેઓ પોતાના હસ્તાક્ષર સમાન નેવી સૂટ અને લાલ ટાઈમાં સજ્જ છે, ચમકતા ચહેરા સાથે કેમેરામાં તાકી રહ્યા છે.

    X પર પોસ્ટ કરીને ટ્રમ્પે લખ્યું, “ચૂંટણીમાં હસ્તક્ષેપ. ક્યારેય આત્મસમર્પણ ન કરવુ!” સાથે પોતાની વેબસાઇટની લિંક પણ જોડી છે.

    - Advertisement -

    8 જાન્યુઆરી, 2021 ના રોજ ટ્વિટરે તેમનું એકાઉન્ટ અનિશ્ચિત સમય માટે સસ્પેન્ડ કર્યું ત્યારથી તે ટ્રમ્પનું પ્રથમ ટ્વિટ હતું, તત્કાલીન ટ્વિટરે એ ‘ચિંતા’ ને કારણે કે તેમનું એકાઉન્ટ સસ્પેન્ડ કર્યું હતું કે તે યુએસ કેપિટોલ બિલ્ડિંગના તોફાનને પગલે “હિંસા” ને પ્રોત્સાહન આપશે. ઈલોન મસ્કએ ગયા વર્ષના નવેમ્બરમાં ફર્મનો કબજો સંભાળ્યો તેના થોડા સમય પછી, ટ્રમ્પનું એકાઉન્ટ પુનઃસ્થાપિત કરવામાં આવ્યું હતું, જો કે, ટ્રમ્પે તેનો ઉપયોગ ન કરવાનો નિર્ણય લીધો હતો, ભારપૂર્વક જણાવ્યું હતું કે તેઓ તેમની પોતાની ટ્રુથ સોશિયલ સાઇટ પર સંતુષ્ટ છે.

    એલોન મસ્કએ ટ્રમ્પની પોસ્ટ પર તેમના મગ શોટ સાથે પ્રતિક્રિયા આપી, તેને ‘નેક્સ્ટ લેવલ’ ગણાવી હતી.

    $200,000ના જામીન બોન્ડ પર મુક્તિ

    $200,000ના જામીન બોન્ડ પર તેમની મુક્તિ બાદ, ટ્રમ્પ ન્યુ જર્સી પરત તેમની ફ્લાઇટ પકડવા એરપોર્ટ પર પાછા ફર્યા. જેમ તેમનો કાફલો રવાના થયો, ટ્રમ્પે તેમની એસયુવીની બારીમાંથી થમ્બ્સ-અપ આપ્યું. જેલની ટૂંકી મુલાકાત પછી, તેઓ માફી માંગી નહોતા રહ્યા પરંતુ સંયમિત હતા. તેમણે વધુ એક વખત ભારપૂર્વક જણાવ્યું હતું કે તેમણે ‘કંઈ ખોટું કર્યું નથી’ અને ચૂંટણી પરિણામોમાં દખલ કરવાનો આરોપ મૂકતા કેસને ‘ન્યાયમાં કપટ’ ગણાવ્યો હતો.

    “તેઓ ચૂંટણીમાં દખલ કરવાનો પ્રયાસ કરી રહ્યાં છે. આપણા દેશમાં પહેલા ક્યારેય આવું બન્યું નથી. આ તેમની પ્રચારની રીત છે. અને આ એક દાખલો છે પણ તમારી પાસે બીજા ત્રણ દાખલા છે. તે ચૂંટણીમાં હસ્તક્ષેપ છે. તમે ચૂંટણીને પડકારવા સક્ષમ હોવા જોઈએ. મને લાગ્યું કે ચૂંટણી એક ધાંધલ ધમાલવાળી ચૂંટણી છે, ચોરીની ચૂંટણી છે. અહીં જે બન્યું છે તે ન્યાયમાં કપટ છે. અમે કંઈ ખોટું કર્યું નથી. મેં કંઈ ખોટું કર્યું નથી. તેઓ જે કરી રહ્યા છે તે ચૂંટણીમાં હસ્તક્ષેપ છે. અને અમને અપ્રમાણિક લાગે તેવી ચૂંટણીને પડકારવાનો દરેક હક, દરેક અધિકાર છે. તેથી અમને લાગે છે કે તે ખૂબ જ અપ્રમાણિક છે. તેથી તમારા બધાનો ખૂબ ખૂબ આભાર અને હું તમને જલ્દી મળીશ,” ટ્રમ્પે કહ્યું.

    ન્યૂઝમેક્સ સાથે વાત કરતા, ભૂતપૂર્વ યુએસ પ્રમુખે જયારે તેમના આરોપ અને ત્યારબાદની ધરપકડ વિશે વાત કરી ત્યારે જણાવ્યું હતું કે તેઓ એવા અનુભવમાંથી પસાર થયા હતા જે તેમણે ક્યારેય વિચાર્યું ન હતું કે તેમને પસાર થવું પડશે. “હું આરોપ વિશે કાંઈ જાણતો નથી અને હવે કટ્ટરપંથી ડાબેરીઓ દ્વારા અને ન્યાય વિભાગના સંકલનમાં મારા પર ચાર વખત આરોપ મૂકવામાં આવ્યો છે.”

    અગાઉના અહેવાલ મુજબ, ટ્રમ્પ સહિત કુલ 19 લોકોને આ કેસમાં દોષિત ઠેરવવામાં આવ્યા છે, જેઓ 2024ની રાષ્ટ્રપતિની ચૂંટણી માટે રિપબ્લિકન નોમિનેશન માટે મોખરે છે. ટ્રમ્પ પ્રચાર અધિકારીઓ, વકીલો અને ટ્રમ્પ સરકારના અધિકારીઓ પર આરોપ મૂકવામાં આવ્યા છે. આ કેસ ફુલટન કાઉન્ટી ડિસ્ટ્રિક્ટ એટર્ની ફાની વિલિસ દ્વારા લાવવામાં આવ્યો છે, જે ડેમોક્રેટ કોરિડોરમાં હીરો બની ગયા છે.

    X (અગાઉ ટ્વિટર તરીકે ઓળખાતું) પર પાછા ફરવાથી, ડોનાલ્ડ ટ્રમ્પ (રિપબ્લિકન પ્રમુખપદના નોમિનેશન માટેના મતદાનમાં આગળની હરોળના દોડવીર) તેમના ચૂંટણી અભિયાનને વેગ આપી શકશે. ભૂતપૂર્વ યુએસ પ્રમુખ X માં એક વિશાળ ચાહક વર્ગ ધરાવે છે, અને તેમની સાથે જોડાયેલા દરેક સમાચાર અહીં વાઇરલ થતા હોય છે.

    - Advertisement -

    સંબંધિત લેખો

    - Advertisement -

    તાજા સમાચાર

    ચૂકશો નહીં