પશ્ચિમ બંગાળમાં આજે પંચાયત ચૂંટણી માટે મતદાન હાથ ધરવામાં આવી રહ્યું છે. બીજી તરફ હિંસા પણ અટકવાનું નામ લઇ રહી નથી. ચોવીસ કલાકમાં લગભગ 10થી વધુ લોકોનાં મોત થઇ ચૂક્યાં છે. જેમાં ભાજપ, TMC અને CPIM કાર્યકર્તાઓ સામેલ છે. મતદાન દરમિયાન બંગાળમાં ક્યાંક બેલેટ બોક્સ લઈને ભાગી જવાની ઘટના સામે આવી તો ક્યાંક બેલેટ બોક્સ જ સળગાવી દેવામાં આવ્યાં હતાં. વળી એક જગ્યાએ બોક્સ પર પાણી રેડવાની ઘટના સામે આવી હતી.
પશ્ચિમ બંગાળમાં આજે રાજ્યની કુલ 63,229 ગ્રામ પંચાયત બેઠકો, પંચાયત સમિતિની 9,730 બેઠકો અને જિલ્લા પરિષદની કુલ 928 બેઠકો પર આજે ચૂંટણી યોજાઈ રહી છે. સવારે 7 વાગ્યાથી જ મતદાન શરૂ થઇ ગયું હતું. એક તરફ મતદાન શરૂ થયું તો બીજી તરફ ચૂંટણી જાહેર થઇ ત્યારથી શરૂ થયેલી હિંસાએ વધુ ભીષણ સ્વરૂપ પકડ્યું હતું. મીડિયા રિપોર્ટ્સ અનુસાર, બંગાળના મુર્શિદાબાદ, કૂચબિહાર, માલદા વગેરે ક્ષેત્રોમાં હત્યાની ઘટનાઓ સામે આવી છે. જેને લઈને રાજકીય પાર્ટીઓએ આરોપ-પ્રત્યારોપ શરૂ કરી દીધા છે.
પંચાયત ચૂંટણીના મતદાન વચ્ચે પશ્ચિમ બંગાળના કૂચબિહારનો એક વિડીયો વાયરલ થયો હતો, જેમાં એક વ્યક્તિ હાથમાં બેલેટ બોક્સ લઈને ભાગતો જોવા મળે છે. વિડીયોમાં જોવા મળે છે કે એક વ્યક્તિ હાથમાં બેલેટ બોક્સ લઈને ઝડપથી રસ્તા પરથી ભાગી રહ્યો છે. આ ઘટનાએ રાજ્યની સુરક્ષા વ્યવસ્થા પર મોટા સવાલ ઉભા કર્યા છે.
Open loot of the ballot box in West Bengal on polling day; A man seen running away with a ballot box in Cooch Behar, West Bengal. #WestBengal #CoochBehar #PanchayatPolls #MamataBanerjee #TMC #BJP
— Republic (@republic) July 8, 2023
WATCH #LIVE here- https://t.co/5C8MAHsMNQ pic.twitter.com/56gjQYJbcc
અન્ય એક ઘટનામાં કૂચબિહારના જ એક મતદાન મથક પર ટોળાએ બોગસ વોટિંગનો આરોપ લગાવીને બેલેટ બોક્સને જ આગ લગાડી દીધી હતી. મતદાન મથકમાં જઈને તોડફોડ કરીને બેલેટ બોક્સ બહાર લઇ આવ્યા હતા અને આગ ચાંપી દીધી હતી.
#WATCH | West Bengal panchayat election | Ballot box at a polling booth in Baranachina of Dinhata in Cooch Behar district was set on fire allegedly by voters who were angry with bogus voting that was reportedly going on here. pic.twitter.com/6C5aC00uac
— ANI (@ANI) July 8, 2023
સિન્દ્રાની ખાતે બેલેટ બોક્સમાં પાણી રેડી દેવાનો મામલો સામે આવ્યો હતો. જેનો પણ વિડીયો સામે આવ્યો છે, જેમાં એક બેલેટ બોક્સની ફરતે અમુક લોકો ઉભા રહેલા જોવા મળે છે, જેમાંથી એક વ્યક્તિ બોટલ લઈને બોક્સમાં પાણી રેડી દે છે. બેલેટ બોક્સમાં પાણી રેડી દેવાના કારણે મતદાનને પણ અસર પહોંચી હતી.
Video | #WestBengalPanchayatElections: People pour water on ballot boxes in Sindrani.
— TOI Kolkata (@TOIKolkata) July 8, 2023
Live: https://t.co/nbP5Skb7uE pic.twitter.com/s9h6fJvsJS
આવી જ એક ઘટના દિનહાટાના એક મતદાન મથકે પણ નોંધાઈ હતી, જ્યાં બેલેટ બોક્સમાં પાણી રેડી દેવાના કારણે મતદાન અટકાવી દેવું પડ્યું હતું. બીજી તરફ, મુર્શિદાબાદમાં એક મતદાન મથકે ભાજપ અને તૃણમૂલ કોંગ્રેસના કાર્યકર્તાઓ વચ્ચે બબાલ થતાં મતદાન અટકાવી દેવામાં આવ્યું હતું.
#WATCH | West Bengal panchayat election | Voting suspended at Indreshwar primary school in Dinhata after water was thrown into the ballot box here. pic.twitter.com/1CKYjmsgoH
— ANI (@ANI) July 8, 2023
