સોશિયલ મીડિયા ઉપર હિંદુદ્વેષી પોસ્ટ કરવા બદલ વડોદરાના એક પોલીસ અધિકારી સસ્પેન્ડ થયા છે. પોલીસ ઇન્સ્પેક્ટર તરીકે ફરજ બજાવતા અધિકારી નિશાંત સોલંકીએ ફેસબુક ઉપર અમુક વાંધાજનક પોસ્ટ્સ કરી હતી, જેને લઈને સોશિયલ મીડિયા પર ભારે વિરોધ થઇ રહ્યો હતો તો આ મામલે ફરિયાદ પણ અપાઈ હતી. ત્યારબાદ ગૃહ વિભાગના આદેશથી વડોદરાના પોલીસ કમિશનરે અધિકારીને સસ્પેન્ડ કરી દીધા હતા.
મળતી માહિતી અનુસાર છેલ્લા એક વર્ષ ઉપરાંતથી વડોદરા શહેર પોલીસમાં એન્ટી હ્યુમન ટ્ર્ફિક યુનિટમાં પોલીસ ઇન્સ્પેક્ટર તરીકે ફરજ બજાવતા નિશાંત સોલંકીએ પોતાના ફેસબુક એકાઉન્ટ પર હિંદુ ધર્મ અને દેવી દેવતાઓ પર અભદ્ર પોસ્ટ કરી હતી. પોસ્ટમાં લખવામાં આવ્યું કે, ‘રામ ભગવાન થે, હનુમાન બંદર થે, રામ પૈદલ ચલતે થે ઔર હનુમાન ઉડતે થે. ક્યોંકિ હનુમાન કે પાસ આરક્ષણ થા.’ આ સિવાની એક પોસ્ટમાં તેમણે તેમ પણ લખ્યું કે, ‘જિસ દેશ મેં….પૂજા હોતી હૈ, ઉસ દેશ કે મંદિરો મેં બલાત્કારી નહીં બેઠેંગે તો ક્યાં સંસ્કારી બેઠેંગે…!” તેમની આ બંને પોસ્ટ સોશિયલ મીડિયામાં વાયરલ થઈ ગઈ હતી.
આ પોસ્ટ વાયરલ થતાંની સાથે જ બજરંગદળના રાષ્ટ્રીય સંયોજક અને હિમાચલ વિહિપના પૂર્વ પ્રાંત સંગઠન મંત્રી નીરજ દોનેરીયાના ધ્યાને આવતાં તેમણે મંગળવારે (11 એપ્રિલ 2023) પોતાના આધિકારિક ટ્વિટર હેન્ડલ પરથી ગૃહ રાજ્યમંત્રી હર્ષ સંઘવી, ગુજરાત પોલીસ, ગુજરાત પોલીસના સાઈબર સેલ અને ડીજીપી ગુજરાતને ટાંકીને આ મુદ્દે ધ્યાન દોરતું ટ્વિટ કરીને આ પોલીસ અધિકારી વિરુદ્ધ કડક કાર્યવાહીની માંગ કરી હતી. ત્યારબાદ સોશિયલ મીડિયા પર અનેક લોકોએ આ પોસ્ટને લઈને વિરોધ નોંધાવીને કડક કાર્યવાહીની માંગ કરી હતી.
नाम- nishant solanki
— Neeraj Doneria (@NeerajDoneria) April 11, 2023
पद-CID crime police बरोड़ा, गुजरात
काम- सोशल मीडिया पर हिंदू धर्म का अपनाम करना @GujaratPolice से निवेदन है कि इसके खिलाफ कड़क कार्यवाही कर जेल में डाला जाए।@sanghaviharsh @CyberGujarat@dgpgujarat @TOIVadodara@vinod_bansal
Link 👇https://t.co/ckSuke9g4R pic.twitter.com/ylcwXpIz3R
ગૃહમાત્રલયે લીધાં ત્વરિત પગલાં
આ મામલો પોલીસ બેડામાં પણ ચર્ચાનો વિષય બન્યો હતો અને ત્યારબાદ રાજ્યના ગૃહ વિભાગના ધ્યાને પણ આવતાં વડોદરા શહેર પોલીસ કમિશનર પાસે રિપોર્ટ માંગવામાં આવ્યો હતો. જે મામલે વડોદરા સાયબર સેલે પીઆઈના અકાઉન્ટની ખરાઈ કર્યા બાદ રિપોર્ટ સુપરત કર્યો હતો. ત્યારબાદ વડોદરાના ઇન્ચાર્જ પોલીસ કમિશનર મનોજ નિનામાએ અધિકારીને સસ્પેન્ડ કરી દીધા હતા.
विहिप, @BajrangDal गुजरात प्रचार विभाग की टीम के प्रयास से हिंदू धर्म पर टिप्पणी करने वाला बरोड़ा पीसीबी पुलिस इंस्पेक्टर को गुजरात गृह मंत्रालय ने सस्पेंड किया, @sanghaviharsh जी का आभार ।@VHPGUJOFFICIAL @Bajrangdal_Guj @VHPDigital ⛳️ pic.twitter.com/MtrN6APULZ
— Neeraj Doneria (@NeerajDoneria) April 12, 2023
અમદાવાદમાં અપાઈ હતી PI વિરુદ્ધ પોલીસ અરજી
ઉલ્લેખનીય છે કે આ મામલે અમદાવાદના ઘાટલોડિયામાં પણ PI સોલંકી વિરુદ્ધ એક અરજી પણ દાખલ કરવામાં આવી હતી. અમદાવાદના વિશ્વ હિંદુ પરિષદ અને બજરંગ દળના કાર્યકર્તાઓએ ગત ફેબ્રુઆરીમાં પોલીસ અધિકારીની આ વિવાદાસ્પદ પોસ્ટને લઈને પોલીસ મથકે અરજી નોંધાવી હતી. જે મામલે અમદાવાદ શહેર બજરંગ દળ સંયોજક હિરેન રબારીએ ઑપઇન્ડિયા સાથે વાતચીત કરતાં તેમણે જણાવ્યું કે, તેમને ફેસબુક પર આ પોસ્ટ જોવા મળી હતી, જે હિંદુ સમાજની લાગણી દુભાવે તે પ્રકારની હોવાના કારણે તેમણે પોલીસ મથકે અરજી નોંધાવી હતી. તેમણે કહ્યું કે, આ સિવાય વિહિપના પરિષદના સોશિયલ મીડિયા ગ્રુપે પણ આ મામલે જાગૃતિ લાવવા પ્રયત્નો કરી ગૃહ મંત્રાલય અને CMOને ટાંકીને કાર્યવાહીની માંગ કરી હતી.
