કેરળમાં ‘ત્રાવણકોર દેવસ્વોમ બોર્ડ (TDB)’ એ બોર્ડ હેઠળના મંદિર પરિસરમાં ‘રાષ્ટ્રીય સ્વયંસેવક સંઘ (RSS)’ દ્વારા આયોજિત સામૂહિક કાર્યક્રમો પર પ્રતિબંધ મૂકતો પરિપત્ર બહાર પાડ્યો છે. 18 મે, 2023 ના રોજ જારી કરાયેલા પરિપત્ર અનુસાર, RSSને ત્રાવણકોર દેવસ્વોમ બોર્ડના મંદિરોમાં શાખાઓ સ્થાપિત કરવાની પણ મંજૂરી આપવામાં આવશે નહીં. પરિપત્રનો અનાદર કરનાર અધિકારીઓ સામે કાર્યવાહી કરવામાં આવશે તેમ જણાવવામાં આવ્યું છે.
TDB દ્વારા જારી કરાયેલ પરિપત્ર વાસ્તવમાં અગાઉના આદેશનું પુનરોચ્ચાર છે. જેમાં હિંદુ મંદિરોમાં આરએસએસની ગતિવિધિઓ પર પ્રતિબંધ મૂકવાની વાત કહેવામાં આવી હતી. નવા પરિપત્રમાં આ આદેશોનું પાલન ન થવા બદલ અસંતોષ વ્યક્ત કરવામાં આવ્યો છે. તેથી જ આ વખતે આદેશનું પાલન ન કરવા બદલ કાર્યવાહી કરવાનું કહેવામાં આવ્યું છે. બોર્ડના સચિવ દ્વારા 30 માર્ચ, 2021ના રોજ જારી કરાયેલા પરિપત્ર મુજબ મંદિર પરિસરમાં ધાર્મિક વિધિઓ અને તહેવારો સિવાયની પ્રવૃત્તિઓ પર પ્રતિબંધ મૂકવામાં આવ્યો હતો.
ત્રાવણકોર દેવસ્વોમ બોર્ડે 2016 માં પણ એક પરિપત્ર બહાર પાડ્યો હતો, જેમાં મંદિર પરિસરમાં આરએસએસ દ્વારા હથિયારોની તાલીમ અને કવાયત પર પ્રતિબંધ મૂક્યો હતો.
Kerala | Travancore Devaswom Board issued a circular on May 18 to all temples under them to not allow mass drills and other activities organised by the RSS on temple premises. The circular says that this should be strictly followed and action will be taken against those officers…
— ANI (@ANI) May 23, 2023
ટીડીબી દ્વારા જારી કરાયેલા પરિપત્રને કોંગ્રેસે સમર્થન આપ્યું છે. કોંગ્રેસના નેતા અને કેરળ વિધાનસભામાં વિરોધ પક્ષના નેતા વીડી સતીસને કહ્યું છે કે બોર્ડ દ્વારા અગાઉ પરિપત્ર જારી કરવામાં આવ્યો હતો પરંતુ આરએસએસ દ્વારા તેનું ઉલ્લંઘન કરવામાં આવ્યું હતું. RSS લોકોમાં નફરત ફેલાવીને વિભાજન કરવાનો પ્રયાસ કરી રહ્યું છે. સતીસને કહ્યું કે મંદિર જેવા પવિત્ર સ્થળનો ઉપયોગ આવી પ્રવૃત્તિઓ માટે કરી શકાય નહીં.
#WATCH | Thiruvananthapuram, Kerala: I am supporting that circular, even though they issued a circular in 2021 it has been violated by the RSS. RSS is spreading hatred among the people, they are trying to make divisions among the people. The premises of the temple cannot be used… pic.twitter.com/7V4J7NrUn0
— ANI (@ANI) May 23, 2023
બીજી તરફ હિન્દુ સંગઠનોએ આરએસએસની ગતિવિધિઓ વિરુદ્ધ જારી કરાયેલા પરિપત્રની નિંદા કરી હતી. RSS સાથે જોડાયેલા લેખક રતન શારદાએ આ પરિપત્રને તુષ્ટિકરણ ગણાવ્યું છે. તેમણે કહ્યું કે મંદિરોને ધર્મનિરપેક્ષ બનાવવામાં આવી રહ્યા છે અને સંસ્થાઓમાં ફેરવાઈ રહ્યા છે જેને ધર્મ સાથે કોઈ લેવાદેવા નથી.
Hindu outfits condemn the Travancore Devaswom Board's circular against RSS activities inside the temple premises across the state, term it 'appeasement'.
— TIMES NOW (@TimesNow) May 23, 2023
By secularising the temples, temples are being turned into institutions which have nothing to do with Dharma: @RatanSharda55 pic.twitter.com/6lYCKFHbBJ
ત્રાવણકોર દેવસ્વોમ બોર્ડ કેરળમાં લગભગ 3,000 મંદિરોનું સંચાલન કરતી સંસ્થાઓમાંથી એક છે. ટીડીબી સબરીમાલા મંદિર સહિત 1200 થી વધુ મંદિરો ચલાવે છે. અન્ય ચાર બોર્ડ કોચીન દેવસ્વોમ બોર્ડ, મલબાર દેવસ્વોમ બોર્ડ, ગુરુવાયુર દેવસ્વોમ બોર્ડ અને કૂડલમણિક્યમ બોર્ડ છે.
