Tuesday, March 19, 2024
More
    હોમપેજન્યૂઝ રિપોર્ટસુરત: ઘરે ટ્યુશન આપવા જતા આસિફ સરસવાલાએ 14 વર્ષીય વિદ્યાર્થીની સાથે શારીરિક...

    સુરત: ઘરે ટ્યુશન આપવા જતા આસિફ સરસવાલાએ 14 વર્ષીય વિદ્યાર્થીની સાથે શારીરિક અડપલાં કર્યાં, સાઈડ હગ કરી છેડતી કરી: ધરપકડ

    શિક્ષક જતા રહ્યા બાદ વિદ્યાર્થીની તેની માતા પાસે ગઈ હતી અને રડતાં-રડતાં ફરિયાદ કરી તેનો ટ્યુશન શિક્ષક બદલી નાંખવા માટે કહ્યું હતું.

    - Advertisement -

    સુરત શહેરના ભટાર વિસ્તારમાં ઘરે ટ્યુશન આપવા જતા એક ઈસમની 14 વર્ષીય વિદ્યાર્થીનીની છેડતી કરવા બદલ ધરપકડ કરવામાં આવી છે. આરોપીની ઓળખ મોહમ્મદ આસિફ સમીમ સરસવાલા (ઉં.વ 39, રહે. સુરત) તરીકે થઇ છે. તે તરૂણીને ટ્યુશન આપવા માટે તેના ઘરે જતો હતો. ગત 15 ઓગસ્ટના રોજ તેણે યુવતીના પ્રાઇવેટ પાર્ટ પર હાથ ફેરવી, સાઈડ હગ કરી છેડતી કરી હતી. 

    મીડિયા રિપોર્ટ્સ અનુસાર, આસિફ તરૂણી અને તેના ભાઈને ટ્યુશન આપવા માટે તેમના ઘરે જતો હતો. પરંતુ તાજેતરમાં જ છોકરો તેના મામાના ઘરે ગયો હોવાના કારણે આસિફ 9મા ધોરણમાં અભ્યાસ કરતી તરૂણીને રૂમમાં લઇ ગયો હતો અને તેની સાથે અડપલાં કર્યાં હતાં. ટ્યુશન પૂરું કરીને તેના ગયા બાદ પુત્રીએ આ બાબતની જાણ તેની માતાને કરી હતી. 

    સુરતના ભટાર વિસ્તારમાં રહેતા એક બેન્ક કર્મચારીના પુત્ર અને પુત્રીને ગણિત, વિજ્ઞાન, અંગ્રેજી જેવા વિષયોનું ટ્યુશન આપવા માટે આસિફ સરસવાલા તેમના ઘરે જતો હતો. દરમ્યાન, ગત 15 ઓગસ્ટના રોજ તરૂણીનો ભાઈ મામાના ઘરે ગયો હોવાથી તે એકલી જ અન્ય એક રૂમમાં આસિફ સાથે અભ્યાસ માટે બેઠી હતી અને તેની માતા બાજુના રૂમમાં સાફસફાઈ કરી રહી હતી. 

    - Advertisement -

    ફરિયાદમાં જણાવ્યા અનુસાર, એક કલાકનું ટ્યુશન પતાવીને આસિફ બપોરે 12 વાગ્યે જતો રહ્યો હતો. જે બાદ વિદ્યાર્થીની તેની માતા પાસે ગઈ હતી અને રડતાં-રડતાં ફરિયાદ કરી તેનો ટ્યુશન શિક્ષક બદલી નાંખવા માટે કહ્યું હતું. જે બાદ તેની માતાએ વધુ પૂછપરછ કરતાં તેણે જણાવ્યું હતું કે, આસિફે તેની જાંઘના ભાગે અને ત્યારબાદ પીઠના ભાગે હાથ ફેરવી છાતી તરફ પણ હાથ લગાવવા માટે પ્રયાસ કર્યો હતો.

    તરૂણીએ તેની માતાને જણાવ્યું હતું કે તેના શિક્ષકે જતાં-જતાં ‘આજે ઘરે જવાનું મન થતું નથી’ તેમ કહીને તેને સાઈડ-હગ કરીને ‘આઈ લવ યુ’ કહ્યું હતું. પુત્રીએ આપવીતી જણાવ્યા બાદ તેની માતા સીધી પોલીસ મથકે પહોંચી હતી અને આસિફ સરસવાલા સામે કાયદેસરની ફરિયાદ નોંધાવી હતી. જેના આધારે ખટોદરા પોલીસે ગુનો દાખલ કરીને આસિફ સરસવાલાને પકડી લીધો હતો. 

    સુરત પોલીસના જણાવ્યા અનુસાર, વિદ્યાર્થીનીની છેડતી કરનાર આરોપી આસિફ પીપલોદ ખાતેની આર્મી સ્કૂલમાં પણ શિક્ષક તરીકે નોકરી કરે છે તેમજ ત્રણ સંતાનોનો પિતા છે. હાલ આ મામલે પોલીસ વધુ તપાસ હાથ ધરી રહી છે. 

    - Advertisement -

    સંબંધિત લેખો

    - Advertisement -

    તાજા સમાચાર

    ચૂકશો નહીં