સમાજવાદી પાર્ટીના નેતા સ્વામી પ્રસાદ મૌર્ય હાલમાં ચર્ચામાં છે. તે સતત હિંદુ ધર્મ ગ્રંથનું અપમાન કરતા રહ્યા છે. ખાસ કરીને કેટલાક દિવસોથી ઈરાદા પૂર્વક રામચરિતમાનસ વિશે એલફેલ બોલી રહ્યા છે. પરંતુ, હવે તેનો વિરોધ તેમની જ પાર્ટીમાં થઈ રહ્યો છે.
મળતી માહિતી મુજબ, સમાજવાદી પાર્ટીની પ્રવક્તા ડો. રોલી તિવારી મિશ્રાએ ટ્વીટર પર એક પછી એક ટ્વીટ કરીને રામચરિતમાનસના વિરોધમાં બોલતા સ્વામી પ્રસાદ મૌર્યનો ઉધડો લીધો હતો અને સાથે એક ટ્વીટમાં તો તેમના ઉપર રાષ્ટ્રીય સુરક્ષા કાયદો લાગુ કરવા માટે પણ અપીલ કરી હતી.
यूपी में धार्मिक उन्माद और जातीय सँघर्ष फ़ैलाने की चेष्टा करने वाले श्री स्वामी प्रसाद पर
— Dr Roli Tiwari Mishra पण्डित डॉ रोली तिवारी मिश्रा (@RoliTiwariMish1) February 3, 2023
NSA रासुका लगाई जाए
ऐसे धर्म द्रोहियों से राष्ट्र को ख़तरा है@myogiadityanath जी @UPGovt@narendramodi जी @PMOIndia
સમાજવાદી પાર્ટીના પ્રવક્તા ડો.રોલી તિવારીએ ટ્વીટ કરીને સ્વામી પ્રસાદ મૌર્ય દ્વારા કરવામાં આવેલા રામચરિતમાનસના અપમાન બાબતે ગુસ્સો વ્યક્ત કર્યો હતો, સાથે તેમણે કહ્યું હતું કે “હિંદુઓને જાતિઓમાં વહેંચવામાં આવી રહ્યા છે, અમુક લોકો દેશની સ્થિતિ ગૃહયુદ્ધ જેવી કરવા જઈ રહ્યા છે.”
हर तरफ सनातन धर्म के खिलाफ़ साजिश कर, हिंदू जातियों को बाँटकर क्या देश में “गृहयुद्ध” जैसी भूमिका रची जा रही है ??
— Dr Roli Tiwari Mishra पण्डित डॉ रोली तिवारी मिश्रा (@RoliTiwariMish1) February 3, 2023
રોલી તિવારી સ્વામી પ્રસાદ મૌર્યના વિરોધમાં ઘણા સમયથી ટ્વીટ કરી રહ્યાં છે. એક ટ્વીટમાં તેમણે સ્વામી પ્રસાદ મૌર્ય પર મહિલાનું અપમાન કરવાનો પણ આરોપ મૂક્યો હતો. તેમના આ તરફના વલણથી ઘણા લોકોને આશ્ચર્ય થયું હતું અને લોકો અંદાજો લગાવી રહ્યા હતા કે ડો.રોલી ભાજપમાં જોડાવા જઈ રહ્યાં છે. ત્યારે તેમણે સ્પષ્ટતા તો ન કરી પરંતુ ભાજપ પર પણ હુમલો કરી ટ્વીટ કરી હતી કે “શ્રી રામ ચરિત માનસના અપમાન બાબતે ભાજપા કેમ મૌન છે?” યોગી આદિત્યનાથને ટેગ કરીને એક બીજી ટ્વીટમાં કહ્યું હતું કે “શ્રી રામચરિતમાનસના અપમાન કરનારાઓને હજુ કેમ જેલમાં નાખવામાં આવ્યા નથી?”
आ0 @myogiadityanath जी
— Dr Roli Tiwari Mishra पण्डित डॉ रोली तिवारी मिश्रा (@RoliTiwariMish1) February 1, 2023
श्रीरामचरितमानस की प्रतियाँ जलाने वाले और उन्हें समर्थन देने वाले कुछ अपराधियों की गिरफ़्तारी क्यों नहीं हुई अब तक ?
એક અન્ય ટ્વીટમાં તેમણે દાવો કર્યો હતો કે “એક તરફ ભગવાન શ્રીરામ હતા અને બીજી તરફ રાજનીતિક લાભો અને પદો હતા. પરંતુ, મેં ભગવાન શ્રીરામને પસંદ કર્યા છે.”
एक तरफ राजनीतिक पद लाभ थे
— Dr Roli Tiwari Mishra पण्डित डॉ रोली तिवारी मिश्रा (@RoliTiwariMish1) February 3, 2023
दूसरी तरफ प्रभु श्रीराम और श्रीरामचरितमानस
मैंने प्रभु श्रीराम को चुना
આ તમામ ટ્વીટો વચ્ચે ડૉ. રોલીએ અખિલેશ યાદવને પોતાનો હીરો બતાવતા પણ ટ્વીટ કરી છે સાથે સાથે મુલાયમસિંહ યાદવ તેમના નેતા છે તેઓ તેમને ખૂબ યાદ આવી રહ્યા છે તેવી પણ ટ્વીટ કરી છે.
સમાજવાદી પાર્ટી તરફથી હાલમાં કોઈ પ્રતિક્રિયા આવી નથી. તેમજ સ્વામી પ્રસાદ મૌર્યએ પણ કોઈ જવાબ આપ્યો નથી. સ્વામી પ્રસાદ મૌર્ય પહેલાં માયાવતી સાથે હતા, બાદમાં ભાજપા સાથે રહી સરકારમાં મંત્રી બન્યા હતા અને હાલમાં તેઓ સમાજવાદી પાર્ટીના મહાસચિવ છે.
