અયોધ્યામાં નિર્માણ પામી રહેલા ભગવાન શ્રીરામના ભવ્ય મંદિરમાં પ્રાણપ્રતિષ્ઠા મહોત્સવ ક્યારે યોજાશે તેની અધિકારિક તારીખ સામે આવી ગઈ છે. 22 જાન્યુઆરી, 2024ના રોજ ભગવાન મંદિરમાં બિરાજશે. રામમંદિરમાં યોજનારા પ્રાણપ્રતિષ્ઠા કાર્યક્રમમાં હાજરી આપવા માટે વડાપ્રધાન નરેન્દ્ર મોદી પણ ઉપસ્થિત રહેશે. શ્રીરામ જન્મભૂમિ તીર્થક્ષેત્ર ટ્રસ્ટ દ્વારા આજે પીએમ મોદીને નિમંત્રણ આપવામાં આવ્યું હતું.
વડાપ્રધાને X પર એક પોસ્ટ કરીને લખ્યું કે, “આજનો દિવસ ભાવનાઓથી ભરેલો છે. હમણાં શ્રીરામ જન્મભૂમિ તીર્થક્ષેત્ર ટ્રસ્ટના પદાધિકારી મને મળવા મારા નિવાસસ્થાને આવ્યા હતા. તેમણે મને શ્રીરામ મંદિરમાં પ્રાણ-પ્રતિષ્ઠાના અવસર પર અયોધ્યા આવવા માટે નિમંત્રિત કર્યો છે. હું ધન્યતા અનુભવું છું. આ મારું સૌભાગ્ય છે કે પોતાના જીવનકાળમાં આ ઐતિહાસિક અવસરનો સાક્ષી બનીશ.”
जय सियाराम!
— Narendra Modi (@narendramodi) October 25, 2023
आज का दिन बहुत भावनाओं से भरा हुआ है। अभी श्रीराम जन्मभूमि तीर्थ क्षेत्र ट्रस्ट के पदाधिकारी मुझसे मेरे निवास स्थान पर मिलने आए थे। उन्होंने मुझे श्रीराम मंदिर में प्राण-प्रतिष्ठा के अवसर पर अयोध्या आने के लिए निमंत्रित किया है।
मैं खुद को बहुत धन्य महसूस कर रहा… pic.twitter.com/rc801AraIn
આ મુલાકાત બાદ મંદિર ટ્રસ્ટના જનરલ સેક્રેટરી ચંપત રાયે એક નિવેદનમાં જણાવ્યું કે, “શ્રીરામ જન્મભૂમિ તીર્થક્ષેત્ર ટ્રસ્ટના ટ્રસ્ટી, કોષાધ્યક્ષ, મંદિર નિર્માણ સમિતિના અધ્યક્ષ અને મહામંત્રી આજે (બુધવારે) પીએમ મોદીને મળવા માટે ગયા હતા. અમે તેમને 22 જાન્યુઆરી, 2024ના રોજ અયોધ્યા પધારીને નવા બની રહેલા મંદિરના ગર્ભગૃહમાં ભગવાન રામની પ્રાણપ્રતિષ્ઠા પોતાના વરદ હસ્તે કરવાનું આમંત્રણ આપ્યું. પ્રસન્નતાની વાત છે કે વડાપ્રધાને અમારું આમંત્રણ સ્વીકાર કર્યું છે. તેઓ પ્રાણ પ્રતિષ્ઠાના અવસરે અયોધ્યામાં ઉપસ્થિત રહેશે.”
#WATCH | General Secretary of Sri Ram Janambhoomi Trust Champat Rai on meeting PM Narendra Modi and confirming January 22, 2024 as the date of installation of Lord Ram idol in the Garbhagriha of the Ram Mandir in Ayodhya, Uttar Pradesh. pic.twitter.com/wBtWetiNW6
— ANI (@ANI) October 25, 2023
તેમણે અધિકારિક રીતે જણાવ્યું કે, પ્રાણ પ્રતિષ્ઠાની તારીખ 22 જાન્યુઆરી, 2024 હવે નિશ્ચિત થઈ ગઈ છે. અમુક રિપોર્ટ્સમાં જણાવવામાં આવી રહ્યું છે કે આ કાર્યક્રમ બપોરે 12:30 કલાકે યોજાશે.
Ram Mandir Trust team meets PM Modi to invite him to consecration ceremony, which is to take place on January 22 at 12:30 p.m.
— TIMES NOW (@TimesNow) October 25, 2023
Recently the officials of Shri Ram Janmabhoomi Teerth Kshetra…: Siddhartha walks us through the Prime Minister's tweet.@pragyakaushika | @kritsween pic.twitter.com/tiXIbPa5aA
રામમંદિરના નિર્માણની વાત કરવામાં આવે તો પાયો તૈયાર થઈ ગયો છે અને હાલ ગર્ભગૃહનું નિર્માણ કાર્ય ચાલી રહ્યું છે. ભગવાનનું મંદિર તૈયાર કરવા માટે હજારો લોકો દિવસ-રાત મહેનત કરી રહ્યા છે. ગત 18 ઓક્ટોબરના રોજ મંદિર ટ્રસ્ટ દ્વારા શૅર કરવામાં આવેલ ફોટોગ્રાફમાં ભવ્ય મંદિર આકાર લેતું જોઈ શકાય છે.
निर्माणाधीन श्री रामजन्मभूमि मंदिर से आज के कुछ चित्र
— Shri Ram Janmbhoomi Teerth Kshetra (@ShriRamTeerth) October 18, 2023
Some pictures clicked today at Shri Ramjanmabhumi mandir site. pic.twitter.com/Jdou20Q2ks
મંદિર નિર્માણનો પ્રથમ તબક્કો ડિસેમ્બર, 2023માં પૂર્ણ કરી લેવામાં આવશે. ત્યારબાદ જાન્યુઆરીમાં પ્રાણપ્રતિષ્ઠા થશે. જેની ચર્ચા ઘણા સમયથી ચાલી રહી હતી અને હવે તારીખ પણ નક્કી થઈ ગઈ છે. જોકે, મંદિરનું નિર્માણ ત્યારપછી પણ ચાલતું રહેશે પરંતુ રામલલાના દર્શન થઈ શકશે. સમગ્ર મંદિર પરિસર તૈયાર થતાં વર્ષ 2025 આવી જશે તેવું અનુમાન છે.
