પોતાને ‘આમ આદમી’ ગણાવતા આપ નેતા અને દિલ્હીના મુખ્યમંત્રી અરવિંદ કેજરીવાલે કોરોનાના સમયમાં પોતાના નિવાસસ્થાનનું રિનોવેશન કરવા માટે 45 કરોડ ખર્ચ્યા હોવાનો ઘટસ્ફોટ થયો હતો. આ ઘટસ્ફોટ ‘ટાઇમ્સ નાઉ નવભારત’ દ્વારા તેમના શો ‘ઓપરેશન શીશમહલ’માં કરવામાં આવ્યો હતો. આ સ્ટોરી કવર કરનારા ટાઈમ્સ નાઉ નેટવર્કના મહિલા પત્રકારની તાજેતરમાં રૅશ ડ્રાઇવિંગના આરોપમાં ધરપકડ કરવામાં આવી છે.
રિપોર્ટ અનુસાર, શુક્રવારે (5 મે, 2023) એક મહિલાને સ્પીડમાં આવતી કારે ટક્કર મારી હતી અને તે ઈજાગ્રસ્ત થઈ હતી. આ મામલે પોલીસે ત્રણ વ્યક્તિઓની ધરપકડ કરી હતી. આ ત્રણ વ્યક્તિઓની ઓળખ ભાવના કુમારી, મૃત્યુંજય કુમાર અને ડ્રાઈવર પરમિંદર સિંઘ તરીકે થઈ છે. ભાવના ટાઇમ્સ નાઉ નવભારતમાં પત્રકાર છે જેમણે ‘ઓપરેશન શીશમહલ’માં કેજરીવાલ અંગે મોટો ખુલાસો કર્યો હતો. તો તેમની સાથે કારમાં સવાર વ્યક્તિ ક્રૂ મેમ્બર છે.
પીડિતા મહિલા ગગને પોતાની ફરિયાદમાં જણાવ્યું હતું કે, તે મોહલ્લા ક્લિનિકના ઉદ્ઘાટનમાં હાજરી આપવા જઈ રહી હતી ત્યારે એક ઇનોવા એસયુવીએ તેને ટક્કર મારી હતી, જેના કારણે તેના જમણા હાથ પર ઈજા થઈ હતી. અકસ્માતમાં તેનો ફોન પણ તૂટી ગયો હતો. મહિલાએ કહ્યું કે, અકસ્માત બાદ પેસેન્જરો (ભાવના કુમારી અને મૃત્યુંજય કુમાર)એ ગાડીમાંથી બહાર નીકળીને તેની સાથે બોલાચાલી કરી હતી અને જાતિવાદી અપશબ્દો ઉચાર્યા હતા.
પોલીસે કારમાં બેઠેલા લોકો વિરુદ્ધ આઈપીસીની કલમ 279, 337 અને 427 તેમજ SC અને ST એક્ટની કલમ 3 અને 4 હેઠળ લુધિયાણામાં ડિવિઝન નંબર 3 પોલીસ સ્ટેશન, સેન્ટ્રલ સબડિવિઝનમાં કેસ નોંધ્યો છે.
#SheeshMahalKaBadla: पत्रकार @BhawanaKishore की गिरफ्तारी पर केंद्रीय मंत्री @ianuragthakur का बयान- 'ये आम आदमी पार्टी की बौखलाहट है, यह अपने आप में महिलाओं के प्रति इनकी सोच पर प्रश्नचिन्ह खड़ा करता है'@himanshdxt #OperationSheeshMahal #DeshKiBetiBhawanaKishore @navikakumar pic.twitter.com/SqJupYbaWG
— Times Now Navbharat (@TNNavbharat) May 6, 2023
ભાજપના ગુરુદેવ શર્મા સહિતના કાર્યકરો પત્રકારના સમર્થનમાં પોલીસ સ્ટેશન પહોંચ્યા હતા. ઉલ્લેખનીય છે કે, મહિલા પત્રકારની પહેલા અટકાયત કરવામાં આવી હતી અને આ મામલે ચેનલના એડિટર ઉપરાંત નેટિઝન્સે પંજાબ પોલીસ પર એવો આરોપ મૂક્યો હતો કે, તેઓ ‘ઓપરેશન શીશમહલ’નો બદલો લઈ રહ્યા છે.
શુક્રવારે (5 મે, 2023) ટાઈમ્સ નેટવર્કનાં ગ્રુપ એડિટર નાવિકા કુમારે એક વિડીયો શૅર કર્યો હતો, જેમાં પંજાબ પોલીસ ટાઈમ્સ નાઉ નવભારતનાં પત્રકાર ભાવના કિશોરની અટકાયત કરતી જોવા મળે છે.
નાવિકા કુમારે ટ્વિટ કરીને પંજાબ સીએમ ભગવંત માન અને AAP ચીફ કેજરીવાલને ટેગ કરીને પત્રકારની મુક્તિ માટેની માંગ કરી હતી અને એમ પણ જણાવ્યું કે પંજાબ પોલીસે તેમને 7 કલાકથી હિરાસતમાં રાખ્યાં છે. તેમણે જણાવ્યું કે, તેમની ઉપર અકસ્માતનો આરોપ લગાવવામાં આવ્યો છે પરંતુ તેઓ તો ગાડી ચલાવી પણ રહ્યાં ન હતાં. તેમણે આ ઘટનાને મીડિયા પર હુમલો પણ ગણાવ્યો.
I demand that @BhagwantMann & @ArvindKejriwal to release @TNNavbharat reporter @BhawanaKishore immediately. Detained by @DGPPunjabPolice for the last 7 hours. Accused of an accident when she was not driving a car. This is serious intimidation of the media.#sheeshmahalBadla pic.twitter.com/cuBoDNKNDt
— Navika Kumar (@navikakumar) May 5, 2023
આ સાથે તેમણે #Sheeshmahalbadla નામનું એક હૅશટેગ પણ વાપર્યું હતું. તાજેતરમાં ટાઈમ્સ નાઉ ચેનલે ‘ઓપરેશન શીશમહલ’માં ઘટસ્ફોટ કર્યો હતો કે કઈ રીતે દિલ્હી સીએમ અરવિંદ કેજરીવાલે લોકોના પૈસે 45 કરોડ રૂપિયાના ખર્ચે ઘરમાં રીનોવેશન કરાવ્યું હતું. નાવિકાએ એ તરફ સંકેત કરીને કહ્યું કે, તેનો બદલો લેવામાં આવી રહ્યો છે.
ટ્વીટના જવાબમાં ભાજપના નેતા તજિન્દર બગ્ગાએ લખ્યું હતું કે, “ગત વર્ષે 6 મેના રોજ પંજાબ પોલીસે અરવિંદ કેજરીવાલના નિર્દેશ પર મારું અપહરણ કર્યું હતું. આજે 5 મેના રોજ પંજાબ પોલીસે ટાઈમ્સ નાઉના મહિલા રિપોર્ટર ભાવના કિશોરનું કેજરીવાલના શીશમહલનો પર્દાફાશ કરવા બદલ અપહરણ કર્યું છે. રાજ્યમાં ડ્રગ્સને રોકવામાં નિષ્ફળ રહેલી પંજાબ પોલીસ કેજરીવાલના ઈશારે નાચી રહી છે.”
last year on 6th may @PunjabPoliceInd kidnapped me on the instructions of @ArvindKejriwal . today on 5th may Punjab Police kidnapped @TimesNow woman reporter Bhavna Kishore for exposing Kejriwal Sheesh Mahal. Punjab Police failed to stop drugs in Punjab but dancing on…
— Tajinder Pal Singh Bagga (@TajinderBagga) May 5, 2023
‘આમ આદમી પાર્ટી’ના નેતા કેજરીવાલે 45 કરોડના ખર્ચે બનાવ્યો શીશમહેલ
ઓપરેશન શીશમહલમાં ટાઈમ્સ નાઉએ ખુલાસો કર્યો હતો કે, કોરોનાના સમયમાં કેજરીવાલે 45 કરોડના ખર્ચે ઘરનું રિનોવેશન કરાવ્યું હતું. જેમાં પડદા પાછળ લાખો ખર્ચાયા હતા તો બાથરૂમો બનાવવા પાછળ દોઢ કરોડનો ખર્ચ થયો હતો. ઉપરાંત, ઘરમાં લગાવવા માટેના માર્બલ વિયેતનામથી મંગાવવામાં આવ્યા હતા. આ સિવાય પણ ઉચ્ચ કક્ષાની વસ્તુઓ વાપરીને કેજરીવાલે 45 કરોડનો શીશમહેલ બનાવ્યો હોવાનો ઘટસ્ફોટ થયો હતો.
થોડા દિવસ પહેલાં કેજરીવાલના આ આલીશાન ઘરની તસ્વીરો પણ સામે આવી હતી, જેમાં ઘરની ભવ્યતા જોવા મળે છે. સમગ્ર ઓપરેશન બાદ આમ આદમી પાર્ટી બેકફૂટ પર જોવા મળી રહી છે.
