પાકિસ્તાની સુચનામંત્રી મરિયમ ઔરંગઝેબ હાલ લંડનના પ્રવાસે છે તેવામાં તેમને જોઇને કેટલાક પાકિસ્તાની નાગરિકો ‘ચોર…ચોર…’ નારા લગાવવા લગતા તેમના માટે ક્ષોભજનક પરિસ્થિતિ સર્જાઈ હતી. હાલ પાકિસ્તાની સુચનામંત્રી મરિયમ ઔરંગઝેબ ચોર છે ના નારા વાળો વિડીયો સોસીયલ મીડિયામાં વાયરલ થઇ રહ્યો છે.
મળતા અહેવાલો મુજબ પાકિસ્તાનના સુચનામંત્રી મરિયમ ઔરંગઝેબને લંડનમાં રહેતા પાકિસ્તાનીઓએ કોફી શોપમાં ઘેરી લીધા હતા.વાઈરલ થયેલા વીડિયોમાં તેઓ પૂરને કારણે થયેલી તબાહી વચ્ચે વિદેશ પ્રવાસ માટે પાકિસ્તાનમાં મંત્રીની ટીકા કરતા જોવા મળે છે. ટોળાએ મરિયમનો પીછો કરતા રસ્તાઓ પર ‘ચોર ચોર’ના નારા પણ લગાવ્યા હતા.આ સમગ્ર ઘટનાનો વીડિયો સોશિયલ મીડિયા પર વાયરલ થઈ રહ્યો છે.જો કે, આ દરમિયાન મરિયમે કોઈ પ્રતિક્રિયા આપી ન હતી અને તેમણે પોતાને મોબાઈલ ફોનમાં વ્યસ્ત રાખી હતી.
She braved it with aplomb. The shame is for the harassers. The trend will be irresistible for others. It is only a matter of time before PTI women or Imran himself face the same situation. I will condemn it even then but with the reminder that what goes around comes around. pic.twitter.com/UA61Co7Tim
— Syed Talat Hussain (@TalatHussain12) September 25, 2022
ટીવીમાં હિજાબ પર મોટા મોટા દાવા અને અહી દુપટ્ટો પણ નહિ?
અહેવાલોમાં જણાવ્યા આનુસાર થોડા સમય અગાઉ મરિયમ દ્વારા હિજાબ પર આપવામાં આવેલી ટીપ્પણી બાદ મરિયમ ઔરંગઝેબને પોતે ઉઘાડા માથે ફરતી જોતા ઇમરાન ખાનના સમર્થકોએ અવળે હાથે લીધા હતા. વાયરલ વીડિયોમાં એક મહિલાને કહેતી સાંભળી શકાય છે કે ‘ઔરંગઝેબ ટીવી પર હિજાબ વિષે મોટા મોટા દાવા કરે છે પરંતુ અહીં તેના માથા પર દુપટ્ટો પણ નથી. એક પાકિસ્તાની પત્રકાર દ્વારા શેર કરવામાં આવેલા વીડિયોના જવાબમાં મરિયમે લખ્યું, “ઈમરાન ખાનની નફરતની રાજનીતિની આપણા ભાઈ-બહેનો પર અસર જોઈને દુઃખ થયું.
Overseas Pakistani welcomed Mariyam Aurangzeb #PTIOfficial #PTIJalsa #imrankhanPTI #imrankhan_is_our_redline #PMLN pic.twitter.com/gz1peNRKIk
— Haisem Virk (@HaisemVirk) September 25, 2022
પાકિસ્તાન માટે સર્જાયેલી આ શરમજનક ઘટના બાદ ત્યાના નાણામંત્રી અને સંરક્ષણ મંત્રીએ મરિયમનો બચાવ કરવાનો નિરર્થક પ્રયત્ન પણ કર્યો હતો. મળતા અહેવાલો મુજબ તેમણે પરિસ્થિતિને સંભાળવા બદલ મરિયમની પ્રશંસા કરી હતી. સંરક્ષણ પ્રધાન ખ્વાજા આસિફે ટ્વિટર પર કહ્યું કે યુકે ગયા પછી પણ કેટલાક વર્ગોની માનસિકતામાં બદલાવ આવ્યો નથી. ત્યાં રહેતા પાકિસ્તાનીઓ આપણા સમાજના સૌથી નીચલા સ્તરનું પ્રતિનિધિત્વ કરે છે. તો બીજી તરફ આયોજન મંત્રી અહેસાન ઈકબાલે આ ઘટનાને “પીટીઆઈના ગુંડાઓનું સૌથી નિંદનીય અને શરમજનક કૃત્ય” ગણાવ્યું હતું.
