રાહુલ ગાંધી જ્યારથી ‘ભારત જોડો યાત્રા’ લઈને નીકળ્યા છે ત્યારથી તેઓ અને યાત્રા બંને કોઈકને કોઈક કારણોથી ચર્ચામાં રહે છે. આ યાત્રા મધ્ય પ્રદેશમાંથી પસાર થઇ રહી છે ત્યારે તેમાં ‘પાકિસ્તાન ઝિંદાબાદ’ના નારા લગાવવામાં આવ્યા હોવાનો વિડીયો સામે આવ્યો છે. ભાજપ નેતા અમિત માલવિયાએ આ વિડીયો શૅર કર્યો હતો.
After Richa Chaddha’s public application to join Rahul Gandhi’s Bharat “Jodo” Yatra, “Pakistan Zindabad” (listen towards the end of the video) slogans raised in Khargon.
— Amit Malviya (@amitmalviya) November 25, 2022
INC MP posted the video and then deleted it after the faux pas came to light.
This is Congress’s truth… pic.twitter.com/ZkVEkd4pCf
અમિત માલવિયાએ વિડીયો ટ્વિટ કરીને મધ્ય પ્રદેશના ખરગોનમાંથી પસાર થતી કોંગ્રેસની ભારત જોડો યાત્રામાં ‘પાકિસ્તાન ઝિંદાબાદ’ના નારા લગાવવામાં આવ્યા હોવાનો આરોપ લગાવ્યો હતો. તેમણે એમ પણ કહ્યું કે, કોંગ્રેસે આ વિડીયો પોસ્ટ કર્યા બાદ ડિલીટ કરી દીધો હતો. જેનો સ્ક્રીનશોટ પણ તેમણે સાથે જોડ્યો હતો.
અમિત માલવિયાએ પોસ્ટ કરેલા 21 સેકન્ડ વિડીયોમાં રાહુલ ગાંધી, પ્રિયંકા ગાંધી અને કોંગ્રેસ નેતા કમલનાથ અન્ય કાર્યકર્તાઓ-નેતાઓ સાથે ચાલતા જોવા મળે છે. વિડીયોમાં અંતે કોઈ ‘પાકિસ્તાન ઝિંદાબાદ..’ બોલતું પણ સાંભળવા મળે છે.
આ મામલો પ્રકાશમાં આવ્યા બાદ મધ્ય પ્રદેશના મુખ્યમંત્રી શિવરાજસિંહ ચૌહાણે પણ કોંગ્રેસ પર પ્રહાર કર્યા છે. તેમણે કહ્યું કે, ભારત જોડો યાત્રામાં પાકિસ્તાનના નારા લાગવા, આ ભારત જોડવું છે કે ભારત તોડનારાઓને એકસાથે જોડવા માટે કરવામાં આવી રહ્યું છે. પહેલાં પણ ભારત તોડ્યું છે, હવે ફરી ભારત તોડવાનો ઈરાદો છે?
भारत जोड़ो यात्रा में पाकिस्तान जिंदाबाद के नारे लगना, यह भारत जोड़ना है या भारत को तोड़ने वालों को साथ जोड़ना है। पहले भी भारत तोड़ा है, क्या फिर भारत तोड़ने का इरादा है?
— Shivraj Singh Chouhan (@ChouhanShivraj) November 25, 2022
पाकिस्तान जिंदाबाद के नारे लगाने वाले किसी भी कीमत पर बचेंगे नहीं, उनके खिलाफ सख्त कार्रवाई की जायेगी।
તેમણે ઉમેર્યું કે, પાકિસ્તાન ઝિંદાબાદના નારા લગાવનારાઓને છોડવામાં આવશે નહીં અને તેમની સામે કડક કાર્યવાહી કરવામાં આવશે.
બીજી તરફ, કોંગ્રેસ તરફથી કોમ્યુનિકેશન ઇન્ચાર્જ જયરામ રમેશે આ વિડીયો એડિટ કરવામાં આવ્યો હોવાનો દાવો કરવામાં આવ્યો છે. તેમણે આરોપ ભાજપ પર લગાવીને કહ્યું કે, તેમની ‘અત્યંત સફળ’ થયેલી ભારત જોડો યાત્રાના અપમાન માટે આમ કરવામાં આવી રહ્યું છે. આ સાથે તેમણે એમ પણ કહ્યું કે, તેઓ તાત્કાલિક કાયદેસરની કાર્યવાહી કરવા માટે જરૂરી પગલાં લઇ રહ્યા છે. જોકે, કોંગ્રેસ નેતાએ આ સાથે કોઈ અન્ય વિડીયો શૅર કર્યો ન હતો.
A video doctored by the Dirty Tricks Department of the BJP is doing the rounds to discredit the highly successful #BharatJodoYatra. We are taking the necessary legal action immediately. We are prepared for such tactics, and there will be payback.
— Jairam Ramesh (@Jairam_Ramesh) November 25, 2022
ઉલ્લેખનીય છે કે રાહુલ ગાંધી સાથે ‘ભારત જોડો યાત્રા’માં તેમનાં બહેન પ્રિયંકા ગાંધી વાડ્રા પણ જોડાયાં છે. આ સાથે પ્રિયંકાના પતિ રોબર્ટ અને પુત્ર રેહાન પણ યાત્રામાં જોવા મળ્યા હતા. ભારત જોડો યાત્રા હાલ મધ્ય પ્રદેશમાંથી પસાર થઇ રહી છે.
