જાહેરમંચ પરથી બેફામ નિવેદનો આપવા માટે જાણીતા બનેલા ગુજરાત કોંગ્રેસના પ્રદેશ અધ્યક્ષ જગદીશ ઠાકોર ફરીથી ચર્ચામાં આવ્યા છે. આ વખતે પણ તેમના ચર્ચામાં આવવાનું કારણ તેમના નિવેદનો જ છે. જગદીશ ઠાકોરે ગુરુવારે (2 જૂન 2022) અરવલ્લીના ભિલોડા ખાતે આયોજિત એક સભામાં ભાજપ નેતાઓ વિશે અપશબ્દો વાપર્યા હતા તો ગુજરાત પોલીસને પણ ધમકી આપી હતી. હવે આ અંગે સોશિયલ મીડિયા પર લોકોની પ્રતિક્રિયા સામે આવી છે.
જગદીશ ઠાકોરે મંચ પરથી કહ્યું હતું કે, “ભાજપ શાસકો નરભક્ષકો છે અને લોહી ચાખી ગયા છે.” હાજર જનતાને કહ્યું કે, તેઓ તેમનાથી ચેતીને ચાલે. તેમણે ભાજપ નેતાઓ પર માત્ર ચૂંટણી સમયે જ ભગવાન રામને યાદ કરવાનો આરોપ લગાવ્યો હતો અને દાવો કર્યો કે તેમના (કોંગ્રેસ) મોઢે તો હંમેશા રામ હોય છે! તેમણે ભાજપ નેતાઓને ‘બહુરૂપિયા’ પણ ગણાવ્યા હતા.
કોંગ્રેસ પ્રમુખ જગદીશ ઠાકોરે પોલીસને લઈને પણ ધમકીભર્યા શબ્દો ઉચ્ચાર્યા હતા. તેમણે રાજ્યના પોલીસ કર્મચારીઓ પર ભાજપ સરકારના ઈશારે કામ કરવાનો આરોપ લગાવ્યો હતો. સભામાં તેમણે કહ્યું, “રાજ્યમાં પાંચ ટકા પોલીસકર્મીઓ રાજ્ય સરકારના ઈશારે કામ કરી રહ્યા છે. જો અમારી સરકાર આવશે તો આ કર્મચારીઓને પાંચસો કિલોમીટર કપડાં વગર દોડાવીશું.”
કોંગ્રેસ પ્રદેશ અધ્યક્ષના આ નિવેદનો બાદ સોશિયલ મીડિયા પર લોકોની પ્રતિક્રિયા જોવા મળી રહી છે. લોકો જગદીશ ઠાકોર દ્વારા આપવામાં આવેલ આ નિવેદનની ટીકા કરી રહ્યા છે તો લોકો એમ પણ કહી રહ્યા છે કે આ જ કારણ છે કે કોંગ્રેસ ક્યારેય સત્તા પર નથી આવતી.
ડૉ. આદિત્ય મહેતાએ જગદીશ ઠાકોરનો વિડીયો શેર કરીને કહ્યું કે, “આ ભાઈ ગુજરાત કોંગ્રેસના પ્રમુખ છે. બોલવાની સભ્યતા નથી, શું બોલવું-કેટલું બોલવું તેનું ભાન નથી. પણ સરકાર બનાવવી છે.”
જગદીશ ઠાકોર : આ ભાઈ ગુજરાત કોંગ્રેસ ના પ્રમુખ શ્રી છે.
— Dr.Aaditya Mehta 🇮🇳 (@DrAadityaMehta) June 2, 2022
બોલવાની સભ્યતા નથી…
શું બોલવું .?
કેટલું બોલવું.? એનું ભાન નથી પણ સરકાર બનાવવી છે. 🤣#JagdishThakor #GujaratCongress pic.twitter.com/dZfkbLgI19
ભાવેશ લોઢાએ વિડીયો શેર કરીને જગદીશ ઠાકોરના નિવેદનને ‘બફાટ’ ગણાવ્યું હતું. તેમણે કહ્યું કે, “કોંગ્રેસને બોલવાનું ભાન નથી, કદાચ એટલે જ કોંગ્રેસ ગુજરાતમાં 27 વર્ષથી સત્તા પર નથી.
ગુજરાત કોંગ્રેસના પ્રદેશ પ્રમુખ જગદીશ ઠાકોર નો બફાટ..
— Bhavesh Lodha (@bhav2406) June 2, 2022
કોંગ્રેસને બોલવાનું ભાન નથી કદાચ એટલે જ કોંગ્રેસ 27 વર્ષથી ગુજરાતમાં શાસનમાં નથી. pic.twitter.com/328T3erwbN
ગુજરાત પોલીસને આપેલી ધમકીને લઈને એક યુઝરે ગુજરાત પોલીસને ટેગ કરીને લખ્યું કે, “જગદીશ ઠાકોર પોલીસ વિરુદ્ધ નિવેદન કેમ આપી રહ્યા છે? શું તે ધમકી નથી? હું બહુ ગુજરાતી સમજતો નથી પરંતુ એટલું સમજાય છે કે તેઓ ધમકી આપી રહ્યા છે.”
@GujaratPolice why is this jagdish thakor giving statements against police?
— Shiva (@shiv_2929) June 3, 2022
& isn’t it a threat at bad language used?
I don’t know much gujarati but understood that he is giving threats. https://t.co/RAIg6bOIAd
વળી, રોનિત બારોટ નામના યુઝરે કહ્યું કે, જગદીશ ઠાકોર એ જ પોલીસને ધમકી આપી રહ્યા છે જેઓ ખડેપગે આવા નેતાઓના બંદોબસ્તમાં રહે છે. જયારે એક યુઝરે કહ્યું હતું કે, તેમની પાર્ટીમાં પાંચ લોકો પણ કામ નથી કરતા, તેમણે પહેલાં તેનું ચિંતન કરવાની જરૂર છે.
આ એજ પોલીસને ધમકી આપે છે જે ખડેપગે આવા નેતાઓના બંદોબસ્તમાં રહે છે.
— Ronit Barot (@ronit_barot) June 2, 2022
એમની ખુદની પાર્ટી માં ૫%લોકો જેટલા પણ કામ નહિ કરતા. એને કહો એ એમનું ચિંતન કરે પેહલા
— Shyam Patel (@shyaammm) June 2, 2022
દર્શન જોશી નામના યુઝરે કોંગ્રેસ સાંસદ શક્તિસિંહ ગોહિલને ટેગ કરીને લખ્યું હતું કે, “જગદીશ ઠાકોરની ભાષા જોઈ? ભુક્કા બોલાવી દઈશું, ફોડી નાંખીશું, પોલીસને કપડાં વગર દોડાવીશું.” તેમણે શશી થરૂર, રણદીપ સુરજેવાલા, પવન ખેરા વગેરે કોંગ્રેસ નેતાઓને ટેગ કરીને પૂછ્યું હતું કે શું તેઓ આ વ્યક્તિની આગેવાનીમાં લડીને ચૂંટણી જીતવા માંગે છે?”
@shaktisinhgohil જગદીશ ઠાકોર ની ભાષા જોઈ? ભુક્કા બોલાવી દઈશુ, ફોડી નાખીશું, પોલીસને કપડા વગર દોડાવીશું 🤔🤔🤔 @INCIndia you want to win election with this person as Gujarat party president? @Pawankhera @SupriyaShrinate @rssurjewala @ShashiTharoor
— Darshan Joshi (@Darshan19231907) June 3, 2022
ઉલ્લેખનીય છે કે એક તરફ ગુજરાત ચૂંટણી પહેલાં કોંગ્રેસ પાર્ટીના કેટલાક નેતાઓ વિવાદોમાં ફસાતા જોવા મળી રહ્યા છે તો કેટલાક પાર્ટી છોડી રહ્યા છે, બીજી તરફ પાર્ટીનું પ્રદર્શન પણ સતત કથળી રહ્યું છે. આ સંજોગોમાં જેમના માથે સંગઠનનો ભાર છે તેઓ સંગઠન મજબૂત કરવાના કે ચૂંટણીની તૈયારી કરવાના પ્રયત્નો કરવાનું મૂકીને આ પ્રકારના નિવેદનો આપીને પાર્ટીનું જ નુકસાન કરતા જણાઈ રહ્યા છે.
કોંગ્રેસ પાર્ટીના નેતાઓના કેટલાંક નિવેદનોના કારણે ભૂતકાળમાં પણ પાર્ટીને ચૂંટણીઓમાં નુકસાન ગયું છે ત્યારે આ વખતે પણ આવાં નિવેદનો વખત આવ્યે પાર્ટીને નુકસાન કરશે તેવું ચર્ચાઈ રહ્યું છે.
