મુંબઈ ખાતેના માહિમ (Mahim) બીચ પર સ્થિત મજાર (Mazar) આસપાસના ગેરકાયદેસર બાંધકામ પર મહારાષ્ટ્ર સરકારે બુલડોઝર ફેરવી દીધું છે. ગુરુવારે (23 માર્ચ, 2023) સવારે સ્થળ પર મોટી સંખ્યામાં પોલીસબળ તહેનાત કરવામાં આવ્યું હતું અને અતિક્રમણ તોડવાની કાર્યવાહી શરૂ કરવામાં આવી હતી. નોંધનીય છે કે મહારાષ્ટ્ર નવનિર્માણ સેનાના પ્રમુખ રાજ ઠાકરેએ બુધવારે જ આ ગેરકાયદેસર મજારનો મામલો ઉઠાવ્યો હતો.
ગુરુવારે વહેલી સવારે BMC અને પોલીસ વિભાગના અધિકારીઓ સ્થળ પર પહોંચ્યા હતા અને સરવે કર્યો હતો. ત્યારબાદ બુલડોઝર વડે અતિક્રમણ હટાવવાની કામગીરી શરૂ કરવામાં આવી હતી. જોકે, અધિકારીઓએ જણાવ્યું હતું કે, મજારની આસપાસ બનેલા ગેરકાયદેસર અતિક્રમણને હટાવવામાં આવી રહ્યું છે અને મજાર હટાવવામાં આવી રહી નથી.
કાર્યવાહીને લઈને મહારાષ્ટ્ર સરકારના મંત્રી દિપક કેસરકરે જણાવ્યું કે, ‘હવે બાળાસાહેબ ઠાકરેના માર્ગ પર ચાલનારી સરકાર છે. રાજ ઠાકરેએ એ મુદ્દો ઉઠાવ્યો જે અગાઉ બાળાસાહેબે ઉઠાવ્યો હતો. કોસ્ટલ રેગ્યુલેશન ઝોન હેઠળ કાર્યવાહી શરૂ કરી દેવામાં આવી છે અને જો સમુદ્રમાં કોઈ પણ પ્રકારનું બંધકામ કરવામાં આવે તો CRZ હેઠળ પરવાનગી લેવાની રહેશે.’
Now there is a government that walks on the path of Balasaheb Thackeray. Raj Thackeray raised the issue which was earlier raised by Balasaheb Thackeray. Proceedings have been initiated under the Coastal Regulation Zone (CRZ) and if any kind of construction has to be done in the… pic.twitter.com/MDSdJxMtSe
— ANI (@ANI) March 23, 2023
ઉલ્લેખનીય છે કે બુધવારે (22 માર્ચ, 2023) ગુડી પડવાની સભા દરમિયાન પોતાના સંબોધનમાં મનસે અધ્યક્ષ રાજ ઠાકરેએ એક વિડીયો ક્લિપ બતાવીને મુંબઈના માહિમ બીચ પર સ્થિત આ ‘ગેરકાયદેસર દરગાહ’નો મુદ્દો ઉઠાવ્યો હતો. તેમણે તાત્કાલિક આ મજાર હટાવી દેવાની માંગ કરી હતી અને કહ્યું હતું કે જો તેમ કરવામાં નહીં આવે તો તેમની પાર્ટી એ જ સ્થળે ગણપતિ મંદિરનું નિર્માણ કરશે.
રાજ ઠાકરેએ પ્રશ્નો ઉઠાવતાં કહ્યું હતું, “અહીં શું થઇ રહ્યું છે? શું નવી હાજી અલી દરગાહ બની રહી છે? બે વર્ષ પહેલાં અહીં કંઈ ન હતું. નગરપાલિકામાં કર્મચારીઓ શહેરમાં ફરતા રહે છે પરંતુ તેમને આ ગેરકાયદેસર નિર્માણ દેખાતું નથી. આ બીજી હાજી અલી બનાવવાના પ્રયાસો થઇ રહ્યા છે.”
રાજ ઠાકરેએ જે વિડીયો ચલાવ્યો હતો તે ત્યારબાદ મનસે દ્વારા પોતાના ટ્વિટર હેન્ડલ પરથી પણ પોસ્ટ કરવામાં આવ્યો હતો. આ ડ્રોન ફૂટેજમાં સમુદ્રમાં એક નાનકડા ટાપુ પર ઇસ્લામિક બાંધકામ અને તેની આસપાસ ઇસ્લામિક ઝંડા જોઈ શકાય છે.
संपूर्ण व्हिडीओ : सन्मा. राजसाहेबांनी आज एक अत्यंत महत्त्वाची बाब समोर आणली… सरकारचं/प्रशासनाचं दुर्लक्ष झाल्यावर काय होतं ते पहा… माहीमच्या मगदूम बाबा दर्ग्याच्या इकडे समुद्रात हे अनधिकृत बांधकाम केलं. २ वर्षांपूर्वी हे काहीच नव्हतं. इथे नवीन हाजीअली तयार करणं सुरु आहे.… pic.twitter.com/BQ2CH1NmCb
— MNS Adhikrut – मनसे अधिकृत (@mnsadhikrut) March 22, 2023
મુંબઈ ખાતેના માહિમ સ્થિત ઉભેલી આ મજાર અંગે તેમણે ચીમકી ઉચ્ચારતાં કહ્યું હતું કે, એક મહિનાની અંદર ગેરકાયદેસર નિર્માણ હટાવવામાં નહીં આવે તો તેઓ તેની બાજુમાં જ એક ગણપતિનું મંદિર બનાવી દેશે. તેમણે મહારાષ્ટ્ર સીએમ એકનાથ શિંદે અને ડેપ્યુટી સીએમ દેવેન્દ્ર ફડણવીસને આ મામલે તાત્કાલિક કાર્યવાહી કરવા માટે અપીલ કરી હતી.
