ભારત સરકાર દેશમાં 5G રોલઆઉટ માટે તૈયાર છે. કેન્દ્રીય સંચાર મંત્રી અશ્વિની વૈષ્ણવે આજે સોશ્યલ નેટવર્કિંગ સાઈટ “કૂ” પર જઈને માહિતી આપી હતી કે 5G સ્પેક્ટ્રમ અસાઈનમેન્ટ લેટર્સ જારી કરી દેવામાં આવ્યા છે. આ ઉપરાંત તેમણે સર્વિસ પ્રોવાઈડર્સને લૉન્ચની તૈયારીઓ કરવાનો પણ નિર્દેશ આપ્યો હતો.
સ્વતંત્રતા દિવસના સંબોધનમાં પીએમ મોદીએ કહ્યું હતું કે 5Gની રાહ હવે પૂરી થઈ ગઈ છે અને ટૂંક સમયમાં સેવાઓ શરૂ કરવામાં આવશે. લાલ કિલ્લા પરથી રાષ્ટ્રને સંબોધિત કરતી વખતે પીએમ મોદીએ કહ્યું કે ટૂંક સમયમાં ભારતના દરેક ગામ ડિજિટલ રીતે કનેક્ટ થઈ જશે. કેટલાક મીડિયા અહેવાલોએ પણ સૂચવ્યું હતું કે પીએમ મોદી આ વર્ષે ઓક્ટોબરમાં ઈન્ડિયા મોબાઈલ કોંગ્રેસ (આઈએમસી) દરમિયાન સત્તાવાર રીતે 5G સેવાઓ શરૂ કરાવશે.
#COAI appreciates the great initiative by our Hon’ble Minister, Sh. @AshwiniVaishnaw for kickstarting the #5Grollout which will transform the #digitalera, and accelerate new advanced experiences for people in every sector.
— COAI (@ConnectCOAI) August 18, 2022
@devusinh @DoT_India @TRAI @GoI_MeitY @pib_comm https://t.co/4Ada5MGOtT
સરકારે જિયો, એરટેલ, અદાણી જૂથ અને વોડાફોન આઈડિયાને 5જી સ્પેક્ટ્રમ અસાઈમેન્ટ લેટર જારી કરી દીધા છે. અપેક્ષા છે કે ભારતી એરટેલ આ મહિનાના અંત સુધીમાં 5G સ્પેક્ટ્રમનું રોલઆઉટ શરૂ કરશે અને માર્ચ 2024 સુધીમાં તમામ નગરો અને મુખ્ય ગ્રામીણ વિસ્તારોને આવરી લેશે. Jio પણ 5G ટેલિકોમ ઉપકરણોની ટ્રાયલ પૂર્ણ થયા પછી ટોચના 1000 શહેરોમાં 5G કવરેજનું આયોજન કરી રહ્યું છે.
એરટેલની 5G સેવા આ મહિનેજ શરૂ થશે
મળતી માહિતી મુજબ ભારતી એરટેલે પહેલેથી જ 5G સેવા ટૂંક સમયમાં શરૂ કરવાનો સંકેત આપ્યો છે. આ માટે એરટેલે EMDને 8,312.4 કરોડ રૂપિયાની ચુકવણી કરી દીધી છે. આ પૈસા એરટેલ દ્વારા ચાર વર્ષના હપ્તાના એડવાન્સ પેમેન્ટ તરીકે આપવામાં આવ્યા છે. તો બીજી તરફ રિલાયન્સ જિયો (RJio) એ 7864 કરોડ રૂપિયા, વોડાફોન આઈડિયાએ 1679 કરોડ અને અદાણી ડેટા નેટવર્ક્સ (Adani Data)એ 18 કરોડ રૂપિયા ચૂકવ્યા છે.
Vi #5G to launch in India soon: Price, rollout timeline, cities to get first, and other things to know.https://t.co/HqrwGESx3I
— IndiaTodayTech (@IndiaTodayTech) August 18, 2022
કેટલી હશે પ્લાનનો કિંમત?
અહેવાલો મુજબ Vodafone Idea તરફથી 5G સેવાની લૉન્ચ તારીખ અંગે કોઈ માહિતી આપવામાં આવી નથી. પરંતુ કંપનીએ આ યોજના અંગે જણાવતાં કહ્યું હતું કે ગ્રાહકોએ 5G સેવા માટે પ્રીમિયમ કિંમત ચૂકવવી પડશે. તેનું કારણ એ છે કે કંપનીએ સ્પેક્ટ્રમની હરાજીમાં ઘણા પૈસા ખર્ચ્યા છે. ટેલિકોમ ડિપાર્ટમેન્ટનું કહેવું છે કે 5G સ્પેક્ટ્રમ પર આધારિત સેવા શરૂ થવાથી સ્પીડ 4G કરતા 10 ગણી ઝડપી થશે.
