દેશભરમાં પોપ્યુલર ફ્રન્ટ ઓફ ઈન્ડિયા (PFI) પર પ્રતિબંધ બાદ અલગ-અલગ રાજ્યોમાં પ્રતિક્રિયાઓ જોવા મળી રહી છે. યુપીના બરેલીમાં મૌલાના શહાબુદ્દીન રિઝવીએ નિવેદન જારી કરીને સરકારનો આભાર માન્યો હતો. આ નિવેદન માત્ર એક દિવસ થયો હતો કે મૌલાનાને જીવથી મારી નાખવાની ધમકીઓ મળવા લાગી છે. પોલીસે આ મામલે કેસ નોંધીને તપાસ હાથ ધરી છે.
Maulana Shahabuddin Rizvi, the president of All India Muslim Jamat received threat call by extremists for supporting ban of #PFI
— Atulkrishan (@iAtulKrishan) September 29, 2022
Abdul Samad of Shahin Bagh is said to be a caller@DelhiPolice@CPDelhi @CellDelhi pic.twitter.com/0zE4vC1Z3s
રાષ્ટ્રીય અધ્યક્ષ અખિલ ભારતીય મુસ્લિમ જમાત, દરગાહ આલા હઝરત બરેલી શરીફ મૌલાના શહાબુદ્દીન રિઝવીએ કહ્યું હતું કે સરકારે કટ્ટરપંથી સંગઠન પર પ્રતિબંધ મૂકીને એક પ્રશંસનીય પગલું ભર્યું છે. આ નિવેદન બાદ મૌલાનાને એક અજાણ્યા વ્યક્તિ દ્વારા ફોન પર ધમકી આપવામાં આવી છે.
મૌલાનાએ સુરક્ષાની કરી માંગ
મૌલાનાએ પત્ર લખીને જિલ્લા મેજિસ્ટ્રેટને સુરક્ષાની વિનંતી કરી છે. મૌલાનાએ પત્ર લખીને કહ્યું કે, “હું સરકારના નિર્ણયનું સ્વાગત કરું છું જેમાં તેણે PFI પર પ્રતિબંધ મૂક્યો હતો. પરંતુ કેટલાક લોકોને મારી આ વાત પસંદ નથી આવી, મને મારી નાખવાની ધમકીઓ મળી રહી છે.”
તેણે જણાવ્યું કે ગુરુવારે બપોરે એક ધમકીભર્યો ફોન આવ્યો હતો. બીજી બાજુથી એક માણસે કહ્યું, “તમારી જીભ બંધ કરો. નહિંતર, પરિણામો ખરાબ હશે. ફોન કરનારે તેનું નામ દિલ્હીના શાહીન બાગ રહેવાસી અબ્દુસમદ હોવાનું જણાવ્યું હતું અને તેણે મને મારી નાખવાની ધમકી આપી હતી.” ધમકી મળ્યા બાદ પરિવારના લોકો પણ ગભરાઈ ગયા છે, કારણ કે આ બીજી ઘટના છે કે મૌલાનાને ધમકીભર્યો ફોન આવ્યો છે.
આ પહેલા મૌલાના શહાબુદ્દીન રિઝવીએ ઉદયપુરમાં દરજી કન્હૈયાલાલની હત્યા પર કટ્ટરપંથીઓ વિરુદ્ધ નિવેદન આપ્યું હતું, ત્યારે પણ તેમને જાનથી મારી નાખવાની ધમકીઓ મળી હતી. જો કે બીજી તરફ માહિતી મળતાની સાથે જ પોલીસ અધિકારીઓએ પણ આરોપીઓની શોધખોળ શરૂ કરી દીધી છે. આ સાથે મોબાઈલ નંબરને સર્વેલન્સ પર મૂકીને આરોપીની શોધ કરવામાં આવી રહી છે.
મૌલાનાએ અધિકારીઓ સાથે તે નંબર પણ શેર કર્યો છે જ્યાંથી તેને ધમકી આપવામાં આવી છે. પત્રના આધારે પોલીસે આ મામલે તપાસ શરૂ કરી છે.
