ક્યારેક એવી ઘટના ઘટી જતી હોય છે જે માણસને અકળાવી મૂકે અને તે ઘટના બાદ ઉભા થતાં તેના રિએક્શન એ પ્રકારના હોય છે કે આપણે નક્કી નથી કરી શકતા ગુસ્સો કરવો, હસવું કે દુઃખી થવું. આવું જ દેશ-દુનિયામાં જાણીતા માસ્ટરશૅફ સંજીવ કપૂર સાથે થયું છે. એક હવાઈ મુસાફરી દરમિયાન ફ્લાઇટમાં ઠંડો નાસ્તો જોઈને માસ્ટરશૅફ સંજીવ કપૂર એ હદે અકળાયા કે અંતે ફરિયાદના સૂરમાં એક ટ્વીટ કરી નાંખી. તે પછી જાણે નેટિઝન્સને પણ દોડવું હતું ને ઢાળ મળ્યો હોય તેમ રમુજી અને આક્રોશિત એવી અનેક પ્રતિક્રિયાઓનું જાણે ઘોડાપૂર આવ્યું હતું.
વાસ્તવમાં સવારના સમયે નાગપુરથી મુંબઈ જવા માટે એયર ઇન્ડિયાની 0740 નંબરની ફ્લાઇટમાં માસ્ટરશૅફ સંજીવ કપૂર મુસાફરી કરી રહ્યા હતા. આ દરમિયાન એરલાઇન્સ દ્વારા તેમને મોર્નિંગ બ્રેકફાસ્ટ પીરસવામાં આવ્યો. પરંતુ માસ્ટરશૅફને પીરસવામાં આવેલા આ વ્યંજનો જોઈને જ તેઓ ભડકી ઉઠ્યા હતા. તેમને જે નોનવેજ નાસ્તો પીરસવામાં આવ્યો હતો તે એકદમ ઠંડો અને એકબીજા સાથે મેળ ન ખાય તે પ્રકારનો હતો.
પછી શું? માસ્ટરશૅફ સંજીવ કપૂરે નારાજ થઈને એક ટ્વીટ કરી અને તેમાં નાસ્તાના ફોટાને અપલોડ કરતા એયર ઈન્ડિયાને ટાંકીને લખ્યું કે, ‘જાગો એયર ઈન્ડિયા, નાગપુર મુંબઈ 0740 ફ્લાઈટ, ઠંડા ચીકન ટીક્કા સાથે તરબૂચ, કાકડી, ટમેટા અને સેવ, માયો સાથે સમારેલી કોબીજના ઝીણા પૂરણ સાથે સેન્ડવિચ અને પીળા રંગના ગ્લેઝથી રંગવામાં આવેલ શુગર સીરપ સ્પોન્જ સ્વીટન ક્રીમ.”
Wake Up @airindiain.
— Sanjeev Kapoor (@SanjeevKapoor) February 27, 2023
Nagpur-Mumbai 0740 flight.
Cold Chicken Tikka with watermelon, cucumber, tomato & sev
Sandwich with minuscule filling of chopped cabbage with mayo
Sugar syrup Sponge painted with sweetened cream & yellow glaze. pic.twitter.com/2RZIWY9lhO
આ શ્રેણીમાં જ તેમણે અન્ય એક ટ્વીટ કર્યું છે, જેમાં એર ઇન્ડિયાને ટેગ કરીને તેઓ લખે છે કે, ‘ખરેખર!!! શું ભારતીયોએ નાસ્તામાં આ ખાવું જોઈએ?’
Really !!! Is this what Indians should eat for breakfast??@airindiain
— Sanjeev Kapoor (@SanjeevKapoor) February 27, 2023
તેમના આ ટ્વીટ બાદ તેમના રિપ્લાય સેક્શનમાં કેટલાક લોકોએ આ ઘટનાને ગંભીરતાથી લઈને તેમણે અનુભવેલી આ પ્રકારની તકલીફો જણાવી હતી. તો કેટલાક લોકોએ અટપટી વ્યંગાત્મક ટીપ્પણીઓ પણ કરી હતી.
માસ્ટરશૅફ સંજીવ કપૂર દ્વારા કરવામાં આવેલા આ ટ્વીટના જવાબમાં સીએ એટ લાર્જ નામના હેન્ડલ પરથી રમૂજભરી કોમેન્ટ કરવામાં આવી હતી. તેમણે એર ઇન્ડિયાને ટોણો મારતા માસ્ટરશૅફ સંજીવ કપૂરને ટાંકીને રમૂજથી લખ્યું હતું કે, ‘સાહેબ, ઘરેથી 2 પરેઠા પેક કરીને લઈ જવાનું રાખો. ખુશ પણ રહેશો અને સ્વસ્થ પણ.’
Sir ghar se 2 paranthe pack kar ke le Jaya karo, khush bhi rahoge aur healthy bhi😅
— CA_at_Large (@HaroldFinch0110) February 27, 2023
તો અન્ય એક જોગી નામના ટ્વીટર હેન્ડલ પરથી એર ઇન્ડિયાએ પીરસેલ નાસ્તાને વખોડતા લખવામાં આવ્યું કે, આના કરતાં 2 ઈડલી અને 1 વડું આપી દીધું હોત તો સારું રહ્યું હોત.
Chi.. chi … isse accha tho 2 idly ek Vada de dete .
— jogi ಜೋಗಿ (@jogiixg) February 27, 2023
સનસેટ નામના ટ્વીટર યુઝરે માસ્ટરશૅફ સંજીવ કપૂરની નારાજગીને ગુસ્સા માટે જાણીતા બ્રિટીશ માસ્ટરશૅફ ગોર્ડન રામસે સાથે સરખાવીને વ્યંગ કરતા લખ્યું હતું કે, ‘સાહેબે એક કોળિયો ખાધો અને તેમની અંદરના ગોર્ડન રામસે જાગી ગયા.”
Sir took a bite and woke up his inner @GordonRamsay 😂
— sunsets (@umad6ro) February 27, 2023
અન્ય એક નિહાર નામના યુઝરે પણ વ્યંગ કરતાં લખ્યું કે, ‘એર ઇન્ડિયાવાળાઓએ તો હદ કરી નાંખી, મને ખાતરી છે એ એર હોસ્ટેસ નહીં જાણતી હોય તેણે તેના જીવનમાં શું કરી નાંખ્યું. નહિતર તે ક્યારેય આ પ્રકારનો નાસ્તો પીરસેત નહીં.”
Hadd hi kardi AI walo ne! 😂 I am sure the Air Hostess definitely didn’t know what do you do in life… otherwise s/he wouldn’t serve you this 😑
— Nihar Shah (@nihar4u) February 27, 2023
તો બીજી તરફ કેટલાક લોકોએ એર ઇન્ડિયા પર રોષ પણ ઠાલવ્યો હતો અને પોતાના કડવા અનુભવો પણ શૅર કર્યા હતા. અભિનેત્રી દેવોલીના ભટ્ટાચાર્યએ પણ માસ્ટરશૅફ સંજીવ કપૂરની આ પોસ્ટ પર કમેન્ટ કરતા લખ્યું હતું કે, ‘એર ઇન્ડિયા તમે શું કરી રહ્યા છો? એ ના ભૂલશો કે તમે ભારતનું પ્રતિનિધિત્વ કરી રહ્યા છો, ભૂતકાળમાં પણ ઘણું નુકસાન વેઠી ચૂક્યા છો, હવે તો જાગો.’
@airindiain what are you doing guys ? Not to forget you’re representing India. Enough damage happened lately. Wake up.
— Devoleena Bhattacharjee (@Devoleena_23) February 27, 2023
અન્ય એક સંજય નામના યુઝરે પણ માસ્ટરશૅફ સંજીવ કપૂરની આ ફરિયાદમાં પોતાનો સૂર પુરાવતાં કહ્યું હતું કે, તેમણે પણ એક અઠવાડિયા પહેલાં ફ્રી ભોજન બુક કરાવ્યું હતું અને જે અનુભવ પણ નિરાશાજનક રહ્યો હતો. તેમણે કહ્યું કે ભોજન એટલું કડક હતું કે ટુકડા થઇ ગયા હતા.
Sanjeev I had booked Gluten free meal last week to Delhi flight @airindiain . Horrible food. Didn’t eat a bite. Food was hard and broken into pieces
— Sanjay Muthal (@SanjayMuthal) February 27, 2023
આ પ્રકારની અનેક કોમેન્ટ માસ્ટરશૅફ સંજીવ કપૂરની આ ટ્વીટમાં જોવા મળી હતી. જોકે આ લખાઈ રહ્યું છે ત્યાં સુધી એર ઇન્ડિયા તરફથી કોઈ પ્રતિક્રિયાઓ સામે આવી નથી.
