પુત્ર પર મહિલાને વાંધાજનક ઈમેલ કરવાનો આરોપ છે તે માર્ગારેટ આલ્વાને વિપક્ષે ઉપરાષ્ટ્રપતિ પદના ઉમેદવાર બનાવ્યા છે. એનડીએ દ્વારા ઉપરાષ્ટ્રપતિ પદ માટે ઉમેદવાર જાહેર કર્યા બાદ હવે વિપક્ષ (યુપીએ)એ પણ આ જ પદ માટે પોતાના ઉમેદવારની જાહેરાત કરી છે. યુપીએએ NDAના જગદીપ ધનકર સામે માર્ગારેટ આલ્વાને પોતાના ઉમેદવાર તરીકે જાહેર કર્યા છે જેમના પુત્ર પર મહિલાને વાંધાજનક ઈમેલ મોકલવાનો આરોપ છે. NCPના વડા શરદ પવાર દ્વારા 17 જુલાઈ 2022 (રવિવાર)ના રોજ પત્રકાર પરિષદમાં તેમના નામની જાહેરાત કરવામાં આવી છે.
મીડિયા રિપોર્ટ્સ અનુસાર આ બેઠકમાં અન્ય વિપક્ષી પાર્ટીઓના નેતાઓ પણ હાજર હતા. આ બેઠક શરદ પવારના દિલ્હી સ્થિત નિવાસસ્થાને બોલાવવામાં આવી હતી. આ બેઠકમાં કોંગ્રેસના મલ્લિકાર્જુન ખડગે, કોમ્યુનિસ્ટ પાર્ટી ઓફ ઈન્ડિયા માર્ક્સ તરફથી સીતારામ યેચુરી, શિવસેનાના સંજય રાઉત હાજર હતા. બેઠક બાદ માર્ગારેટ આલ્વાના નામ પર સર્વસંમતિથી મહોર મારવામાં આવી હતી.
Delhi | Opposition’s candidate for the post of Vice President of India to be Margaret Alva: NCP chief Sharad Pawar pic.twitter.com/qkwyf7FMOw
— ANI (@ANI) July 17, 2022
શિવસેનાના સંજય રાઉતે માર્ગારેટ આલ્વાના નામ પર સહમતિ દર્શાવતા સમગ્ર વિપક્ષને આ નિર્ણય પર એકજૂથ હોવાનું જણાવ્યું હતું.
We are all together in this election: Shiv Sena’s Sanjay Raut after oppn parties name Margaret Alva as joint vice presidential candidate
— Press Trust of India (@PTI_News) July 17, 2022
ઉલ્લેખનીય છે કે જગદીપ ધનકર હિંદુ ધર્મના જાટ સમુદાયના છે, જ્યારે માર્ગારેટ આલ્વા રોમન કેથોલિક ખ્રિસ્તી ધર્મના છે. તેઓ રાજસ્થાન સહિત ગોવા, રાજસ્થાન, ઉત્તરાખંડના રાજ્યપાલ પણ રહી ચૂક્યા છે. ડિસેમ્બર 2018 માં, એક મહિલાને અનેક વાંધાજનક મેઇલ મોકલવા બદલ ગુરુગ્રામ પોલીસ દ્વારા તેમના પુત્ર નિખિલ આલ્વા વિરુદ્ધ FIR નોંધવામાં આવી હતી. જોકે, બાદમાં નિખિલે તેને નકલી અને પાયાવિહોણી ફરિયાદ ગણાવી હતી.
Today, a false & politically motivated police complaint has been filed against me in Gurugram that has no basis whatsoever. The genesis of this action is a complaint I had filed against financial irregularities in a RWA. The copy of my complaint and my response is enclosed. pic.twitter.com/lq38MBK97E
— Nikhil Alva (@njalva) December 17, 2018
નોંધનીય છે કે એક દિવસ પહેલા 16 જુલાઈના રોજ ભાજપના રાષ્ટ્રીય અધ્યક્ષ જેપી નડ્ડાએ પશ્ચિમ બંગાળના રાજ્યપાલ જગદીપ ધનખરને ઉપરાષ્ટ્રપતિ પદ માટે એનડીએના ઉમેદવાર તરીકે જાહેર કર્યા હતા. રાજસ્થાનના વતની ધનકરને ખેડૂત પુત્ર પણ કહેવામાં આવે છે.
