Sunday, May 19, 2024
More
    હોમપેજન્યૂઝ રિપોર્ટધારા 144 લાગુ હોવા છતાં કાનપુરમાં સેંકડો લોકોએ રોડ પર ઈદની નમાજ...

    ધારા 144 લાગુ હોવા છતાં કાનપુરમાં સેંકડો લોકોએ રોડ પર ઈદની નમાજ પઢી: પ્રશાસન સામે મનમાની કરવા બદલ 1700 વિરુદ્ધ FIR

    આ મામલે પોલીસે ઈદગાહ કમિટીના સભ્યો અને બળજબરીથી નમાજ પઢનાર લોકો વિરુદ્ધ ગંભીર ધારાઓ લગાવીને તપાસ શરૂ કરી છે.

    - Advertisement -

    કાનપુરમાં હજારો મુસ્લિમોએ રોડ પર ઈદની નમાજ પઢી હોવાની ઘટના સામે આવી છે. ઘટનામાં જાજમાઉ ખાતે મોટી ઈદગાહની બહાર દાદા મિયાં મઝાર રોડ પર પ્રશાસનની મનાઈ હોવા છતાં મોટી સંખ્યામાં મુસ્લિમોએ નમાજ પઢી હતી, જે બદલ અંદાજે 200 લોકો વિરુદ્ધ ફરિયાદ દાખલ કરવામાં આવી હતી. જ્યારે બેનાઝાબર સ્થિત મરકઝી ઈદગાહ બહાર 1500થી વધુ મુસ્લિમોએ નમાજ પઢી હતી, જેમના વિરુદ્ધ પણ ગુનો દાખલ કરવામાં આવ્યો છે.

    કાનપુરમાં રોડ પર નમાજ પઢવાની આ ઘટનામાં મોટી ઈદગાહ અને મરકઝી ઈદગાહ બહાર નમાજ પઢવાવાળા 1500 લોકોએ ધારા 144નું ઉલ્લંઘન કર્યું હતું. પોલીસના જણાવ્યા અનુસાર ગત 22 એપ્રિલના રોજ જાજમાઉ, બાબૂપુરવા અને બેનાઝાબર વિસ્તારમાં ધારા 144 લાગુ હોવા છતાં અંદાજે 1700 લોકોએ ભીડ ભેગી કરીને નમાજ પઢી હતી.

    અહેવાલો અનુસાર 22 એપ્રિલ 2023એ ઈદના રોજ સવારે 8 વાગે આ તમામ જગ્યાઓએ નમાજ શરૂ થાય તે પહેલાં જ અચાનક જ મુસ્લિમોના ટોળા ઉમટી પડ્યા હતા અને આ રોડ પર કબજો જમાવી દીધો હતો. ત્યારબાદ નમાજ શરૂ કરી દેવામાં આવી હતી. આટલું જ નહીં પોલીસે તેમને રોકવાનો પ્રયત્ન કરતા તેમણે પોલીસની સામે જ બળજબરીથી નમાજ પઢી હતી.

    - Advertisement -

    અહીં વિચારવા જેવી બાબત તે છે કે આ દરમિયાન આખા કાનપુર જિલ્લામાં ધારા 144 લાગુ હતી, આ મામલે પોલીસે ઈદગાહ કમિટીના સભ્યો અને બળજબરીથી નમાજ પઢનાર લોકો વિરુદ્ધ ગંભીર ધારાઓ લગાવીને તપાસ શરૂ કરી છે. પોલીસ નમાજ પઢનાર ઈસમોની ઓળખ કરવા CCTVનો પણ ઉપયોગ કરી રહી છે.

    નોંધનીય છે કે કાનપુરમાં રોડ પર નમાજ પઢવાની આ આખી ઘટનામાં જાજમાઉમાં 200થી 300, બાબૂપુરવામાં 40થી 50 અને બજરિયા પોલીસ સ્ટેશનમાં 1500 એમ કુલ 1700 નમાઝીઓ વિરુદ્ધ ધારા 186 (સરકારી કામમાં અડચણ ઉભી કરવી) ધારા 188 (ધારા 144નું ઉલંઘન કરીને ટોળા એકઠા કરવા), ધારા 283 (ભીડ ભેગી કરીને રસ્તો રોકવો) ધારા 341 (સદોષ અવરોધ) અને લોક સેવામાં અડચણ ઉભી કરવા અને ધારા 353 અંતર્ગત ગુનો દાખલ કરીને કાયદેસરની કાર્યવાહી હાથ ધરી હતી.

    - Advertisement -

    સંબંધિત લેખો

    - Advertisement -

    તાજા સમાચાર

    ચૂકશો નહીં