ઈરાનના શિરાઝ શહેરમાં શિયા દરગાહ પર ISISનો હુમલો થયો હતો, આ આતંકી હુમલામાં ઓછામાં ઓછા 15 લોકો માર્યા ગયા છે. ઈરાની મીડિયાના અહેવાલો અનુસાર, ઈરાનના શહેર શિરાઝમાં એક શિયા તીર્થસ્થળ પર બંદૂકધારીઓએ નમાઝીઓ પર ગોળીબાર કર્યો હતો. આ હુમલામાં 15 લોકોના મોત થયા હોવાના અહેવાલ છે. તે બીજી તરફ ઇસ્લામિક કટ્ટરવાદી ISIS આતંકવાદી જૂથે આ હુમલાની જવાબદારી લીધી છે.
આ હુમલો બુધવાર (26 ઓક્ટોબર 2022) ના રોજ દક્ષિણ ઈરાનના શિરાઝમાં સ્થિત શાહ ચેરાગ દરગાહ પર થયો હતો . ઇસ્લામિક સ્ટેટે ટેલિગ્રામ ચેનલ દ્વારા હુમલાની જવાબદારી સ્વીકારતા કહ્યું કે , “આ હુમલામાં ઓછામાં ઓછા 20 શિયાઓ માર્યા ગયા અને ડઝનેક ઘાયલ થયા.” તો બીજી તરફ સ્થાનિક મીડિયા અનુસાર આ હુમલામાં 15 લોકોના મોત થયા છે.
ISIS gunmen kill at least 15 people at a Shiite holy site in Iran https://t.co/7aTgqR8997
— IRIA (@IRIA_Research) October 27, 2022
મળતી માહિતી મુજબ બે બંદૂકધારી આતંકવાદીઓની ધરપકડ કરવામાં આવી છે, જ્યારે ત્રીજો ફરાર છે. ઉલ્લેખનીય છે કે ઈરાનમાં સુન્ની ઉગ્રવાદીઓએ ભૂતકાળમાં ઘણીવાર શિયા મુસ્લિમોના ઈબાદત સ્થળોને નિશાન બનાવ્યા છે. ઈરાનમાં આ હુમલો એવા સમયે થયો છે જ્યારે દેશમાં હિજાબથી આઝાદીની માંગને લઈને એક મહિનાથી સરકાર વિરોધી આંદોલન ચાલી રહ્યું છે.
The #ISIS group claims responsibility for an attack on a Shia Muslim shrine in southern #Iran that state media said killed more than a dozen people.https://t.co/Tu0fPAHHQG
— Al Arabiya English (@AlArabiya_Eng) October 26, 2022
ઈરાનની સરકારી સમાચાર એજન્સી ઈર્નાએ ન્યાય વિભાગને ટાંકીને કહ્યું કે ત્રણ સશસ્ત્ર આતંકવાદીઓ સ્થાનિક સમય અનુસાર સાંજે 5:45 વાગ્યે ઘટના સ્થળે પ્રવેશ્યા હતા. અહેવાલો અનુસાર દરગાહમાં પ્રવેશતા જ સશસ્ત્ર આતંકવાદીઓએ અંધાધૂંધ ગોળીબાર શરૂ કરી દીધો હતો. એન્ફોર્સમેન્ટ એજન્સીઓએ બે આતંકવાદીઓને ઝડપી લીધા છે, જ્યારે ત્રીજાની શોધ ખોળ ચાલુ છે. સ્થાનિક મીડિયાએ અહેવાલ આપ્યો હતો છે કે હુમલાખોરો ઈરાનના નાગરિકો ન હતા.
An armed attack on the Shah Cheragh shrine in the Iran city of Shiraz left 15 people dead on Wednesday and injured 40.#Shiraz #Iran #Iranian #ISIL #ISIS #ShahCheraghShrine #ShahCheragh #WorldNews #InternationalNews #GlobalNews #TheFirstIndia pic.twitter.com/tSOzaIi8qI
— First India (@thefirstindia) October 27, 2022
હિજાબ વિરોધ વચ્ચે થયેલા હુમલાથી વધ્યો તણાવ
ઈરાનના રાષ્ટ્રપતિ ઈબ્રાહિમ રાઈસીએ કહ્યું છે કે હુમલાના ગુનેગારોને બક્ષવામાં આવશે નહીં. આ ઘટના એવા સમયે ઘટી છે જ્યારે ઈરાનમાં પોલીસ કસ્ટડીમાં એક યુવતીના મોતના વિરોધમાં છેલ્લા 40 દિવસથી વિરોધ પ્રદર્શન ચાલી રહ્યા છે. ઈરાનની સરકારી સમાચાર એજન્સી ઈર્નાએ ન્યાય વિભાગને ટાંકીને કહ્યું કે ત્રણ સશસ્ત્ર આતંકવાદીઓ સ્થાનિક સમય અનુસાર સાંજે 5:45 વાગ્યે મસ્જિદમાં ઘૂસ્યા હતા, અને ત્યાર બાદ ત્યાં હાજર મુસ્લિમ લોકોના ટોળા પર અંધાધુંધ ગોળીબાર કર્યો હતો, જેમાં 15 લોકોના મોત નીપજ્ય હતા અને 40 લોકો ઘાયલ થયા હતા.
