Thursday, April 25, 2024
More
    હોમપેજન્યૂઝ રિપોર્ટસાયબર અપરાધીઓ પર મોટી કાર્યવાહી: હરિયાણા પોલીસે નુહમાં 300 સ્થળો પર પાડ્યા...

    સાયબર અપરાધીઓ પર મોટી કાર્યવાહી: હરિયાણા પોલીસે નુહમાં 300 સ્થળો પર પાડ્યા દરોડા, 125 અપરાધીઓને પકડ્યા; ઓપરેશનમાં 5000 પોલીસ જવાનોની 102 ટિમો હતી સામેલ

    હરિયાણા પોલીસ નુહ જિલ્લામાં સાયબર અપરાધીઓ પર કાર્યવાહી કરી રહી છે. દરોડા દરમિયાન 66 સ્માર્ટફોન, 65 નકલી સિમ, 166 આધાર કાર્ડ, 3 લેપટોપ, વિવિધ બેંકોના 128 એટીએમ કાર્ડ, 2 એટીએમ સ્વાઇપ મશીન, 01 એઇપીએસ મશીન, 6 સ્કેનર, 5 પાન કાર્ડ મળી આવ્યા હતા.

    - Advertisement -

    હરિયાણાના નૂહ જિલ્લામાં સાયબર અપરાધીઓ પર મોટી કાર્યવાહીમાં, હરિયાણા પોલીસે સાયબર ક્રાઇમ પ્રવૃત્તિઓમાં કથિત રીતે સામેલ 125 વ્યક્તિઓની ધરપકડ કરી છે. હરિયાણા પોલીસે નૂહ જિલ્લામાં સાયબર ક્રાઈમના હોટ-સ્પોટ વિસ્તારોમાંથી આરોપીઓને પકડવા માટે 5,000 પોલીસ કર્મચારીઓ સાથે 102 ટીમોની રચના કરી હતી.

    અહેવાલો મુજબ સાયબર ગુનેગારો સામેના મોટા ઓપરેશનમાં, પોલીસે નુહ જિલ્લાના 14 ગામોમાં 300 સ્થળોએ દરોડા પાડ્યા અને 125 સાયબર અપરાધીઓની ધરપકડ કરી.

    દરોડા દરમિયાન પોલીસે સ્માર્ટફોન, લેપટોપ, આધાર કાર્ડ અને એટીએમ સ્વાઇપ મશીનો અને અન્ય વસ્તુઓ કે જે કથિત રીતે સાયબર ક્રાઇમ પ્રવૃત્તિઓ માટે ઉપયોગમાં લેવાતી હતી તે જપ્ત કર્યા હતા.

    - Advertisement -

    ડીઆઈજી સ્પેશિયલ ટાસ્ક ફોર્સ (એસટીએફ) સિમરદીપ સિંહે માહિતી આપી હતી કે હરિયાણા પોલીસે મોટાપાયે દરોડા પાડ્યા હતા જેમાં 5,000 પોલીસકર્મીઓ સામેલ હતા. એક એસપી રેન્કના અધિકારી, 6 એડિશનલ એસપી, 14 ડીએસપી અને અન્ય પોલીસકર્મીઓએ નૂહ જિલ્લામાં સાયબર અપરાધીઓ સામે મોટાપાયે કાર્યવાહી શરૂ કરી હતી.

    આ ગામો હતા સાઇબર ક્રાઇમના હોટસ્પોટ

    હરિયાણા પોલીસની ટીમોએ હરિયાણાના નૂહ જિલ્લામાં ખેડલા, લુહિંગા ખુર્દ, લુહિંગા કલાન, ગોકલપુર, ગોધોલા, અમીનાબાદ, મહુ, ગુલાલતા, જૈમત, જાખોપુર, નાઈ, તિરવારા, મામલિકા અને પાપડા નામના ગામોમાં દરોડા પાડ્યા હતા.

    હરિયાણાના ઉપરોક્ત ગામડાઓ રાજ્યમાં સાયબર ક્રાઈમ પ્રવૃત્તિઓના હોટસ્પોટ ગણાય છે.

    “સાયબર છેતરપિંડી કરનારાઓ પરની કાર્યવાહી 102 પોલીસ દરોડા પાડનારા પક્ષો દ્વારા હાથ ધરવામાં આવી હતી. પોલીસની વિવિધ ટીમોએ એક સાથે પુનાના, પિનાંગવા, ફિરોઝપુર ઝિરકા અને બિછોર વિસ્તારના 14 ઓળખાયેલા ગામોમાં દરોડા પાડ્યા હતા,” સિંહે જણાવ્યું હતું.

    પોલીસે નાઈ ગામમાંથી 31, લુહિંગા કલાન ગામમાંથી 25, જૈમત અને જાખોપુરમાંથી 20-20, ખેડલા અને તિરવાડામાંથી 17-17 અને અમીનાબાદમાંથી 11ની ધરપકડ કરી હતી.

    દરોડામાં પોલીસને શું શું મળ્યું?

    હરિયાણા પોલીસે શકમંદો પાસેથી 66 સ્માર્ટફોન, 65 નકલી સિમ, 166 આધાર કાર્ડ, 3 લેપટોપ, વિવિધ બેંકોના 128 એટીએમ કાર્ડ, 2 એટીએમ સ્વાઇપ મશીન, 01 એઇપીએસ મશીન, 6 સ્કેનર, 5 પાન કાર્ડ રિકવર કર્યા છે, આઈએએનએસએ અહેવાલ આપ્યો છે.

    દરોડા દરમિયાન સાત દેશી બનાવટની પિસ્તોલ, 2 કારતૂસ, 2 કાર, 4 ટ્રેક્ટર-ટ્રોલી અને 22 મોટરસાઈકલ પણ મળી આવી હતી.

    - Advertisement -

    સંબંધિત લેખો

    - Advertisement -

    તાજા સમાચાર

    ચૂકશો નહીં