સુરતમાં સુરતમાં ગેરકાયદેસર મદરેસા પર બુલડોઝર ફરી શકવાની સંભાવનાઓ તીવ્ર બનતી જોવા મળી રહી છે,સરકારી જમીન પર બનાવવામાં આવેલા મદરેસાને સુરત કોર્પોરેશન તોડવા માટે પગલા લઇ શકે છે. કારણકે ગેરકાયદે બાંધવામાં આવેલા આ મદરેસાને ગુજરાત હાઈકોર્ટે રાહત આપવાનો ઇનકાર કરી તેમની અરજી ફગાવી દીધી છે. જેના કારણે સુરતમાં ગેરકાયદેસર મદરેસા પર સંકટના વાદળ ઘેરાયા છે.
સુરત સ્થિત ગોપી તળાવના વિકાસ માટે સંપાદિત થયેલી જગ્યામાં ગેરકાયદેસર દબાણ કરીને મદરેસા બનાવામાં આવ્યા હતા, જેના કારણે સુરત કોર્પોરેશન તરફથી રજૂઆત કરવામાં આવી હતી કે અરજદારોએ મદરેસાના નામે ખોટી રીતે વકફ પ્રોપર્ટી દર્શાવી બાંધકામ કર્યું છે.
શું છે આખો વિવાદ
સ્થાનિક મીડિયાના અહેવાલો અનુસાર, વોર્ડ નંબર 3, સિટી સર્વે નંબર 4936 અને અનવર-એ-રબ્બાની તાલીમ-ઉલ-ઈસ્લામ 4939માં એક મદરેસા ચાલી રહી છે. જે સુરત મ્યુનિસિપલ કોર્પોરેશનની માલિકીની જમીન પર ગેરકાયદેસર રીતે બાંધવામાં આવ્યું હોવાનો લાંબા સમયથી વિવાદ ચાલી રહ્યો છે. આથી તેને તોડી પાડવા માંગ કરી હતી.મ્યુનિસિપલ ટાઉન પ્લાનિંગ મુજબ આ જમીન સરકારની હતી. આથી તે સમયે સેન્ટ્રલ ઝોને તેને પરત કરવા જણાવ્યું હતું અને કોર્પોરેશને ટાઉન પ્લાનિંગ ઓફિસ પાસેથી ખાનગી મિલકત હસ્તગત કરી હતી.
વહીવટીતંત્રે આ મામલે વક્ફ બોર્ડ પાસેથી જવાબ માંગ્યો હતો અને તેમને જવાબ આપવા માટે 16-17 ફેબ્રુઆરી સુધીનો સમય આપ્યો હતો. વિભાગે કહ્યું હતું કે મદરેસાનો પહેલો માળ ગેરકાયદેસર છે અને સ્થાનિક કાર્યકરોએ તેને તોડી પાડવાની માંગ કરી હતી.
અત્રે નોંધનીય છે કે , 29 ડિસેમ્બર 2021 ના રોજ, ગેરકાયદેસર મદરેસાને તોડી પાડવા માટે નોટિસ જારી કરવામાં આવી હતી. જો કે હવે ગુજરાત રાજ્ય વકફ બોર્ડે ટ્રિબ્યુનલ કોર્ટમાં અરજી કરી છે. જ્યાં સુધી સુરત મહાનગરપાલિકા તેને યોગ્ય પ્રતિસાદ નહીં આપે ત્યાં સુધી આ સ્થિતિ યથાવત રહેશે. છેલ્લા 60 વર્ષથી અહીં મદરેસા આવેલી છે. પાલિકા ગેરકાયદેસર રીતે બનેલ મદરેસાને તોડીને તેની ઉપર પાર્કિંગ બનાવવા માંગે છે. સુરત મ્યુનિસિપલ કોર્પોરેશનની માલિકીની આ બીજી મિલકત છે, જે વકફ બોર્ડને કારણે ગુમાવવી પડી શકે છે. જેના કારણે વહેલામાં વહેલી તકે મહાનગર પાલિકા તેને હસ્તગત કરવા માંગે છે.
ઉલ્લેખનીય છે કે અગાઉ નવેમ્બર 2021માં સુરત મ્યુનિસિપલ કોર્પોરેશન હેડક્વાર્ટર મુગલીસરાને વકફ મિલકત તરીકે જાહેર કરવામાં આવી હતી. બોર્ડે દાવો કર્યો હતો કે શાહજહાંના મુઘલ શાસન દરમિયાન, તેમની પુત્રી જહાનઆરા બેગમ સુરતની રખાત હતી અને તેમના વિશ્વાસુ ઈશાકબૈલ યઝદી ઉર્ફે હકીકત ખાને 1644માં આ ઈમારતનું નિર્માણ કર્યું હતું. તેનું નામ હુમાયુ સરાય રાખવામાં આવ્યું હતું. તે કથિત રીતે હજ યાત્રીઓને આરામ કરવા માટે દાનમાં આપવામાં આવ્યું હતું.
