રવિવાર, 30 એપ્રિલના દિવસે ગુજરાતના મુખ્યમંત્રી ભૂપેન્દ્ર પટેલના પુત્ર અનુજને બ્રેઇન સ્ટ્રોક આવતા હોસ્પિટલમાં સારવાર માટે ખસેડવામાં આવ્યા છે. બપોરના સમયે તબિયત ખરાબ થતા સારવાર માટે કેડી હોસ્પિટલમાં ખસેડવામાં આવ્યા હતા. મુખ્યમંત્રી પણ કેડી હોસ્પિટલ પહોંચ્યા હતા. સૂત્રો પાસેથી મળતી માહિતી મુજબ અનુજ પટેલની તબિયત હાલ સુધારા પર છે.
અહેવાલો મુજબ બ્રેઇન સ્ટોક આવતા અનુજ પટેલને કેડી હોસ્પિટલમાં દાખલ કરાયા છે. ભૂપેન્દ્ર પટેલના પુત્ર અનુજ પટેલને બ્રેઈન સ્ટ્રોક આવતા વૈષ્ણવદેવી સર્કલ પાસેની કેડી હોસ્પિટલમાં સારવાર ચાલી રહી છે. પાપ્ત વિગતો મુજબ અનુજ પટેલનું 2 કલાક ઓપરેશન કરવામાં આવ્યું છે.
મુખ્યમંત્રી ભૂપેન્દ્ર પટેલના પુત્ર અનુજ પટેલને આવ્યો બ્રેઈન સ્ટ્રોક, હાલ તેઓ અમદાવાદની KD હોસ્પિટલમાં સારવાર હેઠળ છે, હોસ્પિટલ દ્વારા તેમની હેલ્થને લઈ મેડિકલ બુલેટિન જાહેર કરાયુ#Gujarat pic.twitter.com/KbMzA1sN3x
— DD News Gujarati (@DDNewsGujarati) May 1, 2023
KD હોસ્પિટલે બહાર પાડેલા હેલ્થ બુલેટિન અનુસાર ઓપરેશન બાદ હાલ મુખ્યમંત્રી ભૂપેન્દ્ર પટેલના પુત્ર અનુજ પટેલની સ્થિતિ સુધારા પર છે. અનુજ પટેલ બ્રેઈન સ્ટોક થતાં તાત્કાલીક સારવાર માટે 2.45 વાગે કેડી હોસ્પિટલમાં દાખલ કરવામાં આવ્યા હતાં. તેમની સર્જરી કરવામાં આવી છે તેમજ હાલ તેમની તબિયત સ્થિર છે અને તજજ્ઞ ડોક્ટરોની ટીમની દેખરેખ હેઠળ છે તેમ કેડી હોસ્પિટલે જણાવ્યું છે.
મળતી માહિતી પ્રમાણે અનુજ પટેલને હાઈ બ્લડ પ્રેશરની તકલીફ થતા હોસ્પિટલ ખસેડવામાં આવ્યા હતા જે બાદ ઓપરેશન કરવામાં આવ્યું હતું. ઘટનાની જાણ થતા આરોગ્યમંત્રી ઋષિકેશ પટેલ કે.ડી. હોસ્પિટલે પહોંચ્યા છે. શક્યતા છે કે તેમને 2 દિવસ સુધી ડોક્ટરોના ઓબ્ઝર્વેશન હેઠળ રાખવામાં આવશે.
અનુજ પટેલ રિયલ એસ્ટેટના બિઝનેસ સાથે સંકળાયેલા છે અને તેઓ એન્જિનિયર છે. અનુજ કન્સ્ટ્રક્શનનો બિઝનેસ કરે છે. અનુજે પણ ભુપેન્દ્રભાઈની જેમ જ ડિપ્લોમા એન્જિનિયરિંગ કરેલું છે.
ઈસુદાન ગઢવી, શક્તિસિંહ ગોહિલ સહિતના નેતાઓએ આપી શુભકામનાઓ
જેવા આ સમાચાર બહાર આવ્યા એવા તરત જ પક્ષ વિપક્ષના નેતાઓએ સોશિયલ મીડિયા પર મુખ્યમંત્રી ભુપેન્દ્ર પટેલને શુભકામનાઓ આપી હતી તથા અનુજ પટેલની તબિયત જલ્દી સારી થાય એ માટે પ્રાર્થના કરી હતી.
મુખ્યમંત્રી @Bhupendrapbjp ભાઈના પુત્રને બ્રેઈન સ્ટ્રોક આવ્યાના સમાચાર જાણ્યા ! માતાજી મોગલમાં એમને જલ્દી સ્વસ્થ કરે તેવી પ્રાર્થના !
— Isudan Gadhvi (@isudan_gadhvi) April 30, 2023
આમ આદમી પાર્ટીના ગુજરાત પ્રદેશ અધ્યક્ષ અને ગત વિધાનસભા ચૂંટણીના મુખ્યમંત્રી પદના ઉમેદવાર ઈસુદાન ગઢવીએ પણ પાઠવી હતી શુભકામનાઓ.
ગુજરાતના મુખ્ય મંત્રીશ્રી ભૂપેન્દ્રભાઈ પટેલના પુત્ર અનુજ પટેલને બ્રેઇન સ્ટ્રોક આવ્યો હોવાના સમાચાર ચિંતા જનક છે . અનુજ પટેલ ઝડપથી સ્વસ્થ થઈ જાય તેવી શુભકામના .
— Shaktisinh Gohil MP (@shaktisinhgohil) April 30, 2023
કોંગ્રેસ નેતા શક્તિસિંહ ગોહિલે પણ મુખ્યમંત્રીના પુત્ર માટે શુભકામનાઓ પાઠવી હતી.
