Monday, July 15, 2024
More
    હોમપેજન્યૂઝ રિપોર્ટબુરખાની અંદર છુપાવીને આઝમગઢ જેલમાં ગાંજો લઇ જતી 4 મહિલાઓ પકડાઈ: સપ્લાયર...

    બુરખાની અંદર છુપાવીને આઝમગઢ જેલમાં ગાંજો લઇ જતી 4 મહિલાઓ પકડાઈ: સપ્લાયર શબનમ, શબાના, શહનાઝ અને મદીનાની ધરપકડ

    પોલીસને શંકા છે કે જેલની અંદર દારૂ-ગાંજાની હેરાફેરી અને વેચાણનું નેટવર્ક મોટું હોઈ શકે છે અને તેમાં વધુ લોકો સામેલ છે. અન્ય આરોપીઓને શોધવા માટે તપાસ શરૂ કરવામાં આવી છે.

    - Advertisement -

    ગત મંગળવારે, પોલીસે આઝમગઢ જેલની અંદર ચાલી રહેલી ગાંજાની તસ્કરીનો મોટો મામલો બહાર પાડ્યો હતો. જેલ નજીકથી જ પોલીસે બે કેદીઓને ગાંજા આપવા આવેલી એક જ પરિવારની ચાર મહિલાઓને ચાર કિલો ગાંજા સાથે પકડી પાડી હતી. આ ચારેય બુરખામાં ગાંજો છુપાવીને જેલમાં આપવા જતી હતી.

    ઉત્તર પ્રદેશના આઝમગઢમાં પોલીસે શબનમ, મદીના, શહનાઝ અને શબાના નામની 4 મહિલાઓની જેલની અંદર ગાંજો સપ્લાય કરવા બદલ ધરપકડ કરી છે. મહિલાઓ કથિત રીતે તેમના બુરખા (મહિલાઓ માટે ઇસ્લામિક પોશાક) ની અંદર પ્રતિબંધિત વસ્તુઓ છુપાવી રહી હતી અને જેલમાં કેદીઓ તરીકે બંધ તેમના સંબંધીઓ અથવા પરિવારના સભ્યોને મળવાના બહાને જેલની અંદર લઈ જતી હતી.

    પોલીસે જણાવ્યું છે કે ધરપકડથી બચવા માટે ધરપકડ કરાયેલી મહિલાઓ પોતાના બુરખામાં ગાંજો છુપાવતી હતી. તેઓ પ્રતિબંધિત પદાર્થને જેલની અંદર સપ્લાય અને વેચાણ માટે લઈ જતા હતા. તપાસ કરતાં તેમના બુરખામાં છુપાયેલો 4 કિલો ગાંજો મળી આવ્યો હતો. જેલમાં ઈમરાન અને ઈસ્માઈલ નામના બે કેદીઓ નશાકારક પદાર્થોના ગેરકાયદે વેપાર અને સેવન સાથે સંકળાયેલા હોવાનું બહાર આવ્યું છે.

    - Advertisement -

    પૂછપરછ દરમિયાન, આરોપી મહિલાઓએ પોલીસને જણાવ્યું કે જેલમાં મુલાકાત દરમિયાન તે કેદીઓને તેમની માંગ મુજબના મનફાવયા ભાવે ગાંજો આપતી હતી. મહિલાઓ આ નશીલા પદાર્થોને તેમના બુરખામાં છુપાવીને કેદીઓ સુધી પહોંચાડતી હતી. ફરી એકવાર આ મહિલાઓ ગાંજો સપ્લાય કરવા માંડલ જિલ્લા જેલમાં પહોંચી ત્યારે પોલીસે બાતમીના આધારે તકેદારી રાખતી મહિલાઓનું ચેકિંગ શરૂ કર્યું હતું. આ દરમિયાન સ્થાનિક પોલીસ સતર્ક રહી હતી અને મહિલાઓની ડર અને શંકાના દૃષ્ટિકોણથી સઘન તપાસ કરવામાં આવી હતી. તપાસમાં જાણવા મળ્યું કે આ મહિલાઓ બુરખાની અંદર ગાંજો છુપાવીને કેદીઓને સપ્લાય કરે છે.

    NDPS એક્ટ હેઠળ કેસ નોંધાયો

    પોલીસે ભારતીય દંડ સંહિતાના NDPS એક્ટ હેઠળ કેસ નોંધ્યો છે. આઝમગઢના એસપી (શહેર) શૈલેન્દ્ર લાલે પુષ્ટિ કરી છે કે પ્રતિબંધિત પદાર્થોની દાણચોરીની શંકા સાથે, જેલમાં તૈનાત પોલીસ અધિકારીઓએ મહિલા કર્મચારીઓને અમુક ચોક્કસ કેદીઓને મળવા આવતી બુરખા પહેરેલી મહિલાઓની સંપૂર્ણ તપાસ કરવા કહ્યું હતું.

    પોલીસને શંકા છે કે જેલની અંદર પ્રતિબંધિત પદાર્થોની હેરાફેરી અને વેચાણનું નેટવર્ક મોટું હોઈ શકે છે અને તેમાં વધુ લોકો સામેલ છે. અન્ય આરોપીઓને શોધવા માટે તપાસ શરૂ કરવામાં આવી છે.

    અહેવાલો અનુસાર, પ્રતિબંધિત વસ્તુઓની દાણચોરી એ સામેલ બુરખા પહેરેલી મહિલાઓ માટે આવકનો મોટો સ્ત્રોત છે. તેઓ સપ્લાય કરવામાં આવતા ગાંજા પર ભારે કમિશન માંગતા હતા. આ એવા ઘણા કિસ્સાઓમાંથી એક છે જ્યાં બુરખાના ઇસ્લામિક મહિલા પોશાકનો ઉપયોગ દાણચોરી અને ચોરી માટે કરવામાં આવ્યો છે.

    - Advertisement -
    Join OpIndia's official WhatsApp channel

    સંબંધિત લેખો

    - Advertisement -

    તાજા સમાચાર

    ચૂકશો નહીં