કેન્દ્ર સરકારના નવા નિર્ણય મુજબ હવે મદરેસામાં મફત ભણતા ધો. 1 થી 8 સુધીના વિદ્યાર્થીઓને શિષ્યવૃત્તિ નહીં મળે. સરકારના લઘુમતી બાબતોના મંત્રાલય દ્વારા જાહેર કરવામાં આવેલા નિર્દેશમાં કહેવામાં આવ્યું છે કે અત્યાર સુધી 1 થી 8 ધોરણના વિદ્યાર્થીઓ જે શિષ્યવૃત્તિમાં કેન્દ્ર તરફથી જે હિસ્સો મેળવતા હતા, તે હવેથી ઉપલબ્ધ થશે નહીં. રાઈટ ટુ એજ્યુકેશન હેઠળ પહેલાથી આઠમા સુધીનું શિક્ષણ મફત હોવાના કારણે મદરેસામાં વિદ્યાર્થીઓને શિષ્યવૃત્તિ નહીં મળે તેવો નિર્ણય લેવામાં આવ્યો છે.
કેન્દ્ર સરકાના આ નિર્ણય પાછળનું કારણ એ છે કે રાઈટ ટુ એજ્યુકેશન હેઠળ પહેલાથી આઠમા ધોરણ સુધીનું શિક્ષણ મફત છે. આવી સ્થિતિમાં ધોરણ 1 થી 5 સુધીના વિદ્યાર્થીઓને 1000 રૂપિયાની શિષ્યવૃત્તિ અને 6 થી 8 ધોરણ સુધીના બાળકોને અલગ-અલગ કોર્સ પ્રમાણે શિષ્યવૃત્તિ આપવા પર પ્રતિબંધ હતો. હવે પહેલાંની જેમ 9મા અને 10મા ધોરણના વિદ્યાર્થીઓને જ સ્કોલરશિપ મળશે.
केंद्र सरकार ने उत्तर प्रदेश के मदरसों की स्कॉलरशिप पर रोक लगाई है। अब उत्तर प्रदेश के मदरसों में कक्षा 1 से 8 तक के छात्रों को मिलने वाली छात्रवृत्ति नहीं दी जाएगी। अभी तक मदरसों में 1 से 5 तक के बच्चों को 1000 रुपये तक की स्कॉलरशिप दी जाती थी। pic.twitter.com/YAkbLVizuD
— राष्ट्रदेव (@rashtradev) November 28, 2022
નોંધનીય છે કે મદરેસામાં ધોરણ એકથી આઠ સુધીના વિદ્યાર્થીઓને બેઝિક એજ્યુકેશન કાઉન્સિલની શાળાઓની જેમ મધ્યાહન ભોજન, ગણવેશ, પુસ્તકો મફત આપવામાં આવે છે. અગાઉ 8મા ધોરણ સુધીની કાઉન્સિલ સ્કૂલના વિદ્યાર્થીઓ પણ શિષ્યવૃત્તિ મેળવતા હતા, પરંતુ થોડા વર્ષો પહેલાં રાઈટ ટૂ એજ્યુકેશન હેઠળ આઠમા ધોરણ સુધીનું શિક્ષણ મફત કરવામાં આવતાં નિયમ બદલવામાં આવ્યો હતો.
UP के मदरसों में अब नहीं मिलेगी स्कॉलरशिप, सरकार ने बंद की स्कीम, जानिए क्यों?#career #Madrasa https://t.co/WLd1WPqTG7
— TV9 Uttar Pradesh (@TV9UttarPradesh) November 28, 2022
અહેવાલો અનુસાર, ગયા વર્ષે 16558 મદરેસાના 4 થી 5 લાખ બાળકોને શિષ્યવૃત્તિ મળી હતી. આ વર્ષે પણ ઘણા બાળકોએ આ માટે અરજી કરી હતી. જોકે, કેન્દ્ર તરફથી નિર્ણય આવ્યો કે હવેથી આ શિષ્યવૃત્તિ આપવામાં આવશે નહીં. આ સંદર્ભમાં લઘુમતી વિભાગ દ્વારા એક આદેશ જારી કરવામાં આવ્યો હતો કે શિક્ષણના અધિકાર હેઠળ, ધોરણ 1 થી ધોરણ 8 સુધીનું શિક્ષણ મફત છે. વિદ્યાર્થીઓને જરૂરી વસ્તુઓ પણ આપવામાં આવે છે. તેથી જ 9મા અને 10માના બાળકોને જ સ્કોલરશિપ મળશે. ફક્ત તે જ અરજીઓ સ્વીકારવામાં આવશે.
मदरसों में कक्षा 1 से 8 तक मिलने वाली स्कॉलरशिप पर केंद्र सरकार ने लगाई रोक pic.twitter.com/Rr8cBacc9Q
— The Prime Time (@primetime_the) November 28, 2022
દૈનિક જાગરણના અહેવાલમાં જણાવાયું છે કે ઉત્તર પ્રદેશના પ્રયાગરાજ જિલ્લાની 269 મદરેસાઓમાં 1લીથી 8મા ધોરણના લગભગ 15 હજાર વિદ્યાર્થીઓની શિષ્યવૃત્તિ રોકી દેવામાં આવી છે. કેન્દ્ર સરકારના નિર્ણય બાદ આ નિર્ણય લેવામાં આવ્યો છે.
