પંજાબમાં એક મિલિટરી સ્ટેશનની અંદર ગોળીબાર થયો હોવાના અહેવાલ છે. આ ઘટનામાં ચારના મોત થયા છે. ભટિંડા મિલિટરી સ્ટેશન પર ફાયરિંગ પાછળનું કારણ હજુ સુધી જાણી શકાયું નથી. સમગ્ર કેન્ટોનમેન્ટ વિસ્તારને સીલ કરીને સર્ચ ઓપરેશન હાથ ધરવામાં આવી રહ્યું છે.
ન્યૂઝ એજન્સી ANIના જણાવ્યા અનુસાર ફાયરિંગની ઘટના સવારે 4.35 વાગ્યે બની હતી. ક્વિક રિએક્શન ટીમોને એલર્ટ કરવામાં આવી છે. ભટિંડાના એસએસપી જીએસ ખુરાનાને ટાંકીને એનડીટીવીએ કહ્યું છે કે આ આતંકવાદી હુમલો નથી. તેમના કહેવા પ્રમાણે, પોલીસ મિલિટરી સ્ટેશનની બહાર રાહ જોઈ રહી છે. સેનાએ તેમને અંદર જવા દીધા નથી.
Punjab | Four casualties reported in a firing incident in the early hours of the morning around 0435 hours inside Bathinda Military Station today. The Station Quick Reaction Teams were activated and the area was cordoned off and sealed. Search operation in progress: HQ SW Command pic.twitter.com/yTMAjAQAD2
— ANI (@ANI) April 12, 2023
ઈન્ડિયા ટુડેએ પણ ભટિંડા એસએસપીને ટાંકીને આતંકી ઘટનાને નકારી કાઢી છે. સૂત્રોને ટાંકીને જણાવવામાં આવ્યું છે કે ફાયરિંગની ઘટના ભટિંડા મિલિટરી સ્ટેશન ખાતેની આર્ટિલરી યુનિટમાં બની છે. સૈનિકોના પરિવારો પણ આ વિસ્તારમાં રહે છે.
આ ઘટના અંગે સત્તાવાર રીતે વિસ્તૃત માહિતી હજુ આવી નથી. માહિતી આવ્યા બાદ અમે આ સમાચારને અપડેટ કરીશું.
