આજથી થોડા જ દિવસોમાં કોંગ્રેસ દેશભરમાં ‘ભારત જોડો યાત્રા’ શરૂ કરવા જઈ રહી છે. તે પહેલા જ કોંગ્રેસ માટે ખરાબ સમાચાર સામે આવ્યા છે. કોંગ્રેસ પાર્ટીની યુટ્યુબ ચેનલ બુધવારે ડિલીટ કરવામાં આવી હતી. કોંગ્રેસ પાર્ટીએ ખુદ ટ્વીટ કરીને આ જાણકારી આપી છે.
કોંગ્રેસની સોશિયલ મીડિયા ટીમે કહ્યું કે અમારી યુટ્યુબ ચેનલ ‘ઇન્ડિયન નેશનલ કોંગ્રેસ’ ડિલીટ કરી દેવામાં આવી છે. અમે તેને ઠીક કરવા પર કામ કરી રહ્યા છીએ અને Google અને YouTube ટીમ સાથે સતત સંપર્કમાં છીએ.
नमस्कार,
— Congress (@INCIndia) August 24, 2022
कांग्रेस का Youtube चैनल किसी वजह से डाउन है। हम गूगल और Youtube की टीम से त्वरित कार्यवाही के बारे में बात कर रहे हैं।
यह किसी तकनीकी कारण या हैकिंग की वजह से हुआ है, इसकी तहकीकात की जा रही है। हम जल्द वापस यूट्यूब पर आएंगे।
भारतीय राष्ट्रीय कांग्रेस
सोशल मीडिया टीम
તે ઉપરાંત પાર્ટીએ કહ્યું કે અમે આનું કારણ શું છે તેની તપાસ કરી રહ્યા છીએ. ટેક્નિકલ ખામી કે હેકિંગને કારણે આવું બન્યું છે. અમે ટૂંક સમયમાં YouTube પર પાછા આવવાની આશા રાખીએ છીએ.
જો કે, કોંગ્રેસ પાર્ટી ટૂંક સમયમાં તેની ભારત જોડો યાત્રા શરૂ કરવા જઈ રહી છે ત્યારે આ યુટ્યુબ ચેનલને ડિલીટ કરવામાં આવી છે. કોંગ્રેસ દ્વારા આ ભારત જોડો યાત્રા 7 સપ્ટેમ્બરથી તમિલનાડુના કન્યાકુમારીથી શરૂ કરવામાં આવશે. જેનું નેતૃત્વ રાહુલ ગાંધી કરશે. આ યાત્રા 12 રાજ્યોને આવરી લેતા જમ્મુ-કાશ્મીરમાં સમાપ્ત થશે. કહેવામાં આવી રહ્યું છે કે આ સમગ્ર યાત્રા 150 દિવસ સુધી ચાલશે.
નોંધનીય છે કે આ પહેલા પણ દેશના ઘણા મોટા નેતાઓના ટ્વીટર હેન્ડલ હેક થતા જોવા મળ્યા છે, પરંતુ એવું ભાગ્યે જ જોવા મળે છે કે કોઈ પાર્ટીની આખી યુટ્યુબ ચેનલ ડીલીટ થઈ જાય. હાલ કારણ કે તેનું કારણ સ્પષ્ટ નથી, આવી સ્થિતિમાં કોંગ્રેસ પણ પોતાના સત્તાવાર નિવેદનમાં માત્ર તપાસની વાત કરી રહી છે. હેકિંગની આશંકા ચોક્કસપણે વ્યક્ત કરવામાં આવી રહી છે, પરંતુ હજુ સુધી નક્કર માહિતી ન આવી હોવાથી તેની રાહ જોવાઈ રહી છે.
