કોંગ્રેસના વચગાળાના અધ્યક્ષ સોનિયા ગાંધી કોરોનાથી સંક્રમિત થયાં છે. કોંગ્રેસ પાર્ટી દ્વારા આ જાણકારી આપવામાં આવી છે. કોંગ્રેસ પ્રવક્તા રણદીપ સુરજેવાલાએ આ જાણકારી આપી છે. તેમણે કહ્યું કે, સોનિયા ગાંધી ગત દિવસોમાં જે નેતાઓ અને કાર્યકર્તાઓને મળ્યાં હતાં, તેમાંથી ઘણા કોરોનાથી સંક્રમિત થયા હોવાનું સામે આવ્યું છે. કોંગ્રેસ પ્રવક્તાના જણાવ્યા અનુસાર, સોનિયા ગાંધીને ગઈકાલે સાંજે હળવો તાવ આવ્યો હતો, જે બાદ તેમનો કોરોના રિપોર્ટ પોઝિટિવ આવ્યો હતો.
સોનિયા ગાંધી કોરોના સંક્રમિત હોવાનું જાણવા મળતા તેમના સંપર્કમાં આવેલાં કોંગ્રેસ મહાસચિવ પ્રિયંકા ગાંધી પણ લખનઉ પરત ફર્યા હોવાનું મીડિયા અહેવાલો જણાવી રહ્યા છે. બીજી તરફ, સોનિયા ગાંધી હાલ આઇસોલેટ થયાં હોવાની માહિતી પણ મળી રહી છે. કોંગ્રેસ પ્રવક્તાએ આશા વ્યક્ત કરતા કહ્યું કે, તેઓ 8 જૂન પહેલાં સ્વસ્થ થઇ જશે.
Congress president Sonia Gandhi tests positive for COVID-19. She has developed mild fever & some symptoms & has isolated herself and has been given requisite medical attention. As of today, her date of appearance before ED on June 8th stands as it is: Congress’ Randeep Surjewala pic.twitter.com/0eTTN1RhUn
— ANI (@ANI) June 2, 2022
દેશમાં કોરોના રસી લગાવવાનું 2021થી શરૂ થઇ ગયું હતું, અને કોંગ્રેસ અધ્યક્ષ સોનિયા ગાંધીએ કોરોનાની રસીના બંને ડોઝ ગત વર્ષે જુન સુધીમાં લઇ પણ લીધા હતા પરંતુ બુસ્ટર ડોઝ અંગે પણ કોઈ વિગતો કોંગ્રેસ પાર્ટી દ્વારા આપવામાં આવી નથી.
कांग्रेस की अंतरिम अध्यक्ष सोनिया गांधी कोरोना पॉजिटिव पाई गई हैं. प्रियंका गांधी भी उनके संपर्क में आईं थीं, जिसके बाद वो लखनऊ से वापस दिल्ली लौट गई हैं.https://t.co/p8nVQWGCTx#SoniaGandhi #Covid19 #Congress #CoronaVirus #CovidPositive pic.twitter.com/tVmlp89yXf
— ABP News (@ABPNews) June 2, 2022
એ પણ ઉલ્લેખનીય છે કે હજુ ગઈકાલે જ કોંગ્રેસ અધ્યક્ષ સોનિયા ગાંધી અને પૂર્વ અધ્યક્ષ રાહુલ ગાંધીને બહુચર્ચિત નેશનલ હેરાલ્ડ કેસમાં ઇડી દ્વારા સમન્સ પાઠવવામાં આવ્યા હતા. ઇડીએ સોનિયા ગાંધી અને રાહુલ ગાંધીને 8 જૂનના રોજ નેશનલ હેરાલ્ડ કેસ મામલે પૂછપરછ માટે હાજર રહેવા માટે જણાવ્યું હતું. જે બાબતની પુષ્ટિ કોંગ્રેસ કરી ચૂકી છે. જોકે, કોંગ્રેસે ગઈકાલે જણાવ્યું હતું કે સોનિયા ગાંધી પૂછપરછ માટે હાજર રહેશે, જ્યારે રાહુલ ગાંધી વિદેશ પ્રવાસેથી પરત ફરશે તો જોડાશે નહીંતો વધુ સમય માંગવામાં આવશે. જોકે, તે બાદ આજે કોંગ્રેસ અધ્યક્ષ કોરોના સંક્રમિત થયાં હોવાનું બહાર આવતા હવે તેઓ પૂછપરછમાં સામેલ થશે કે કેમ તે અંગે પ્રશ્નાર્થ સર્જાયો છે.
