Friday, March 29, 2024
More
    હોમપેજન્યૂઝ રિપોર્ટ‘વિરોધ પ્રદર્શન’ની આડમાં કોંગ્રેસી નેતાઓની શરમજનક હરકતો: હવે મહિલા કોંગ્રેસ અધ્યક્ષનો પોલીસ...

    ‘વિરોધ પ્રદર્શન’ની આડમાં કોંગ્રેસી નેતાઓની શરમજનક હરકતો: હવે મહિલા કોંગ્રેસ અધ્યક્ષનો પોલીસ ઉપર થૂંકતો વિડીયો વાયરલ

    ગયા અઠવાડિયે કોંગ્રેસનાં મહિલા નેતા અને સાંસદ રેણુકા ચૌધરીએ એક પોલીસકર્મીનો કૉલર પકડી લીધો હતો.

    - Advertisement -

    નેશનલ હેરાલ્ડ કેસમાં ઇડી રાહુલ ગાંધીની પૂછપરછ કરી રહી છે. બીજી તરફ, કોંગ્રેસીઓએ આ સમગ્ર બનાવને ‘નાટક’માં ફેરવી નાંખ્યું છે અને બંધારણીય પ્રક્રિયાના વિરોધની આડમાં રાજધાનીમાં અવ્યવસ્થા સર્જવાના પ્રયત્નો કરવામાં આવી રહ્યા છે. પહેલા દિવસે રાહુલ ગાંધી ઇડી સમક્ષ હાજર થયા ત્યારથી લઈને આજ સુધી દિલ્હી સહિત દેશના અનેક ઠેકાણે કોંગ્રેસીઓ વિરોધ કરી રહ્યા છે તો આ દરમિયાન કોંગ્રેસી નેતાઓની શરમજનક હરકતો પણ જોવા મળી છે.

    આ સમગ્ર ‘વિરોધ પ્રદર્શન’ દરમિયાન કોંગ્રેસી નેતાઓની એક પછી એક શરમજનક અને અભદ્ર હરકતો સામે આવી રહી છે. જેમાં કોઈ પીએમ નરેન્દ્ર મોદીના મૃત્યુની કામના કરી રહ્યું છે તો કોઈ પોલીસકર્મીનો કૉલર પકડીને ધમકી આપતું દેખાય છે તો કોઈ પોલીસકર્મી પર થૂંકી રહ્યું છે. 

    કોંગ્રેસની મહિલા પાંખનાં અધ્યક્ષ નેતા ડિસૂઝાનો એક વિડીયો વાયરલ થયો છે, જેમાં તેઓ પોલીસકર્મી પર થૂંકતાં જોઈ શકાય છે. ઇડી વિરુદ્ધ પ્રદર્શન કરવા દરમિયાન પોલીસકર્મીઓએ કોંગ્રેસ નેતાઓની અટકાયત કરી હતી. જેમાંથી એક નેતા ડિસૂઝા પણ સામેલ હતાં. દરમ્યાન, બસમાં જતી વખતે તેમણે પોલીસકર્મી પર થૂંકવાની શરમજનક હરકત કરી હતી.

    - Advertisement -

    આ ઉપરાંત, કોંગ્રેસ નેતા અલકા લાંબાનો પણ એક વિડીયો વાયરલ થયો હતો. જેમાં તેમને વિરોધ પ્રદર્શન દરમિયાન અજીબોગરીબ હરકતો કરતાં જોઈ શકાય છે. એકવાર તો તેઓ જમીન પર જ સૂઈ જાય છે. તેઓ જમીન પર બેસીને બોલતાં રહે છે અને નારાબાજી કરતાં રહે છે. જોકે, મહારાષ્ટ્રના રાજકારણના કવરેજ વચ્ચે તે બહાને કોંગ્રેસને પણ થોડું ફૂટેજ મળી ગયું હતું. 

    ઇડી દ્વારા કરવામાં આવી રહેલી પૂછપરછનો વિરોધ કરવાની આડમાં કોંગ્રેસ રાજનીતિક લાભ ખાટવા માંગે છે પરંતુ તેમને સફળતા મળી રહી નથી અને બીજી તરફ પાર્ટીના નેતાઓ એક પછી એક શરમજનક હરકતો કરી રહ્યા છે. 

    આ પહેલાં ગઈકાલે કોંગ્રેસના વરિષ્ઠ નેતા અને પૂર્વ કેન્દ્રીય મંત્રી સુબોધ કાંત સહાયે જાહેરમંચ પરથી પીએમ મોદી વિશે અપમાનજનક ભાષા વાપરી હતી. તેમણે જાહેર મંચ પરથી કહ્યું હતું કે “હિટલરે પણ આવી જ એક સંસ્થા બનાવી હતી. મોદી હિટલરની રાહ પર ચાલશે તો હિટલરની મોત માર્યો જશે. એ યાદ રાખે.” કોંગ્રેસ પાર્ટી દ્વારા અગ્નિપથ યોજનાના વિરોધમાં યોજવામાં આવેલ રેલીમાં તેમણે આ નિવેદન આપ્યું હતું. આ દરમિયાન મંચ પર કોંગ્રેસના વરિષ્ઠ નેતાઓ સચિન પાયલટ અને પ્રમોદ તિવારી પણ દેખાયા હતા. 

    તે પહેલાં ગયા અઠવાડિયે કોંગ્રેસનાં મહિલા નેતા અને સાંસદ રેણુકા ચૌધરીએ એક પોલીસકર્મીનો કૉલર પકડી લીધો હતો. હૈદરાબાદમાં પ્રદર્શન દરમિયાન પોલીસકર્મીએ તેમને અટકાવતાં તેમણે કૉલર પકડી લીધો હતો. જે વિડીયો વાયરલ થયા બાદ તેમની ખૂબ ટીકા થઇ હતી અને કેસ પણ નોંધાયો હતો. 

    ઘણા સમયથી બધી બાજુએથી નાશપ્રાયઃ થવા જઈ રહેલી કોંગ્રેસ પાર્ટીને ઇડી દ્વારા થતી રાહુલ ગાંધીની પૂછપરછમાં નવી તક દેખાઈ છે. જેના કારણે સતત પાર્ટી બંધારણીય પ્રક્રિયામાં ખલેલ પહોંચાડવાના પ્રયાસો કરી રહી છે. બીજી તરફ, આગામી 23 જૂને સોનિયા ગાંધીએ પણ ઇડી સમક્ષ હાજર થવાનું હોઈ કોંગ્રેસે આખા દેશમાંથી ધારાસભ્યો અને સાંસદો ભેગા કરવા માંડ્યા છે. 

    - Advertisement -

    સંબંધિત લેખો

    - Advertisement -

    તાજા સમાચાર

    ચૂકશો નહીં