કર્ણાટકના પૂર્વ મુખ્યમંત્રી અને કોંગ્રેસના નેતા સિદ્ધારામૈયા ચર્ચામાં છે. કારણ એ છે કે તેમણે તેમના એક સમર્થકને તમાચો મારી દીધો હતો. જેનો વિડીયો સોશિયલ મીડિયા પર વાયરલ થઇ રહ્યો છે તો હવે પીએમ મોદીએ પણ આ ઘટનાને લઈને કટાક્ષ કર્યો છે.
#WATCH | LoP and former Karnataka CM Siddaramaiah slaps a supporter who came to meet him at his residence in Bengaluru earlier today. The supporter had come to him amid a huge crowd of visitors there. pic.twitter.com/968Ba1t9DB
— ANI (@ANI) March 24, 2023
આ ઘટના શુક્રવારે (24 માર્ચ, 2023) બની હતી. સિદ્ધારામૈયાને મળવા માટે તેમના સમર્થકો તેમના નિવાસસ્થાને પહોંચ્યા હતા. જેના કારણે ભારે ભીડ એકઠી થઇ ગઈ હતી. વાયરલ વિડીયોમાં પણ આ ભીડ નજરે પડે છે અને કોંગ્રેસ નેતા સમર્થકોથી ઘેરાયેલા જોવા મળે છે.
પોતાના નિવાસસ્થાનની બહાર સિદ્ધારામૈયા સમર્થકો સાથે મુલાકાત કરી રહ્યા હતા ત્યારે જ તેમનો એક સમર્થક ભીડમાંથી જઈને તેમને મળવા માટે ગયો તો તેને સિદ્ધારામૈયાએ એક તમાચો મારી દીધો હતો. વિડીયોમાં આ થપાટનો અવાજ પણ સાંભળવા મળે છે. તમાચો મારીને કશુંક કહેતાં-કહેતાં ગાડીમાં બેસી ગયા હતા.
આ ઘટનાને લઈને પીએમ મોદીએ આજે સિદ્ધારામૈયા પર કટાક્ષ કર્યો હતો. તેમણે ટિપ્પણી કરીને કહ્યું કે જેઓ પોતાની પાર્ટીના કાર્યકર્તાઓનું સન્માન ન કરી શકે તેઓ જનતાનું સન્માન કઈ રીતે કરશે?
सोशल मीडिया पर कल मैंने कर्नाटक का एक वीडियो देखा। एक पार्टी के बड़े नेता, कर्नाटक के पूर्व मुख्यमंत्री अपनी ही पार्टी के एक कार्यकर्ता को सार्वजनिक रूप से थप्पड़ मारने का आनंद ले रहे थे। जो अपने कार्यकर्ताओं का सम्मान नहीं कर सकते, वो जनता जनार्दन का सम्मान क्या करेंगे?: PM pic.twitter.com/FYaS26uYOp
— ANI_HindiNews (@AHindinews) March 25, 2023
પીએમ મોદીએ એક સભામાં આ ઘટનાનો ઉલ્લેખ કરીને કહ્યું, “સોશિયલ મીડિયા પર મેં કર્ણાટકનો એક વિડીયો જોયો. એક પાર્ટીના મોટા નેતા, કર્ણાટકના પૂર્વ મુખ્યમંત્રી પોતાની જ પાર્ટીના એક કાર્યકર્તાને સાર્વજનિકરૂપે થપ્પડ મારવાનો આનંદ લઇ રહ્યા હતા. જેઓ પોતાના કાર્યકર્તાઓનું સન્માન નથી કરી શકતા તેઓ જનતા-જનાર્દનનું સન્માન શું કરશે?”
આમ તો જાહેરમાં પોતાના સમર્થકોને તમાચો મારી દેવાની ઘટના સામાન્ય ન કહી શકાય પરંતુ કોંગ્રેસ નેતા સિદ્ધારામૈયા માટે આ નવી વાત નથી. કારણ કે અગાઉ પણ તેમણે આવું કર્યું હતું. સપ્ટેમ્બર, 2019માં તેઓ કર્ણાટકના મૈસૂર એરપોર્ટની બહાર મીડિયાના કેમેરાની સામે સિદ્ધારામૈયાએ પોતાના એક સાથી નેતાને તમાચો મારી દીધો હતો.
Watch: Congress leader and ex-Karnataka CM Siddaramaiah slaps his aide outside Mysuru airport.#Siddaramaiah#SiddaramaiahSlapsCongressWorker pic.twitter.com/hTOjhRtF7I
— TOI Bengaluru (@TOIBengaluru) September 4, 2019
સિદ્ધારામૈયા એરપોર્ટની બહાર પ્રેસ-મીડિયાને સંબોધી રહ્યા હતા. સંબોધન પતાવીને તેઓ પરત ફરી રહ્યા હતા ત્યારે તેમની સાથેના એક કોંગ્રેસ નેતા સાથે કંઈક વાતચીત કર્યા બાદ તેમણે જોરદાર તમાચો મારી દીધો હતો અને તેમને હાથ પકડીને હડસેલી દીધા હતા. આ ક્ષણો કેમેરામાં કેદ થઇ ગઈ હતી. હવે, ફરી આવી ઘટના સામે આવી છે.
