મંગળવારે (14 ફેબ્રુઆરી, 2023) કોંગ્રેસ નેતાઓએ એક નવો દાવો કરીને જુઠ્ઠાણું ફેલાવ્યું હતું. દાવો કરવામાં આવ્યો કે ઉત્તર પ્રદેશમાં એક કાર્યક્રમમાં ભાગ લેવા માટે જનાર કોંગ્રેસ સાંસદ રાહુલ ગાંધીના વિમાનને વારાણસી એરપોર્ટ પર ઉતરવાની પરવાનગી આપવામાં આવી ન હતી. પછીથી આ દાવો કેટલાક પત્રકારોએ પણ આગળ વધાર્યો હતો. પરંતુ જ્યારે વારાણસી એરપોર્ટ ઓથોરિટીએ સ્પષ્ટતા કરી ત્યારે આ દાવાઓની પોલ ખુલી ગઈ હતી.
કોંગ્રેસ નેતા અજય રાયે મીડિયા સાથેની વાતચીતમાં કહ્યું, “રાહુલજી (ગાંધી) આજે કેરળથી બનારસ આવનાર હતા અને અહીં બાબા વિશ્વનાથના દર્શન કરીને તેમણે પ્રયાગરાજ જવાનું હતું, ત્યાં તેમનો કાર્યક્રમ છે. પરંતુ આજે અહીં એરપોર્ટ ઓથોરિટીએ સંપૂર્ણ રીતે સરકારના દબાણમાં અને રાષ્ટ્રપતિનો હવાલો આપીને તેમના વિમાનને ઉતરવા ન દીધું, પરવાનગી ન આપી અને કાર્યક્રમ રદ કરાવ્યો.”
"कल राहुल गांधी के विमान को वाराणसी एयरपोर्ट पर उतरने नहीं दिया गया"
— News24 (@news24tvchannel) February 14, 2023
◆ कांग्रेस पार्टी के नेता अजय राय का बयान pic.twitter.com/XSmjikT1vC
તેમણે આગળ દાવો કર્યો કે, એરપોર્ટ ઓથોરિટીએ ટ્રાફિક જામનું બહાનું આપીને જાણીજોઈને, દબાણમાં પરવાનગી આપી ન હતી. પ્રયાગરાજમાં રાહુલ ગાંધીનો વ્યક્તિગત કાર્યક્રમ હોવાનું તેમણે જણાવ્યું હતું.
કોંગ્રેસ નેતાના દાવા બાદ પત્રકાર પંકજ શર્માએ પણ એક ટ્વિટ કર્યું. તેમણે લખ્યું કે, આજે રાત્રે રાહુલ ગાંધીના વિમાનને ઉત્તર પ્રદેશના વારાણસી એરપોર્ટ પર ઉતરવા દેવામાં આવ્યું ન હતું અને તેમણે મોડી રાત્રે જ દિલ્હી પરત ફરવું પડ્યું. તેમણે સાથે એવું પણ લખ્યું કે એક એકલા રાહુલ ગાંધી આખી ભારતીય જનતા પાર્ટી ઉપર ભારે પડી રહ્યા છે.
आज रात @RahulGandhi के विमान को उत्तरप्रदेश प्रशासन ने वाराणसी में नहीं उतरने दिया. उन्हें देर रात दिल्ली लौटना पड़ा.
— Pankaj Sharma पंकज शर्मा (@Pankaj___Sharma) February 13, 2023
एक अकेले राहुल पूरी @BJP4India पर भारी पड़ रहे हैं.
અન્ય પણ કેટલાક પત્રકારોએ આ દાવા આધારિત ટ્વિટ કર્યાં હતાં અને વારાણસીમાં લેન્ડિંગની પરવાનગી ન મળવાના કારણે રાહુલ ગાંધીની મુલાકાત રદ કરવામાં આવી હોવાનું જણાવ્યું હતું.
राहुल गांधी का प्रयागराज दौरा रद्द, वाराणसी में नहीं मिली फ्लाइट लैंडिंग की परमिशन
— आदित्य तिवारी / Aditya Tiwari (@aditytiwarilive) February 13, 2023
वाराणसी से प्रयागराज सड़क मार्ग से जाने का था प्रोग्राम
प्रयागराज में निजी कार्यक्रम में शामिल होना था @RahulGandhi को, बुधवार सुबह कमला नेहरू ट्रस्ट की बैठक के बाद दिल्ली होना था रवाना
આ તમામ દાવાઓની પોલ ખુલી ગઈ જ્યારે સ્વયં વારાણસી એરપોર્ટ ઓથોરિટીએ સામે આવીને સ્પષ્ટતા કરી અને જણાવ્યું કે કેમ રાહુલ ગાંધી વારાણસી પહોંચ્યા ન હતા. વાસ્તવમાં, રાહુલ ગાંધી જે વિમાનમાં આવનાર હતા તેના ઓપરેટરે જ ફ્લાઇટ રદ કરી દીધી હતી.
AAI Varanasi International Airport is committed to provide best services 24 hours to all operators, stakeholders and passengers @AAI_Official @aaiRedNR pic.twitter.com/BjljGVZSD9
— VARANASI AIRPORT (@AAIVNSAIRPORT) February 14, 2023
વારાણસી એરપોર્ટ ઓથોરિટીનાં એરપોર્ટ ડાયરેક્ટરે એક વિડીયો બાઈટમાં જણાવ્યું કે, 13 ફેબ્રુઆરી, 2023ના રોજ 9:12 વાગ્યે વોટ્સએપ મારફતે અને 9:16 વાગ્યે ઈ-મેઈલ દ્વારા જાણકારી મળી હતી કે બનારસ આવનારી રાહુલ ગાંધીની ફ્લાઇટ રદ કરી દેવામાં આવી છે.
Please date of email as 13.02.2023
— VARANASI AIRPORT (@AAIVNSAIRPORT) February 14, 2023
એરપોર્ટના અધિકારીક ટ્વિટર હેન્ડલ પરથી પણ જણાવવામાં આવ્યું કે, 13 ફેબ્રુઆરી, 2023ના રોજ AR એરવેઝ દ્વારા વારાણસી એરપોર્ટને ઈ-મેઈલ મારફતે જાણ કરવામાં આવી હતી કે ફ્લાઇટ રદ કરી દેવામાં આવી છે. એરપોર્ટે લેન્ડિંગ માટે પરવાનગી ન આપી હોવાના દાવામાં કોઈ તથ્ય નથી.
