Monday, July 4, 2022
More
    હોમપેજન્યૂઝ રિપોર્ટચીનના રાજદૂત સન વેઈડોંગ ચેન્નાઈમાં 'ધ હિન્દુ' કાર્યાલયની મુલાકાતે: ડાબેરી મુખપત્ર ચીની...

    ચીનના રાજદૂત સન વેઈડોંગ ચેન્નાઈમાં ‘ધ હિન્દુ’ કાર્યાલયની મુલાકાતે: ડાબેરી મુખપત્ર ચીની સામ્યવાદી પ્રચારને કેવી રીતે આગળ વધારી રહ્યું છે તેના પર એક નજર

    હંમેશા ચીનના ગુણગાન કરતા દક્ષિણ ભારતના અખબાર ધ હિંદુની ઓફિસની મુલાકાતે ભારત ખાતે ચીનના રાજદૂત ગયા હતા જે ઘણું સૂચક માનવામાં આવી રહ્યું છે.

    બુધવારે, ભારતમાં ચીનના રાજદૂત, સન વેઇડોંગ, જેઓ તમિલનાડુ રાજ્યની બે દિવસની મુલાકાતે હતા, તેમણે ડાબેરી મુખપત્ર ધ હિન્દુના મુખ્યાલયની મુલાકાત લીધી અને તેના સંપાદક સુરેશ નમ્બાથ અને અન્ય કર્મચારી સભ્યો સાથે સામ-સામે વાતચીત કરી હતી.

    “ધ હિન્દુના મુખ્યાલયની મુલાકાત લીધી. સામ-સામે વાતચીતથી પરસ્પર સમજણ અને વિશ્વાસ થાય છે. વાસ્તવિક, ઉદ્દેશ્યપૂર્ણ અને 3-પરિમાણીય રીતે ચીન વિશે વધુ અન્વેષણ કરવા અને જાણવા માટે તમારા બધાનું સ્વાગત છે”, એમ એમ્બેસેડર સન વેઇડોંગે મીડિયા મુખપત્ર પર તેમની મુલાકાતનો વિડિયો પોસ્ટ કરતા જણાવ્યું હતું.

    વિડિયોમાં વેઈડોંગ એડિટર સુરેશ નામ્બથ અન્ય સંપાદકો અને પત્રકારો સાથે વાર્તાલાપ કરતા અને વિચારોની આપ-લે કરતા જોઈ શકાય છે. તે સમગ્ર મીડિયા મુખપત્રની કામગીરીની પ્રશંસા કરતા પણ જોઈ શકાય છે. ચીન અને તમિલનાડુ વચ્ચે મૈત્રીપૂર્ણ આદાનપ્રદાન અને વ્યવહારિક સહકારને પ્રોત્સાહન આપવા વેઈડોંગ રાજ્યની મુલાકાતે છે.

    - Advertisement -

    રાજ્યની તેમની બે દિવસીય મુલાકાત દરમિયાન, રાજદૂતે ચેન્નાઈમાં સ્ટેટ ઈન્ડસ્ટ્રીઝ પ્રમોશન કોર્પોરેશન ઓફ તમિલનાડુ (SIPCOT) ઈન્ડસ્ટ્રીયલ પાર્કની પણ મુલાકાત લીધી હતી અને એક્ઝિક્યુટિવ ટીમ સાથે મિત્રતાના પ્રયત્નો કર્યા હતા. “ચીન અને ભારત, બંને મુખ્ય ઉભરતી અર્થવ્યવસ્થાઓ, વેપાર અને રોકાણ પરસ્પર સહકાર અને સામાન્ય વિકાસમાં મોટી સંભાવના ધરાવે છે”, તેમણે મુલાકાત દરમિયાન જણાવ્યું હતું.

    જો કે, ડાબેરી મીડિયા મુખપત્રના મુખ્યાલયમાં ચીનના રાજદૂતની મુલાકાતને નેટીઝન્સ દ્વારા આવકારવામાં આવી નહોતી. ધ હિંદુ ઘણી વાર ચીન તરફી સામગ્રીનું વેચાણ કરે છે, એક યુઝર્સે જણાવ્યું કે સન વેઈડોંગ ચાઈનીઝ ઓફિસની એક શાખાની મુલાકાત લઈ રહ્યો હતો અને તેના પોતાના કર્મચારીઓ સાથે વાતચીત કરી રહ્યો હતો. “કર્મચારીઓને પેપ ટોક આપવા માટે બ્રાન્ચ ઓફિસની મુલાકાત લેતા CEO. કંઈ અસામાન્ય નથી”, તેમણે ટ્વિટ કર્યું.

    દરમિયાન, અન્ય એક યુઝરે યાદ કર્યું કે ‘ધ હિન્દુ’ એ વર્ષ 2021માં ચીનની કોમ્યુનિસ્ટ પાર્ટીની સ્થાપનાના 100 વર્ષની ઉજવણી કરતી આખા પાનાની ચાઈનીઝ જાહેરાત પ્રકાશિત કરીને ચાઈનીઝ પ્રચારને વેગ આપ્યો હતો.

    આ મુલાકાત માટેના કેટલાક વધુ રસપ્રદ પ્રતિભાવો અહીં છે:

    ધ હિન્દુ ભૂતકાળમાં ચીનના પ્રચારને આગળ ધપાવતું જોવા મળ્યું હતું

    અહી એ નોંધવું અગત્યનું છે કે ડાબેરી મુખપત્ર ધ હિન્દુ અને ચીનની સરકાર વચ્ચેની પરસ્પર સમજણ અને વિશ્વાસ છેલ્લા ઘણા વર્ષોથી સ્વસ્થ અને આર્થિક રીતે મજબૂત છે. વર્ષ 2021માં, જ્યારે ચીને વુહાન લેબમાં તેના કથિત કોરોના વાયરસ પ્રયોગો અને ત્યારબાદ રોગચાળાના ઉત્પત્તિ અને ફેલાવાને લગતા ખોટા માહિતીના પ્રચાર સામગ્રી માટે વૈશ્વિક નિંદાનો સામનો કરવો પડ્યો હતો, ત્યારે ‘ધ હિન્દુ’ એ સામ્યવાદી ચીનના પ્રચારને પ્રોત્સાહન આપીને તેના વ્યાપારી અને વૈચારિક હિતોને આગળ વધારવાનું પસંદ કર્યું હતું.

    1 જુલાઈના રોજ, ધ હિન્દુએ ચીનની કમ્યુનિસ્ટ પાર્ટીની શતાબ્દી વર્ષગાંઠ નિમિત્તે ચીન દ્વારા ચૂકવવામાં આવેલ અને કહેવામા આવેલ સંપૂર્ણ પાનાની જાહેરાત પ્રકાશિત કરી હતી. પેપરના ત્રીજા પૃષ્ઠ પર સશુલ્ક સામગ્રી છપાઈ હતી.

    જુલાઈ 2021માં ધ હિન્દુ દ્વારા દર્શાવવામાં આવેલ સશુલ્ક સામગ્રી

    વર્ષ 2020 માં પણ, ગલવાન ખીણમાં ભારતીય સેના અને ચીની સૈનિકો વચ્ચેની ઘાતક અથડામણમાં 20 બહાદુર ભારતીય સૈનિકોના મૃત્યુના થોડા મહિના પછી, ‘ધ હિન્દુ’ એ ચીનની તરફેણમાં સમાન જાહેરાત પ્રકાશિત કરી હતી.

    1 ઑક્ટોબર, 2020ના રોજ, ધ હિન્દુએ તેના રાષ્ટ્રીય દિવસના અવસરે ચીન દ્વારા ચૂકવવામાં આવેલ આખા પૃષ્ઠની જાહેરાત ચલાવી હતી. પૈસા કમાવવા અને સામ્યવાદી પ્રચારને આગળ વધારવાની ઉતાવળમાં, હિન્દુએ ભારતીય સૈનિકોના બલિદાનની ખુલ્લેઆમ અવગણના કરીને ચીની જાહેરાત પ્રકાશિત કરી હતી. પાછળથી, આવકવેરા વિભાગે અખબાર અને ચીન વચ્ચેના કથિત નાણાકીય વ્યવહારો અંગે અંગ્રેજી દૈનિક સામે તપાસ શરૂ કરી હતી.

    ઑક્ટોબર 2020 માં ધ હિન્દુ દ્વારા દર્શાવવામાં આવેલ સશુલ્ક સામગ્રી.

    એ જ રીતે, 2 એપ્રિલ, 2020 ના રોજ, ધ હિન્દુએ ચીન દ્વારા અન્ય એક જાહેરાત પ્રકાશિત કરી હતી. આ જાહેરાત ચીન અને ભારત વચ્ચેના રાજદ્વારી સંબંધોના 70 વર્ષની ઉજવણી કરવા માટે મૂકવામાં આવી હતી, તેમ છતાં ચીને આપેલા વચનો પર ભારત સાથે દગો કરવાનું ચાલુ રાખ્યું હતું.

    સંબંધિત લેખો

    - Advertisement -

    તાજા સમાચાર

    ચૂકશો નહીં