Sunday, June 26, 2022
More
    હોમપેજન્યૂઝ રિપોર્ટબ્રહ્માસ્ત્ર ફિલ્મમાં હિંદુ ધર્મનું અપમાન, આયાન મુખર્જી નિર્મિત ફિલ્મના ટ્રેલર રિલીઝના બીજા...

    બ્રહ્માસ્ત્ર ફિલ્મમાં હિંદુ ધર્મનું અપમાન, આયાન મુખર્જી નિર્મિત ફિલ્મના ટ્રેલર રિલીઝના બીજા જ દિવસે લોકોનો રોષ ભભૂક્યો

    બૉલીવુડ હિન્દુ ધર્મનું પહેલી વાર અપમાન કર્યું હોય તેવું નથી. વારંવાર આવું ઈરાદા પૂર્વક થતું હોય છે તેવો લોકોનો આક્ષેપ.

    બ્રહ્માસ્ત્ર ફિલ્મમાં હિંદુ ધર્મનું અપમાન થયું હોવાનો આક્ષેપ સોસિયલ મીડિયામાં થઇ રહ્યો છે. આયાન મુખર્જી નિર્મિત અને આલિયા ભટ્ટ સહીત અમિતાભ બચ્ચન જેવા દિગ્ગજ અભિનેતા દ્વારા અભિનીત ફિલ્મ બ્ર્હ્માસ્ત્રનું ટ્રેલર ગઈ કાલે રીલીઝ કરવામાં આવ્યું, પરંતુ ટ્રેલર રીલીઝ થયાનાં 24 કલાકમાંજ તેનો વિરોધ થઇ રહ્યો છે, બ્રહ્માસ્ત્ર ફિલ્મમાં હિંદુ ધર્મનું અપમાન થયું હોવાનું લોક મુખે ચર્ચાઈ રહ્યું છે.

    ટ્રેલરમાં દેખાડેલા એક સીનમાં રણબીર કપૂર મંદિરમાં જૂતા પહેરીને જતો જોવા મળી રહ્યો છે, લોકોનો આક્ષેપ છે કે આ પ્રથમ વાર નથી જેમાં બોલીવુડે ફિલ્મમાં હિંદુ ધર્મનું અપમાન કર્યું હોય. જે પછી સોસિયલ મીડિયામાં આ સીનને લઈને ભડકો થયો છે. યુઝર્સ હિંદુ ધર્મ અને દેવસ્થાનના અપમાન કરવાનાં આક્ષેપ સાથે ફિલ્મના ટ્રેલરને ટ્રોલ કરી રહ્યા છે, હાલ ટ્વીટર પ્લેટફોર્મ પર #BoycottBrahmastra ટ્રેન્ડ કરી રહ્યું છે.

    ટ્વીટર પર યુઝર્સ રણવીર કપૂરના મંદિરમાં જૂતા પહેરીને ઘંટ વગાડવાના સીન પર નારાજ થઇ રહ્યા છે,પોતાનો રોષ ઠાલવીને બોલીવુડની આ ફિલ્મને ધાકડ ફિલ્મની જેમ ફ્લોપ કરવાનું કહે છે.

    - Advertisement -

    એક ટ્વીટર યુઝર લખે છે કે તમે ધર્મ પ્રત્યે માન કેમ નથી દાખવતા? મંદિરમાં જૂતા પહેરેલો સીન શા માટે મુક્યો? સાઉથની ફિલ્મો માંથી કઈક શીખો.

    અન્ય એક યુઝર પણ બોલીવુડ દ્વારા કરવામાં આવતી ધાર્મિક લાગણીઓને ઠેસ પહોંચાડતી ભૂલો પર પોતાનો રોષ ઠાલવતા જોવાં મળ્યા હતા,

    અન્ય એક યુવતી દ્વારા એક થઈને ઉર્દુવુડ (બોલીવુડ) ને હિન્દુઓની શક્તિ બતાવાની અને ધાર્મિક ભાવનાઓને ઠેસ પહોંચાડવા બદલ બોલીવુડને પાઠ ભણાવવાની વાત કરી હતી.

    બીજી એક યુઝર પોતાનો બળાપો કાઢતા હિન્દુઓને તંદ્રા માંથી જાગવાની વાત લખી હતી, યુઝર લખે છે કે બોલીવુડ હમેશા સનાતન ધર્મનું અપમાન કરવાનું ક્યારેય ચૂકતું નથી. જાગો ભારતીયો જાગો હિંદુઓ.

    બીજા એક યુઝર ક્યારેય બોલીવુડ પર અન્ય ધર્મના ધાર્મિક રીવાજ કે વિધિઓને પડકારવાની હિમ્મત ન કરતા હમેશા હિન્દુઓનેજ ટાર્ગેટ કરવાની વાત કરીને ફિલ્મ ના ટ્રેલર પર ગુસ્સો ઠાલવતા જોવા મળ્યા

    બ્રહ્માસ્ત્ર ફિલ્મ ભગવાન શિવ આધારિત છે જયારે તેનું 95 ટકાથી વધુ શુટિંગ બુલ્ગેરીયા,લંડન, ન્યુયોર્કમાં થયું છે, ભગવાન શિવની ભૂમિ ભારતમાં માત્ર 5 ટકા શુટિંગ થયું છે. આ વાત પર પણ અન્ય એક યુઝરે આપત્તિ જતાવી હતી અને ટ્વીટર પર પોસ્ટ કરીને પોતાનો રોષ ઠાલવ્યો હતો.

    અયાન મુખર્જી દ્વારા નિર્દેશિત, ‘બ્રહ્માસ્ત્ર’ એક મલ્ટી-સ્ટારર ફિલ્મ છે. જેમાં આલિયા ભટ્ટ, રણબીર કપૂરની સાથે અમિતાભ બચ્ચન, નાગાર્જુન અને મૌની રોય પણ મુખ્ય ભૂમિકામાં છે. એક તરફ રણબીર આ ફિલ્મમાં શિવાની ભૂમિકામાં છે, પરંતુ ગઈકાલે રીલીઝ થયેલા આ ફિલ્મના ટ્રેલરમાં રણબીર દ્વારા જૂતા પહેરીને મંદિરમાં પ્રવેશવા પર ઘણાં લોકોએ આપત્તિ જતાવી છે. બોલીવુડ અવાર નવાર પોતાની ફિલ્મોમાં હિંદુ ધર્મને લઈને આપત્તિજનક દ્રશ્યો કે વ્યાખ્યાનો નાખીને હિંદુ ધર્મની સંસ્કૃતિ અને લાગણીઓને ઠેસ પહોંચાડતું આવ્યું છે.

    જુઓ બ્રહ્માસ્ત્ર ફિલ્મનું તે વિવાદાસ્પદ ટ્રેલર જેમાં રણવીર જૂતા પહેરીને મંદિરમાં પ્રવેશતો જોવા મળી રહ્યો છે.

    સંબંધિત લેખો

    - Advertisement -

    તાજા સમાચાર

    ચૂકશો નહીં