Saturday, May 18, 2024
More
    હોમપેજન્યૂઝ રિપોર્ટ26 મહિના બાદ મુક્ત થશે કેરળનો 'પત્રકાર' સિદ્દીકી કપ્પન, ED કેસમાં અલાહાબાદ...

    26 મહિના બાદ મુક્ત થશે કેરળનો ‘પત્રકાર’ સિદ્દીકી કપ્પન, ED કેસમાં અલાહાબાદ હાઇકોર્ટે જામીન આપ્યા: UAPA કેસમાં પહેલેથી જ મળી ચૂક્યા છે જામીન

    અગાઉ 1 નવેમ્બરના રોજ સ્થાનિક કોર્ટે આ જ અરજીને ફગાવી દીધી હતી અને કપ્પન મની લોન્ડરિંગ કેસમાં જેલમાં રહ્યો હતો.

    - Advertisement -

    અલ્હાબાદ હાઈકોર્ટે શુક્રવારે (24 ડિસેમ્બર 2022) PMLA કેસમાં કેરળના પત્રકાર સિદ્દીકી કપ્પનને જામીન આપ્યા હતા. કોર્ટે આપેલી આ રાહત બાદ સિદ્દીકી કપ્પન 26 મહિના બાદ જેલમાંથી મુક્ત થશે. હાથરસની ઘટના સમયે લોકોને ઉશ્કેરવા સહિતના આરોપો હેઠળ ઓક્ટોબર 2020માં યુપી પોલીસે તેની ધરપકડ કરી હતી.

    મળતી માહિતી મુજબ, કપ્પનની જામીનનો આદેશ હાઈકોર્ટની લખનવ બેંચના જસ્ટિસ દિનેશ કુમાર સિંહે આપ્યો છે. અગાઉ 1 નવેમ્બરના રોજ સ્થાનિક કોર્ટે આ જ અરજીને ફગાવી દીધી હતી અને કપ્પન મની લોન્ડરિંગ કેસમાં જેલમાં રહ્યો હતો. ત્યારબાદ તેણે હાઈકોર્ટમાં અરજી કરી હતી, જેના પર શુક્રવારે ચુકાદો આપવામાં આવ્યો હતો.

    અગાઉ 9 સપ્ટેમ્બર, 2022 ના રોજ, સિદ્દીકી કપ્પનને UAPA હેઠળ કરાયેલી ધરપકડમાં સુપ્રીમ કોર્ટ દ્વારા જામીન આપવામાં આવ્યા હતા. જામીન આપતી વખતે કોર્ટે કપ્પનનો પાસપોર્ટ જપ્ત કરી લીધો હતો. આ સાથે તેને આગામી 6 અઠવાડિયા સુધી દિલ્હીમાં રહેવા અને દર અઠવાડિયે જંગપુરા પોલીસ સ્ટેશનમાં હાજર થવાનો આદેશ આપવામાં આવ્યો છે. કોર્ટે કહ્યું હતું કે આ સમયગાળા પછી તે કેરળ જઈ શકશે, પરંતુ ત્યાં પણ તેણે હાજર થવું પડશે.

    - Advertisement -

    નોંધનીય છે કે હાથરસ ઘટના દરમિયાન સિદ્દીકી કપ્પનની ત્યાં જતા સમયે ધરપકડ કરવામાં આવી હતી. આ સિવાય PFI સાથે જોડાયેલા અન્ય 8 લોકોની પણ SIT દ્વારા ધરપકડ કરવામાં આવી હતી. તે સમયે તેની સાથે પીએફઆઈના એક સભ્ય પણ હતો. ધરપકડ બાદ યુપી પોલીસની SITએ સિદ્દીકી કપ્પન સામે 5000 પાનાંની ચાર્જશીટ દાખલ કરી હતી.

    એફિડેવિટમાં સિદ્દીકી કપ્પનના 36 લેખો પ્રકાશિત કરવામાં આવ્યા છે જે તેના લેપટોપમાંથી મળી આવ્યા હતા. જેમાં નિઝામુદ્દીન મરકઝ, CAA વિરોધી વિરોધ, દિલ્હી રમખાણો, રામ મંદિર, શરજીલ ઇમામ જેવા મુદ્દાઓ વિશે વાત કરવામાં આવી હતી.

    એફિડેવિટમાં કહેવામાં આવ્યું હતું કે સિદ્દીકી કપ્પન એક જવાબદાર પત્રકારની જેમ લખ્યું નથી. તેનું કામ માત્ર મુસ્લિમોને ઉશ્કેરવાનું છે. તે માઓવાદીઓ અને સામ્યવાદીઓ માટે સહાનુભૂતિ ધરાવે છે. AMUમાં CAA વિરોધ પર લખાયેલા લેખમાં તેણે એવું લખ્યું હતું કે જાણે મુસ્લિમો પીડિત હોય અને પોલીસે તેમને પાકિસ્તાન જવા માટે કહ્યું હોય.

    - Advertisement -

    સંબંધિત લેખો

    - Advertisement -

    તાજા સમાચાર

    ચૂકશો નહીં