Tuesday, April 23, 2024
More
    હોમપેજન્યૂઝ રિપોર્ટAAP નેતાની ગુંડાગીરી: MLA કરમબીર સિંહ ઘુમ્મન કર્મચારીઓ સાથે માથાકૂટ કરી બળજબરીથી...

    AAP નેતાની ગુંડાગીરી: MLA કરમબીર સિંહ ઘુમ્મન કર્મચારીઓ સાથે માથાકૂટ કરી બળજબરીથી ટોલગેટ ખોલાવે છે, બેરીકેટને કરે છે નુકશાન

    ટોલ પ્લાઝાના મેનેજરે ઘુમ્મન પર પણ બેરીકેટ તોડવાનો આરોપ લગાવ્યો. મેનેજરે આ બાબતે નેશનલ હાઈવે ઓથોરિટીને જાણ કરી છે.

    - Advertisement -

    6 ઓગસ્ટના રોજ, આમ આદમી પાર્ટી (AAP)ના ધારાસભ્ય કરમબીર સિંહ ઘુમ્મન દ્વારા હોશિયારપુરના ચૌલાંગ ટોલ પ્લાઝા પર બળજબરીથી ટોલ બેરિયર્સ ખોલાવડાવાયા અને 20 વાહનોને કોઈપણ ટોલ ચૂકવ્યા વિના પસાર કરાવવામાં આવ્યા હતા.

    અહેવાલો મુજબ, કરમબીર સિંહ ઘુમ્મન, જે દસુહાના ધારાસભ્ય છે, ટોલ પ્લાઝા પર વીઆઈપી લેન કાર્યરત ન હોવાથી નારાજ થયા હતા, અને તેને પાર કરવા માટે તેમને એક મિનિટ રાહ જોવી પડી હતી. તેઓ કથિત રીતે તેમની કારમાંથી બહાર આવ્યા અને કર્મચારીઓને બેરિયર ખોલવાનો આદેશ આપ્યો હતો.

    જ્યારે ટોલ પ્લાઝાના કર્મચારીઓએ અવરોધ ખોલ્યો નહીં, ત્યારે તેમણે કથિત રીતે બેરીકેટ તોડી નાખ્યું હતું. સોશિયલ મીડિયા પર ફરતા સીસીટીવી વીડિયો ફૂટેજમાં ઘુમ્મન પ્લાઝાના કર્મચારીઓ સામે બેરીકેટ ખોલવા માટે દાદાગીરી કરતા જોઈ શકાય છે. તેમની સાથે આવેલા પોલીસ કર્મચારીઓ પણ કર્મચારીઓ પર બૂમો પાડી રહ્યા હતા.

    - Advertisement -

    AAP નેતા ઘુમ્મન 10 મિનિટ સુધી બેરિયરને પોતાના કબ્જામાં રાખ્યું અને ઓછામાં ઓછા 20 વાહનોને ટોલ આપ્યા વગર પસાર થવા દીધા હતા. જ્યારે ટોલ પ્લાઝાના કર્મચારીઓએ ઘુમ્મન પર ગુંડાગીરીનો આરોપ મૂક્યો હતો, ત્યારે ધારાસભ્યએ જણાવ્યું હતું કે તે બેરીકેટ ખોલવા માટે કોઈ કર્મચારી હાજર ન હતો, એટલે તેમણે કાર્યવાહી કરી હતી. તેમણે દાવો કર્યો કે ટોલ પ્લાઝાના કર્મચારીઓ VIP લેન ખોલતા નથી. “ભૂતકાળમાં ઘણી વખત, મારા સહયોગીઓએ વીઆઈપી લેન ખોલી છે કારણ કે કર્મચારીઓએ તે ખોલ્યું ન હતું. જો તેઓ VIP લેન ખોલશે નહીં, તો કોઈપણ ઉશ્કેરાશે. મીડિયામાં મારું નામ ફરતું થઈ રહ્યું છે કારણ કે હું ધારાસભ્ય છું.”

    ટોલ મેનેજરે ઘુમ્મન પર ટોલ બૂથ પર કબજો કરવાનો આરોપ લગાવ્યો હતો

    ચૌલાંગ ટોલ પ્લાઝાના મેનેજર મુબારક અલીએ ખુમાન પર તેના કર્મચારીઓ સાથે દુર્વ્યવહાર કરવાનો આરોપ લગાવ્યો હતો. તેમણે કહ્યું કે ધારાસભ્ય દ્વારા હરદીપ સિંહ નામના કર્મચારી સાથે દુર્વ્યવહાર કરવામાં આવ્યો હતો. ધારાસભ્યની સાથે આવેલા બંદૂકધારીઓ અને સહયોગીઓએ કથિત રીતે બૂથ પર કબજો જમાવ્યો હતો અને તેને ઘણી મિનિટો સુધી ખુલ્લો રાખ્યો હતો. મેનેજરે ઘુમ્મન પર પણ અવરોધ તોડવાનો આરોપ લગાવ્યો હતો. મેનેજરે આ બાબતે નેશનલ હાઈવે ઓથોરિટીને જાણ પણ કરી છે.

    - Advertisement -

    સંબંધિત લેખો

    - Advertisement -

    તાજા સમાચાર

    ચૂકશો નહીં