બિહારના ભોજપુર જીલ્લાના આરામાં પાકિસ્તાન સમર્થક નારા લગાવતા 5ની ધરપકડ કરવામાં આવી હોવાના અહેવાલો મળી રહ્યા છે, જીલ્લામાં યોજવામાં આવેલ બેડમિન્ટન પ્રતિયોગીતામાં જીત મળ્યા બાદ કેટલાક મુસ્લિમ યુવકોએ “પાકિસ્તાન ઝિંદાબાદ” ના નારા લગાવ્યા હતા, જેને લઈને ફરિયાદ દાખલ થતા 5 આરોપીઓની ધરપકડ કરવામાં આવી છે.
અહેવાલો મુજબ બિહારના આરામાં પાકિસ્તાન સમર્થક નારા લગાવતા મુસ્લિમ યુવકોનો એક વિડીયો સોશિયલ મીડિયામાં વાયરલ થયો હતો, આ ઘટના ભોજપુર જિલ્લાના ચાંડી પોલીસ સ્ટેશન વિસ્તારની હોવાની માહિતી મળી હતી, જ્યાં બેડમિન્ટન મેચ જીત્ય બાદ મુસ્લિમ યુવકોના એક ટોળાએ દેશ વિરોધી નારાઓ લગાવ્યા હતા, જે બાદ પોલીસે ફરિયાદ દાખલ કરીને મોહમ્મદ અરમાન, મોહમ્મદ તનવીર આલમ અને કલ્લુ ઉપરાંત સોનુ અને અન્ય બે આરોપીઓની ધરપકડ કરવામાં આવી છે.
बिहार में पाकिस्तान जिंदाबाद के लगे नारे, भोजपुर जिले में कुछ युवकों ने लगाए पाकिस्तान जिंदाबाद के नारे। #ViralVideo pic.twitter.com/0P3Zr3BzYK
— NBT Bihar (@NBTBihar) December 23, 2022
વિડીયો સોશિયલ મીડિયામાં વાયરલ
ઉલ્લેખનીય છે કે એક દિવસ પહેલા ઈન્ટરનેટ મીડિયા પર એક વીડિયો વાયરલ થયો હતો. વાયરલ વીડિયોમાં કેટલાક મુસ્લિમ યુવકો બેડમિન્ટન મેચ જીતવાની ઉજવણીમાં ટ્રોફી સાથે પાકિસ્તાન ઝિંદાબાદના નારા લગાવતા જોવા મળે છે. વાયરલ વીડિયો જિલ્લાના ચાંડી પોલીસ સ્ટેશન હેઠળના નરબીરપુર ટોલા, ચાંડી વિસ્તારનો જણાવવામાં આવી રહ્યો છે. વીડિયોમાં લગભગ 25 થી 30 મુસ્લિમ યુવકો રાત્રે સરઘસના રૂપમાં વિજેતાની ટ્રોફી લઈને જતા જોવા મળે છે. આગળ ચાલતા મુસ્લિમ યુવકો પાકિસ્તાન ઝિંદાબાદના નારા લગાવી રહ્યા છે. કેટલાક લોકો વીડિયો બનાવતા પણ જોવા મલી રહ્યા છે.
बिहार के आरा में ‘पाकिस्तान जिंदाबाद’ के नारे लगाते युवकों का वीडियो वायरल, पुलिस ने पांच को गिरफ्तार किया. pic.twitter.com/SpVI0s942L
— Asheesh Kumar Mishra (@Asheesh17604450) December 23, 2022
દેશભક્તોના ટોળાએ હિન્દુસ્તાન ઝિંદાબાદના નારા લગાડાવ્યા
પાકિસ્તાન ઝિંદાબાદના નારા લાગવાની ઘટનાનો વિડીયો વાયરલ થયા બાદ આ જ યુવકોનો અન્ય એક વીડિયો પણ ઈન્ટરનેટ મીડિયા પર વાયરલ થયો છે. આ વીડિયોમાં પાકિસ્તાન સમર્થક નારા લગાવનારા બે મુસ્લિમ યુવકોને પકડી લીધા બાદ દેશભક્તોની ભીડ તેમને હિન્દુસ્તાન ઝિંદાબાદ, પાકિસ્તાન મુર્દાબાદના નારા લગાવવા ફરજ પડતી જોવા મળી રહી છે. વાયરલ વીડિયો ચાંદીનો જણાવવામાં આવી રહ્યો છે. અંદાજે 40 થી 50 જેટલા લોકો બંને યુવકોને ઘેરીને બળજબરીપૂર્વક સૂત્રોચ્ચાર કરાવી રહ્યા છે. ઑપઈન્ડિયા ઉપરોક્ત વિડીયોની પુષ્ટિ નથી કરી રહ્યું.
बिहार के भोजपुर में दूसरा वीडियो भी वायरल ,भीड़ ने लगवाए हिन्दुस्तान जिंदाबाद के नारे, पकिस्तान जिंदाबाद के नारे लगाने वाले पांच आरोपित गिरफ्तार ,पढ़ें अपने जागरण मेंhttps://t.co/B33uvEHvps pic.twitter.com/YRERKqfzq4
— Deepak Singh (@deepakjagranara) December 23, 2022
એસપીએ કાર્યવાહીના આદેશ આપ્યા
આ વીડિયો વાયરલ થયા બાદ પોલીસ વિભાગ પણ એકશનમાં જોવા મળ્યું હતું. પોલીસે વાયરલ થયેલા વીડિયોની તપાસ શરૂ કર્યા બાદ વાયરલ વીડિયોમાં દેખાતા તમામ યુવકોની શોધ કરવા ચક્રો ગતિમાન કર્યા છે. આ વીડિયો સામે આવ્યા બાદ ચાંડી પોલીસ સ્ટેશને પણ આ મામલે તપાસ શરૂ કરી દીધી છે. વીડિયોમાં દેખાતા પાંચ યુવકોની ઓળખ કર્યા બાદ પોલીસે તેમની ધરપકડ કરી હતી. આ બાબતે ભોજપુરના એસપી સંજય સિંહે તપાસ અને એફઆઈઆરના આદેશ જારી કર્યા છે.
