અરબ સાગરમાં ઉઠેલું ચક્રવાતી વાવાઝોડું બિપરજોય સતત ભારત તરફ આગળ વધી રહ્યુ છે. તોફાનની ગંભીરતા જોઈ ગુજરાત સરકાર દ્વારા તટીય વિસ્તારમાં રહેતા 20 હજાર લોકોનું સુરક્ષિત સ્થળે સ્થળાંતર કરવામાં આવ્યું છે. તો બીજી તરફ આ કુદરતી આફતને પહોંચી વળવા NDRF અને SDRFની ટીમો ખડે પગે છે. આ બધા વચ્ચે બિપરજોય વાવાઝોડાથી પીડિત લોકોને રીવાબા જાડેજા ફૂડ પેકેટ પહોંચાડી રહ્યા છે.
ભારતીય હવામાન વિભાગના જણાવ્યા અનુસાર, બિપરજોય ગુરુવારે (15 જૂન, 2023) સાંજે ગુજરાતના જખૌ બંદરના દરિયાકાંઠે ટકરાશે. હવામાન વિભાગે આ વાવાઝોડાને લઈને ઓરેન્જ એલર્ટ જાહેર કર્યું છે. હવામાન વિભાગ દ્વારા તાજેતરના અપડેટમાં કહેવામાં આવ્યું છે કે ઉત્તર પૂર્વ દિશામાં ગુજરાતના દરિયાઈ તટ તરફ ફંટાયા પહેલા ચક્રવાતી તોફાન બિપરજોયની ગતિમાં થોડો ઘટાડો થયો છે.
Cyclone Warning for Saurashtra and Kutch Coasts: Orange Message.VSCS BIPARJOY at 1430IST of today about 300 km WSW of Devbhumi Dwarka, 330 km W of Porbandar, 320 km SW of Jakhau Port and 430 km S of Karachi .To cross near Jakhau Port (Gujarat) AROUND evening of 15th June as VSCS. pic.twitter.com/oY6pdR0lM3
— India Meteorological Department (@Indiametdept) June 13, 2023
આ પહેલા તેની ઝડપ 167 કિમી પ્રતિ કલાક હતી. પરંતુ હવે ઘટીને તે 157 કિમી પ્રતિ કલાકની થઈ ગઈ છે. જ્યારે તે ગુજરાતના દરિયાકાંઠે ટકરાશે ત્યારે તેની ઝડપ 120 કિમી પ્રતિ કલાકની રહેવાનો અંદાજ છે. હવામાન વિભાગનું કહેવું છે કે વાવાઝોડાથી ગુજરાતના કચ્છ, દ્વારકા, પોરબંદર, જામનગર, રાજકોટ, જૂનાગઢ અને મોરબીમાં નુકસાન થવાની શક્યતા છે.
ગુજરાત સરકારે અત્યાર સુધીમાં જૂનાગઢ જિલ્લામાંથી 500, કચ્છમાંથી 6,786, જામનગરના 1500, પોરબંદરના 546, દેવભૂમિ દ્વારકાના 4820, ગીર-સોમનાથના 408, મોરબીના 2000 અને રાજકોટમાંથી 4,031 લોકોને સુરક્ષિત સ્થળે ખસેડ્યા છે. રાહત કેન્દ્રોમાં હાજર લોકોને ભોજન અને દવાઓની પુરતી વ્યવસ્થા કરવામાં આવી છે. આ ઉપરાંત ગીરના જંગલોમાંથી 100 સિંહોને પણ સલામત સ્થળે ખસેડવામાં આવ્યા છે.
Cyclone Biparjoy | More than 20,000 people from the affected districts evacuated so far. Migration of 500 people in Junagadh district, 6,786 in Kutch, 1,500 in Jamnagar, 543 people in Porbandar, 4,820 in Dwarka, 408 in Gir-Somnath, 2,000 people in Morbi and 4,031 in Rajkot:…
— ANI (@ANI) June 13, 2023
કેન્દ્ર સરકારે રાજ્ય સરકારને કોઈ પણ પ્રતિકૂળ પરિસ્થિતિને પહોંચી વળવા માટે તૈયાર રહેવાનો નિર્દેશ આપ્યો છે. આ સાથે જ ગૃહમંત્રી અમિત શાહે રાષ્ટ્રીય રાજધાની દિલ્હીમાં રાજ્યો અને કેન્દ્ર શાસિત પ્રદેશોના ડિઝાસ્ટર મેનેજમેન્ટ વિભાગના મંત્રીઓ સાથે બેઠક કરી હતી. આ બેઠકની સાથે તેમણે ડિઝાસ્ટર મેનેજમેન્ટ વિભાગને બિપરજોયને પહોંચી વળવા 8000 કરોડ રૂપિયા આપવાની જાહેરાત કરી છે. આ રકમ ફાયર બ્રિગેડને આધુનિકરણથી લઈને લેન્ડ સ્લાઇડ્સ જેવી પરિસ્થિતિને પહોંચી વળવા માટે ખર્ચવામાં આવશે.
બિપરજોય વાવાઝોડાથી પીડિત લોકોને ફૂડ પેકેટ પહોંચાડી રહ્યા છે રીવાબા જાડેજા
નોંધનીય છે કે બિપરજોય વાવાઝોડાથી પીડિત લોકોને રીવાબા જાડેજા ફૂડ પેકેટ પહોંચાડી રહ્યા છે. જામનગર ઉત્તર ભાગના ભાજપના ધારાસભ્ય રીવાબાએ પોતે ટ્વિટર પર કેટલાક ફોટા શેર કર્યા હતા. આ તસવીરોમાં તેઓ ફૂડ પેકેટ્સ તૈયાર કરતા જોવા મળી રહ્યા છે.
આદરણીય વડાપ્રધાન શ્રી @narendramodi જીએ આપેલી સેવાની સંસ્કૃતિ પ્રમાણે હું અને મારી ટીમ દિવસરાત કાર્યરત છીએ. 10 હજારથી વધારે ફૂડ પેકેટ્સ તૈયાર કરાવી રહી છું, જેથી ચક્રવાત દરમિયાન નીચાણવાળા વિસ્તારોમાં કોઈને પણ અન્ન કે જળ વિના ના રહેવું પડે. pic.twitter.com/9LHeQElt1a
— Rivaba Ravindrasinh Jadeja (@Rivaba4BJP) June 12, 2023
આ ફોટા શેર કરતા રીવાબાએ લખ્યું કે, “હું અને મારી ટીમ માનનીય વડાપ્રધાન શ્રી નરેન્દ્ર મોદીએ આપેલી સેવા સંસ્કૃતિ મુજબ દિવસ-રાત કામ કરી રહ્યા છીએ. વાવાઝોડા દરમિયાન નીચાણવાળા વિસ્તારોમાં કોઇને પણ ખોરાક કે પાણી વગર રહેવું ન પડે તે માટે હું 10 હજારથી વધુ ફૂડ પેકેટ તૈયાર કરાવી રહી છું.”
