ઉત્તર પ્રદેશના દેવબંદમાં 13 વર્ષના મદરેસા વિદ્યાર્થી પર બળાત્કાર કરીને તેની હત્યા કરવામાં આવી હતી. વિદ્યાર્થી સાથે અભ્યાસ કરતા અન્ય વિદ્યાર્થીએ તેની હત્યા કરી હતી. આરોપીઓએ મૃતક વિદ્યાર્થિનું બળાત્કારનું કૃત્ય સામે આવશે તેવા ડરથી તેની હત્યા કરી હતી. પોલીસે આરોપીની ધરપકડ કરી લીધી છે.
મીડિયા રિપોર્ટ્સ અનુસાર, ઘટના દેવબંદ પોલીસ સ્ટેશન વિસ્તાર હેઠળના ગામ સાંપલાની છે. અહીં એક 13 વર્ષના મદરેસા વિદ્યાર્થી, બાળકની લાશ ખેતરમાં પડેલી મળી આવી છે. ઘટનાની જાણ થતા જ પોલીસ ઘટના સ્થળે પહોંચી ગઈ હતી. પોલીસે મૃતદેહનો કબજો લઈ પોસ્ટમોર્ટમ માટે મોકલી આપ્યો હતો. આ ઘટનામાં કેટલાક મીડિયા રિપોર્ટ્સમાં એવું પણ કહેવામાં આવી રહ્યું છે કે મૃતક સાથે દુષ્કર્મ કરવામાં આવ્યું હતું. પરંતુ હજુ સુધી તેની સત્તાવાર પુષ્ટિ થઈ નથી.
સહારનપુર પોલીસના SSP વિપિન ટાડાના જણાવ્યા અનુસાર, મૃતક એક દિવસ પહેલા 29 જાન્યુઆરીએ મદરેસામાંથી અભ્યાસ કરીને ઘરે પરત ફરી રહ્યો હતો. મોડી રાત સુધી તે ઘરે ન પહોંચતા સંબંધીઓએ તેની શોધખોળ શરૂ કરી હતી. એસએસપીના જણાવ્યા અનુસાર બીજા દિવસે બાળકનો મૃતદેહ મળી આવ્યો હતો.
#SaharanpurPolice#PoliceAction #बाईट
— Saharanpur Police (@saharanpurpol) January 31, 2023
➡️#थाना_देवबंद क्षेत्रान्तर्गत स्थित ग्राम सापला में कल शाम से गायब मदरसा छात्र का शव मिला है जिसमें पुलिस को मिले अभियुक्तों के खिलाफ साक्ष्यों के सम्बन्ध में #SSP_SRR द्वारा दी गई बाईट‼️@UPPolice@dgpup@igrangemeerut@CMOfficeUP@UPGovt pic.twitter.com/Ua8cnJgP4s
પોલીસે ઘટનાસ્થળેથી પુરાવા એકત્ર કર્યા છે. સીસીટીવી ફૂટેજ અને અન્ય પુરાવાના આધારે તપાસ કરી રહી છે. સીસીટીવી ફૂટેજમાં બાળક ગુમ થતા પહેલા તેના કેટલાક સાથીઓ સાથે મદરેસામાંથી પરત ફરતો જોવા મળે છે.
એસએસપીએ જણાવ્યું કે મૃત વિદ્યાર્થીની સાથે પરત ફરી રહેલા અન્ય બાળકોની પૂછપરછમાં એક શંકાસ્પદ વ્યક્તિ સામે આવી છે. તે શંકાસ્પદને કસ્ટડીમાં લઈ તપાસ ચાલુ કરી હતી. બાળક સાથે દુષ્કર્મના સવાલ પર એસએસપી વિપિન ટાડાએ કહ્યું કે જ્યારે મૃતદેહ મળી આવ્યો ત્યારે તેની નીચે કોઈ કપડા નહોતા. જેના કારણે તેની સાથે દુષ્કર્મની આશંકા છે. કોઈ જૂની અદાવતનો ખુલાસો ન થયો હોવાની માહિતી આપતા પોલીસે મૃતકના એક સાથીદારની સંડોવણીનો નિર્દેશ કર્યો છે.
આરોપી વિદ્યાર્થીએ પોલીસને જણાવ્યું કે તેણે પહેલા 13 વર્ષની સગીર વિદ્યાર્થી સાથે બળાત્કાર કર્યો. જે બાદ તેને પકડાઈ જવાનો ડર હતો. તેણે છરી કાઢી અને તેનાથી વિદ્યાર્થીનું ગળું કાપી નાખ્યું. મૃતક અને આરોપી એક જ મદરેસાના વિદ્યાર્થીઓ હતા. પોલીસે આરોપીની ધરપકડ કરી લીધી છે.
દેવબંદના સરપંચ સંગઠનના જનરલ સેક્રેટરી અને માનકી ગામના સરપંચ મામુર હસનના જણાવ્યા અનુસાર, મૃતક વિદ્યાર્થી સ્થાનિક મસ્જિદના ઈમામનો પુત્ર હતો. OpIndia સાથે વાત કરતા મામુર હસને કહ્યું કે મૃતક અને હત્યારા બંને વિદ્યાર્થીઓ એક જ ગામના અને એક જ મદરેસાના વિદ્યાર્થીઓ હતા. આરોપી વિદ્યાર્થી મૃતકનો સિનિયર છે. મામુરના જણાવ્યા અનુસાર, મૃતક અને આરોપી સાંપલા ગામમાં મદરેસા રહીમિયાના વિદ્યાર્થીઓ હતા. આ મદરેસા એક સમિતિ દ્વારા ચલાવવામાં આવે છે.
