Saturday, April 13, 2024
More
    હોમપેજરાજકારણકૉંગ્રેસ MCD ઉમેદવારના પિતા અને પૂર્વ કોંગ્રેસ ધારાસભ્ય આસિફ ખાને શાહીન બાગમાં...

    કૉંગ્રેસ MCD ઉમેદવારના પિતા અને પૂર્વ કોંગ્રેસ ધારાસભ્ય આસિફ ખાને શાહીન બાગમાં પોલીસ સાથે કર્યું ગેરવર્તન: FIR બાદ થઇ ધરપકડ

    શાહીન બાગના રહેવાસી પૂર્વ કોંગ્રેસ ધારાસભ્ય આસિફ ખાન તૈયબ મસ્જિદની સામે એક જાહેર સભાને સંબોધિત કરી રહ્યા હતા. ત્યારે તેમણે સબ ઈન્સ્પેક્ટર અક્ષય સાથે ગેરવર્તણૂક કરી, જેમણે આસિફ પાસે જઈને સભા વિશે પૂછપરછ કરી હતી.

    - Advertisement -

    દિલ્હી પોલીસે શુક્રવાર, 25 નવેમ્બર, 2022 ના રોજ, કોંગ્રેસના MCD ઉમેદવાર શ્રીમતી અરીબા ખાનના પિતા આસિફ મોહમ્મદ ખાન વિરુદ્ધ શાહીન બાગ તૈયબ મસ્જિદની સામે ફરજ પરના પોલીસકર્મી સાથે ગેરવર્તણૂક અને મારપીટ કરવા બદલ કેસ દાખલ કર્યો હતો અને બાદમાં તેમની ધરપકડ પણ કરી હતી.

    દિલ્હી પોલીસના જણાવ્યા અનુસાર, શાહીન બાગના રહેવાસી પૂર્વ કોંગ્રેસ MLA આસિફ ખાન પોર્ટેબલ સ્પીકરનો ઉપયોગ કરીને તૈયબ મસ્જિદની સામે એક જાહેર સભાને સંબોધિત કરી રહ્યા હતા. જ્યાં તેમણે સબ ઇન્સ્પેક્ટર અક્ષય સાથે ગેરવર્તન કર્યું હતું, જેમણે આસિફ પાસે જઈને સભા વિશે પૂછપરછ કરી હતી.

    “25 નવેમ્બરના રોજ એક પોલીસ કર્મચારી, સબ ઇન્સ્પેક્ટર અક્ષયે વિસ્તારમાં પેટ્રોલિંગ દરમિયાન તૈયબ મસ્જિદની સામે લગભગ 20-30 લોકોનો મેળાવડો જોયો. પોલીસકર્મી સભાની નજીક તૈયબ મસ્જિદની સામે પહોંચ્યો, જ્યાં આસિફ મોહમ્મદ ખાન, (કોંગ્રેસના MCD કાઉન્સિલર ઉમેદવાર અરીબા ખાનના પિતા) થોકર નંબર 9, શાહીન બાગ, દિલ્હીના રહેવાસી તેમના સમર્થકો સાથે તૈયબ મસ્જિદની સામે હાજર હતા અને પોર્ટેબલ સ્પીકરનો ઉપયોગ કરીને સભાને સંબોધિત કરી રહ્યા હતા,” દિલ્હી પોલીસે જણાવ્યું હતું.

    - Advertisement -

    “જ્યારે ફરજ પરના પોલીસ કર્મચારીઓએ આસિફ મોહમ્મદ ખાનને ભીડ ભેગી કરવા અંગે ચૂંટણી પંચની પરવાનગી માટે પૂછ્યું. આ સાંભળીને આસિફ મોહમ્મદ ખાન આક્રમક થઈ ગયા અને પોલીસ સાથે ગેરવર્તન કરવા લાગ્યા. આસિફ મોહમ્મદ ખાને અપશબ્દોનો ઉપયોગ કર્યો અને ફરજ પરના પોલીસકર્મી સાથે ગેરવર્તણૂક અને મારપીટ કરી,” પોલીસે ઉમેર્યું.

    સબ ઈન્સ્પેક્ટર અક્ષયે આરોપી વિરુદ્ધ શાહીન બાગ પોલીસ સ્ટેશનમાં ફરિયાદ કરી છે. દિલ્હી પોલીસે ફરિયાદી પોલીસ કર્મચારી અક્ષયની ફરિયાદના આધારે આસિફ ખાન વિરુદ્ધ ભારતીય દંડ સંહિતા (IPC)ની 186/353 કલમો હેઠળ ફરિયાદ નોંધી છે. આ મામલે પોલીસ તપાસ ચાલી રહી છે. તાજા અહેવાલો મુજબ તેમની ધરપકડ પણ કરવામાં આવી છે.

    - Advertisement -

    સંબંધિત લેખો

    - Advertisement -

    તાજા સમાચાર

    ચૂકશો નહીં