Thursday, April 25, 2024
More
    હોમપેજરાજકારણ'મેં કંઈ ખોટું કર્યું નથી': વૈજ્ઞાનિક આનંદ રંગનાથને ભીમા-કોરેગાંવ અર્બન નક્સલીઓ સાથે...

    ‘મેં કંઈ ખોટું કર્યું નથી’: વૈજ્ઞાનિક આનંદ રંગનાથને ભીમા-કોરેગાંવ અર્બન નક્સલીઓ સાથે સંબંધિત કોર્ટની અવમાનના કેસમાં માફી માંગવાનો ઇનકાર કર્યો

    "છેલ્લા 4 વર્ષથી આ કેસ ચાલી રહ્યો છે પરંતુ આ મામલે કોઈ નોટિસ કે સમન્સ મળ્યા નથી. હું ફરી કહું છું કે, મેં કંઈ ખોટું કર્યું નથી અને હું કોર્ટના અપરાધિક અવમાનના આરોપનો વિરોધ કરું છું."

    - Advertisement -

    વૈજ્ઞાનિક અને લેખક ડૉ આનંદ રંગનાથને જસ્ટિસ એસ મુરલીધર વિરુદ્ધ કરેલી ટિપ્પણી બદલ દિલ્હી હાઈકોર્ટમાં માફી માંગવાનો ઈન્કાર કરી દીધો છે. હકીકતમાં, વર્ષ 2018માં જસ્ટિસ એસ મુરલીધરે અર્બન નક્સલ અને ભીમા કોરેગાંવ હિંસા કેસના આરોપી ગૌતમ નવલખાને જામીન આપ્યા હતા. આના પર આનંદ રંગનાથને ટ્વિટ કરીને જજ પર ‘પક્ષપાતી’ હોવાનો આરોપ લગાવ્યો હતો.

    હકીકતમાં, અવમાનના કેસમાં, કોર્ટે ફિલ્મ નિર્માતા વિવેક અગ્નિહોત્રી, ન્યૂઝ પોર્ટલ સ્વરાજ્ય અને આનંદ રંગનાથન વિરુદ્ધ કાનૂની કાર્યવાહી કરવાનો નિર્દેશ આપ્યો હતો. આ પછી હવે આનંદ રંગનાથને નિવેદન આપીને કહ્યું છે કે તેમણે કંઈ ખોટું કર્યું નથી. તેથી, તેઓ માફી માંગશે નહીં.

    આનંદ રંગનાથને કહ્યું, “ઓક્ટોબર 2018માં ગૌતમ નવલખાને હાઈકોર્ટના જજ દ્વારા રાહત આપવામાં આવી હતી. એસ ગુરુમૂર્તિ અને વિવેક અગ્નિહોત્રીએ ન્યાયાધીશની કાર્યવાહીની ટીકા કરી હતી. આ બંને સામે કોર્ટના અપરાધિક અવમાનનો કેસ દાખલ કરવામાં આવ્યો હતો. તેમની દલીલોની યોગ્યતા અથવા ન્યાયાધીશોની દલીલો પર ટિપ્પણી કર્યા વિના, મેં ટ્વિટ કર્યું, ‘હું તેમની સાથે છું’ અને પૂછ્યું, ‘અસંમતિને લોકશાહીના સલામતી વાલ્વ કહેવાનું શું થયું?’ (જોગાનુજોગ આ વાક્ય સૌપ્રથમ ભારતની સર્વોચ્ચ અદાલતે ઉચ્ચાર્યું હતું જ્યારે નવલખાની ધરપકડ કરવામાં આવી હતી.)”

    - Advertisement -

    તેમણે એમ પણ કહ્યું, “હું તેમની સાથે ઉભો છું એટલા માટે કે હું અભિવ્યક્તિની સ્વતંત્રતાને સમર્થન આપું છું એટલું જ નહીં પણ હું મૂળભૂત રીતે કોર્ટની અવમાનના આરોપનો વિરોધ કરું છું. આ જ કારણ છે કે હું પણ જાહેરમાં તે દુષ્ટ પ્રશાંત ભૂષણની પડખે ઉભો રહ્યો છું. ભલે હું સુપ્રીમ કોર્ટના જજ અને તેમના નિર્ણય અંગે પ્રશાંત ભૂષણના અભિપ્રાય સાથે સંપૂર્ણપણે અસંમત છું.”

    રંગનાથને કોર્ટને એમ પણ કહ્યું હતું કે, “મારી એ બે ટ્વીટ્સ માટે, કે જેને ટ્વિટર દ્વારા એકપક્ષીય રીતે બ્લોક કરવામાં આવી હતી, મને ફોજદારી અવમાનના કેસમાં પક્ષકાર બનાવવામાં આવ્યો હતો. આ કેસમાં હવે 4 વર્ષથી વધુ સમય વીતી ગયો છે. તે પછી એસ ગુરુમૂર્તિએ, જેમને મેં સમર્થન આપ્યું હતું, માફી માંગી. મેં પણ વિવેક અગ્નિહોત્રીને સમર્થન આપ્યું હતું, તેમણે આજે (6 ડિસેમ્બર, 2022) માફી માંગી છે. પણ, હું માફી નહિ માંગીશ.”

    ડો. આનંદ રંગનાથને, કે જે તેમના સ્પષ્ટવક્તા મંતવ્યો માટે જાણીતા, જણાવ્યું હતું કે, “છેલ્લા 4 વર્ષથી કેસ ચાલી રહ્યો છે પરંતુ આ બાબતે કોઈ નોટિસ કે સમન્સ પ્રાપ્ત થયા નથી. હું ફરીથી કહું છું, મેં કંઈ ખોટું કર્યું નથી અને હું કોર્ટના ફોજદારી અવમાનના આરોપનો વિરોધ કરવાનું ચાલુ રાખું છું અને હું સ્પષ્ટવક્તા છું અને નિરંકુશ શાસનનો હિમાયતી છું તેથી હું માફી માંગીશ નહીં. મેં એક વાર ટિપ્પણી કરી હતી કે, જો હું અત્યારે જેલમાં નથી તો તેનું કારણ એ છે કે રાજ્ય (સરકાર) એ નક્કી કર્યું છે કે મારે જેલમાં જવાની જરૂર નથી. સંભવતઃ, રાજ્ય (સરકાર) કોઈ અન્ય નિર્ણય લેવાની તૈયારીમાં છે. તો તેમ જ થશે.”

    શું છે મામલો…

    હકીકતમાં, વર્ષ 2018માં જસ્ટિસ એસ મુરલીધરે અર્બન નક્સલ અને ભીમા કોરેગાંવ હિંસા કેસના આરોપી ગૌતમ નવલખાને જામીન આપ્યા હતા. આ પછી, દેશ કપૂરનો દ્રષ્ટિકોણ નામની વેબસાઇટ માટે એક લેખ હતો. આ લેખમાં તેમણે જસ્ટિસ મુરલીધર પર પક્ષપાતી હોવાનો આરોપ લગાવ્યો હતો. આ લેખને આનંદ રંગનાથન દ્વારા રીટ્વીટ કરીને (તેમજ અન્યો) દ્વારા સમર્થન આપવામાં આવ્યું હતું. આના પર, કોર્ટે, સુઓ મોટો સંજ્ઞાન લેતા, કોર્ટની અવમાનનાનો આરોપ લગાવતો કેસ નોંધવાનો નિર્દેશ આપ્યો હતો.

    - Advertisement -

    સંબંધિત લેખો

    - Advertisement -

    તાજા સમાચાર

    ચૂકશો નહીં