ઉત્તર પ્રદેશના રામપુર સદર, જે અત્યાર સુધી સમાજવાદી પાર્ટીના આઝમ ખાનના ગઢ તરીકે ઓળખાતું હતું, ત્યાં મોટી ઉથલપાથલ જોવા મળી છે. સમાચાર આવી રહ્યા છે કે 70 વર્ષમાં યોજાયેલી 20 વિધાનસભા ચૂંટણીઓ બાદ પહેલીવાર આ વિસ્તારને હિંદુ ધારાસભ્ય મળ્યો છે. રામપુરમાં ભાજપના ઉમેદવાર આકાશ સક્સેના 34112ના માર્જીનથી જીત્યા છે.
અત્યાર સુધી રામપુર સદર વિધાનસભા સીટ આઝમ ખાનનો ગઢ માનવામાં આવે છે. આ બેઠક પર હમણાં સુધી 18 ચૂંટણી અને બે પેટાચૂંટણી થઈ છે. આ ચૂંટણીઓમાં આઝમ ખાન 10 વખત જીત્યા છે અને એક પેટાચૂંટણીમાં તેમની પત્ની ડૉ.તાઝીન ફાતમા જીત્યા છે. આ બેઠક પર યોજાયેલી 20મી ચૂંટણીમાં ભાજપનો વિજય થયો છે.
रामपुर में आजादी के बाद पहली बार कोई गैर मुस्लिम विधायक बना है ,आज़म खान के साम्राज्य को जड़ से उखाड़ने वाले और जेल पहुँचाने वाले आकाश सक्सेना जी को जीत की बहुत बहुत बधाई ,रामपुर आज आजाद हो गया ।💥✌️🙌🎆🎇#UPBypoll2022Results https://t.co/id1ZNAOscK
— Amit Yadav (@amityadavamit) December 8, 2022
આ પરિણામો જોઈને સપાના ઉમેદવાર અસીમ રાજા ખૂબ જ નારાજ દેખાઈ રહ્યા હતા. મીડિયા સાથે વાત કરતા તેમણે કહ્યું કે રામપુર ચૂંટણીમાં 70 ટકા વોટ લૂંટાયા હતા. આનંદી ટીવી યુપીના જણાવ્યા અનુસાર, તેમણે પોતાની હાર માટે રામપુર પોલીસને જવાબદાર ઠેરવી હતી. તેમણે કહ્યું કે “પોલીસના માણસોએ દંડાના જોર પર લોકોને મતદાન કરતા રોક્યા હતા.”
रामपुर : भाजपा प्रत्याशी आकाश सक्सेना की जीत निश्चित सपा प्रत्याशी आसीम राजा ने कहा हम हारे तो रामपुर पुलिस को यह जीत मुबारक।
— Anaadi TV UP (@anaadi_up) December 8, 2022
खाकी के लोगो ने दंडडो से वोटरों को वोट डालने नही दजिये है।
रामपुर पुलिस ने कैप्चर किया चुनाव। #Rampur @samajwadiparty @yadavakhilesh pic.twitter.com/Dnoqj47Gzb
રામપુર સદરમાં પેટાચૂંટણી, 2019 ના હેટ સ્પીચ કેસમાં દોષિત જાહેર થયા બાદ એસપી ધારાસભ્ય અને પાર્ટીના મજબૂત નેતા આઝમ ખાનને ગેરલાયક ઠેરવવાને કારણે જરૂરી બની હતી.
રામપુરની જીત ભાજપ માટે મોટી જીત છે, જ્યાં મોટી સંખ્યામાં મુસ્લિમ વસ્તી છે. બીજેપી ક્યારેય આ સીટ જીતી શકી ન હતી, જ્યારે આઝમ ખાન અને તેમના પરિવારના સભ્યો 2002 થી સતત જીતી રહ્યા છે. આઝમ ખાને પોતે 1980 અને 1993 ની વચ્ચે વિવિધ પક્ષો દ્વારા ટિકિટ પર આ સીટ જીતી હતી.
આમ લગભગ 70 વર્ષ અને 20 ચૂંટણીઓ બાદ ઉત્તરપ્રદેશના આ રામપુર સદર ક્ષેત્રને આકાશ સક્સેનાના રૂપમાં પહેલા હિન્દૂ અને પહેલા ભાજપ ધારાસભ્ય મળ્યા છે. નોંધનીય છે કે આકાશ સક્સેના યુપીના મુખ્યમંત્રી યોગી આદિત્યનાથના નજીકના લોકોમાંથી એક છે.
