ભારત-ઓસ્ટ્રેલિયા વચ્ચે અમદાવાદના મોદી સ્ટેડિયમમાં રમાઈ રહેલી વર્લ્ડ કપની ફાઇનલ મેચ દરમિયાન કોમેન્ટ્રી કરતી વખતે પૂર્વ ક્રિકેટર અને આમ આદમી પાર્ટી સાંસદ હરભજન સિંઘે 2 ક્રિકેટરોની પત્નીઓ વિશે એવી ટિપ્પણી કરી કે સોશિયલ મીડિયા પર ટ્રોલિંગનો સામનો કરવો પડ્યો હતો.
ટીમ ઈન્ડિયાની બેટિંગ દરમિયાન વિરાટ કોહલી અને કેએલ રાહુલ ક્રીઝ પર હતા ત્યારે કેમેરો સ્ટેન્ડમાં બેઠેલી તેમની પત્નીઓ અનુષ્કા શર્મા અને આથિયા શેટ્ટી પર ફર્યો હતો. ત્યારે હિન્દી કોમેન્ટ્રી કરતા જતિન સપ્રૂએ હરભજન સિંઘને કહ્યું કે, તેઓ બંને વિચારતાં હશે કે બંનેના પતિ જ્યાં સુધી ક્રીઝ પર રહે ત્યાં સુધી તેઓ બંને પણ સાથે જ બેઠાં રહેશે. જેની ઉપર હરભજન સિંઘે ટિપ્પણી કરી હતી.
@harbhajan_singh What do you mean that the ladies understand cricket or not?? Please apologise immediately. @AnushkaSharma@theathiyashetty@klrahul@imVkohli#INDvsAUSfinal #INDvAUS #ICCWorldCupFinal pic.twitter.com/8gKlG8WvJP
— Arunodaya Singh (@ArunodayaSingh3) November 19, 2023
પૂર્વ ક્રિકેટરે કહ્યું કે, “હું એ જ વિચારતો હતો કે વાત ક્રિકેટની થતી હશે કે ફિલ્મોની….કારણ કે ક્રિકેટ વિશે મને લાગતું નથી કે એટલી સમજ હશે.” ઉલ્લેખનીય છે કે બૉલીવુડ અભિનેત્રી અનુષ્કા શર્મા વિરાટ કોહલીની પત્ની છે, જ્યારે સુનિલ શેટ્ટીની પુત્રી આથિયા શેટ્ટી કેએલ રાહુલ સાથે પરણી છે.
આ ટિપ્પણીઓ બાદ સોશિયલ મીડિયા પર તેની ખાસ્સી ચર્ચા થઈ રહી છે અને લોકો હરભજન સિંઘની ટીકા કરી રહ્યા છે. ઘણાએ તેને સ્ત્રીવિરોધી ટિપ્પણીઓ ગણાવી હતી.
અમુક લોકોએ એમ પણ કહ્યું કે, હરભજન સિંઘ કોમેન્ટ્રીનો ભાગ જ ન હોવા જોઈએ.
Harbhajan Singh shouldn’t be part of commentary. He is misogynist. @harbhajan_singh
— Dee ♥️ (@deeptantalizing) November 19, 2023
apologise immediately. @AnushkaSharma@theathiyashetty@klrahul@imVkohli pic.twitter.com/2yQOZvV7CR
અન્ય લોકોએ પણ આ ક્લિપ પોસ્ટ કરીને ક્રિકેટરની આ ટિપ્પણીઓ બદલ ટીકા કરી હતી.
Harbhajan Singh has nothing but the audacity wdym athiya and Anushka are talking and this man has the audacity to say cricket ki samjh kitni hogi pta nhi movies ke baare mein baat kr rhe honge WHAT THE FUCK IS WRONG
— icedmocha coffee (@RIVERROADHABIT) November 19, 2023
“I don’t think they are discussing Cricket, I doubt they know much about it”
— Shashank Shekhar Jha (@shashank_ssj) November 19, 2023
– @harbhajan_singh made this sexist comment against Anushka & Athiya pic.twitter.com/MN1JWZ2M9c
વાત મેચની કરવામાં આવે તો ટોસ હાર્યા બાદ પ્રથમ બેટિંગ કરતાં ભારતીય ટીમે 50 ઓવરમાં 10 વિકેટના નુકસાને 240 રન કર્યા હતા. ભારત તરફથી કેએલ રાહુલ અને વિરાટ કોહલીએ અર્ધશતક કરી હતી. કેપ્ટન રોહિત શર્માએ પણ 47 રન બનાવ્યા. શ્રેયસ ઐયર અને શુભમન ગિલ ખાસ કમાલ ન કરી શક્યા અને 4-4 રન પર આઉટ થઈ ગયા હતા. આ સિવાય સૂર્યકુમાર યાદવ અને રવિન્દ્ર જાડેજાએ પણ અનુક્રમે 18 અને 9 રન કર્યા હતા.
ઓસ્ટ્રેલિયા તરફથી મિચેલ સ્ટાર્કે 3 વિકેટ ખેરવી હતી. આ ઉપરાંત, હેઝલવૂડ અને કૅપ્ટન કમિન્સે પણ 2-2 વિકેટ મેળવી હતી. 1-1 વિકેટ ઝમ્પા અને મેક્સવેલને મળી હતી.
