બોલિવૂડ અભિનેતા શાહરૂખ ખાન જે એક એવોર્ડ ઈવેન્ટ માટે યુએઈના શારજાહમાં હતો તે મુંબઈ પરત ફર્યા હતા અને કસ્ટમ અધિકારીઓ દ્વારા એરપોર્ટ પર રોકાયા હતા. એર ઈન્ટેલિજન્સ યુનિટ (AIU)ના સૂત્રોના જણાવ્યા અનુસાર, બોલિવૂડ સ્ટાર પાસે 18 લાખ રૂપિયાની મોંઘી ઘડિયાળોના કવર હતા જેના માટે તેણે 6.83 લાખ કસ્ટમ ડ્યુટી ચૂકવવી પડી હતી. શાહરૂખ ખાને અધિકારીઓને સહકાર આપવો પડ્યો હતો.
શાહરૂખ ખાન 41મા શારજાહ ઈન્ટરનેશનલ બુક ફેર (SIBF)માં ભાગ લેવા શારજાહમાં હતા. સિનેમા અને સંસ્કૃતિના આંતરરાષ્ટ્રીય આઇકન તરીકેના યોગદાન બદલ તેમને ગ્લોબલ આઇકોન ઓફ સિનેમા એન્ડ કલ્ચરલ નેરેટિવ એવોર્ડથી સન્માનિત કરવામાં આવ્યા હતા. આ કાર્યક્રમમાં મોટી સંખ્યામાં તેમના ચાહકોએ હાજરી આપી હતી અને વીડિયો અને તસવીરો હવે ઓનલાઈન સામે આવવા લાગી છે.
#BREAKING: मुंबई एयरपोर्ट पर रोके गए थे Shahrukh Khan, Custom Duty देने के बाद Shahrukh Khan को छोड़ा गया..#ShahrukhKhan #MumbaiAirport #newsindia @iamsrk @Anchor_Charul pic.twitter.com/l7ooWcsB5w
— News India (@newsindia24x7_) November 12, 2022
જોકે, પૂછપરછ બાદ શાહરૂખ ખાને એજન્સીઓને કસ્ટમ ડ્યુટી ચૂકવી હતી અને સવારે 5 વાગ્યે પેનલ્ટી તરીકે કસ્ટમ ડ્યુટી ચૂકવવામાં આવી હતી. જે બાદ કિંગ ખાન અને તેના મેનેજરને જવાની પરવાનગી આપવામાં આવી હતી.
ઉલ્લેખનીય છે કે, શાહરૂખ ખાન તેની ટીમ સાથે દુબઈમાં એક ઈવેન્ટમાં હાજરી આપવા માટે ખાનગી ચાર્ટર દ્વારા ગયા હતા. જ્યારે તેઓ આ પ્રાઈવેટ ચાર્ટર પ્લેનમાંથી પરત આવ્યા ત્યારે તેમને ચેકિંગ માટે રોકવામાં આવ્યા હતા. જે બાદ તપાસમાં કસ્ટમ અધિકારીઓને શાહરૂખ ખાન અને તેની ટીમની બેગમાંથી લાખો રૂપિયાની ઘડિયાળો મળી આવી હતી. જે બાદ કસ્ટમે તમામ સામાનની રોકીને તપાસ કરી હતી.
કસ્ટમ અધિકારીએ તપાસ કરતાં બેગમાંથી Babun & Zurbk ઘડિયાળો, Rolex ઘડિયાળના 6 બોક્સ, Spirit બ્રાન્ડની ઘડિયાળો, એપલ સિરીઝની ઘડિયાળો જેવી અનેક મોંઘી ઘડિયાળો મળી આવી હતી. તે જ સમયે, જ્યારે અધિકારીઓએ ઘડિયાળોનું મૂલ્યાંકન કર્યું, ત્યારે તમામ ઘડિયાળો પર 17 લાખ 56 હજાર 500 રૂપિયાની કસ્ટમ ડ્યુટી કરવામાં આવી હતી.
SRKના બોડીગાર્ડે દંડ ચૂકવ્યો
નોંધનીય છે કે શાહરૂખ ખાનના બોડી ગાર્ડ રવિએ 6 લાખ 83 હજાર રૂપિયાનો કસ્ટમનો દંડ ચૂકવ્યો હતો. જેનું બિલ શાહરૂખ ખાનના બોડી ગાર્ડ રવિના નામે બનેલું છે.
જો કે સૂત્રોના જણાવ્યા અનુસાર આ પૈસા શાહરૂખ ખાનના ક્રેડિટ કાર્ડથી ચૂકવવામાં આવ્યા છે. પુગલ અને કસ્ટમના આસિસ્ટન્ટ કમિશનર યુદ્ધવીર યાદવે આ સમગ્ર કાર્યવાહી કરી હતી. આ પછી, કસ્ટમે સવારે 8 વાગ્યે શાહરૂખ ખાનના બોડીગાર્ડ રવિને છોડી દીધો.
