રણબીર કપૂર અને આલિયા ભટ્ટ સ્ટારર ફિલ્મ ‘બ્રહ્માસ્ત્ર’ આખરે આજે દેશભરના થીયેટરોમાં રિલીઝ થઇ ગઈ છે. જોકે, જે પ્રકારે ફિલ્મનો પ્રચાર કરવામાં આવ્યો હતો તેવી ફિલ્મ ન હોવાનું લાગી રહ્યું છે. કારણ કે એક તરફ ફિલ્મ ક્રિટીક્સ દ્વારા પણ ફિલ્મને નિરાશાજનક ગણાવવામાં આવી છે તો બીજી તરફ દર્શકોએ પણ ફિલ્મ વિશે નકારાત્મક પ્રતિક્રિયા આપી છે.
જાણીતા ફિલ્મ ક્રિટીક અને ટ્રેન્ડ એનાલિસ્ટ તરન આદર્શે આ ફિલ્મને નિરાશાજનક ગણાવી છે. તેમણે ફિલ્મને પાંચમાંથી 2 સ્ટાર આપ્યા છે. તરન આદર્શ લખે છે કે, “બ્રહ્માસ્ત્રમાં વીએફએક્સનો ઉપયોગ બહુ કરવામાં આવ્યો છે પરંતુ વાર્તાની દ્રષ્ટિએ ફિલ્મ નબળી સાબિત થાય છે. તેમણે કહ્યું કે, આ ફિલ્મ ગેમચેન્જર સાબિત થઇ શકે તેમ હતી પરંતુ તેણે તક ગુમાવી દીધી છે.”
#OneWordReview…#Brahmāstra: DISAPPOINTING.
— taran adarsh (@taran_adarsh) September 9, 2022
Rating: ⭐⭐#Brahmāstra is a king-sized disappointment… High on VFX, low on content [second half nosedives]… #Brahmāstra could’ve been a game changer, but, alas, it’s a missed opportunity… All gloss, no soul. #BrahmāstraReview pic.twitter.com/5EOKJrtbiY
આ સિવાય સોશિયલ મીડિયા પર બ્રહ્માસ્ત્ર જોઈને આવેલા મોટાભાગના યુઝરોએ પણ ફિલ્મને વખોડી કાઢી છે. એક યુઝરે દોઢ સ્ટાર આપતાં કહ્યું કે, પહેલા જ દ્રશ્યથી ફિલ્મના દર્શકો સાથેના જોડાણનો અભાવ વર્તાય છે. 30 મિનિટની વાર્તાને અઢી કલાક સુધી ખેંચી છે. તેમણે ફિલ્મને અત્યંત નિરાશાજનક ગણાવી હતી.
One word Review: MESS#Brahmastra: 🌟½ (1.5/5)#BrahmastraReview
— Light Yagami (@Light_Yagamind) September 8, 2022
Right from the opening scene lacking in connect with the audience. 30 mins story stretched to a 2.5hr movie🙄
A few bright spots can't save it from clunky writing.
😑Highly disappointed👎 Wasted a stellar cast
એક યુઝરે ખાલી થીએટરની તસ્વીર પોસ્ટ કરીને લખ્યું કે, ફિલ્મ નિરાશ કરે તેવી છે. તેમણે એમ પણ લખ્યું કે, ખાલી થીએટરમાં ફિલ્મ જોવું ભયાનક છે.
Epic Disappointment
— Dr. Ayushi chauhan (@chauhan_ayushi) September 9, 2022
⭐
It's scary to watch this movie in a empty theatre #Brahmastra#BrahmashtraReview #AliaBhatt pic.twitter.com/U4JKhR6shf
ટ્વિટર પર પોસ્ટ કરવામાં આવેલ એક વિડીયોમાં ફિલ્મ જોઈને આવેલા કેટલાક યુવાનો કોઈ મીડિયાને ઇન્ટરવ્યૂ આપતા જોવા મળે છે. તેઓ જણાવે છે કે, ફિલ્મ બહુ સારી નથી. વીએફએક્સ અને સંગીત જ સારું છે, બાકીની ફિલ્મમાં મજા નથી. VFX અને સંગીત સારું હતું, પરંતુ બીજું કશું સારું નથી. જે જોડાણ હોવું જોઈએ સ્ટોરી સાથે એ ન હતું.
એક યુવતી કહે છે કે, આ ફિલ્મ વિશે આવો માહોલ બનાવવામાં આવ્યો ન હોત અને જો આ અભિનેતાઓ ન હોત તો કોઈ પણ જોવા આવ્યું ન હોત. એક યુવક કહે છે કે, “એક ફિલ્મમાં વાર્તા, ડાયલોગ, અભિનય વગેરે હોય છે. પરંતુ આ ફિલ્મમાં માત્ર વીએફએક્સ જ છે. ફર્સ્ટ હાફ સુધી તમને કશું જ ખબર પડતી નથી.”
Audiance Review on #Brahmastra it's completely waste movie..#FLOP #FlopBrahmastra
— Rohit Das (@Rohit61961) September 9, 2022
Now This is Official.
Taran Adarsh says, "#Brahmastra is an EPIC DISAPPOINTMENT. #BrahmashtraReview #BoycottBrahamstra #ब्रम्हास्त्र_का_बहिष्कार
pic.twitter.com/P4s1PwdD5A
ઉમર સંધુ નામના એક યુઝરે ફિલ્મ વિશે લખ્યું કે, ફિલ્મમાં મોટા સ્ટાર, એસએફએક્સ પર મોટો ખર્ચ, જાહેરાતો પર ખર્ચ અને તેની પર બહુ આશાઓ હોવા છતાં ફિલ્મ આશાઓ પર ખરી ઉતરી શકી નથી અને સામાન્ય કહી શકાય તેવી છે. તેમણે ફિલ્મને અઢી સ્ટાર આપ્યા છે.
#Brahmastra is a big film in all respects — big stars, big canvas, big expenditure on SFX, big ad spend, big expectations. Sadly, it's a big, big, big letdown as well !
— Umair Sandhu (@UmairSandu) September 5, 2022
Strictly AVERAGE! ⭐️⭐️1/2
એક યુઝરે કહ્યું કે, ફિલ્મ જોવી એ પૈસા અને સમયનો બગાડ છે અને વાર્તા જેવું કશું છે જ નહીં. માત્ર VFX છે, જેનો પણ ખરાબ રીતે ઉપયોગ કરવામાં આવ્યો છે.
#Brahmastra is a waste of TIME & MONEY
— Nitika Singh🦋🇮🇳 (@itsNitikaSingh) September 9, 2022
➡No storyline
➡Bad VFX
➡More of Naagin serial
➡Not related with Hindu culture
➡Om shanti Om SRK cameo#BrahmashtraReview 1/5 ⭐ pic.twitter.com/vBYRWFWl1R
આ વર્ષે ‘ધ કાશ્મીર ફાઇલ્સ’ અને ‘પુષ્પા’ અને RRR જેવી દક્ષિણની ફિલ્મો સિવાય લગભગ દરેક બૉલીવુડ ફિલ્મ ફ્લૉપ ગઈ છે. તાજેતરમાં જ આમિર ખાન અને કરીના કપૂર ખાન સ્ટારર ફિલ્મ ‘લાલ સિંઘ ચઢ્ઢા’ સુપર ફ્લૉપ ગઈ હતી. તે પહેલાં પણ નાની-મોટી તમામ ફિલ્મોની હાલત એવી અને એના કરતાં પણ ખરાબ થઇ હતી.
સતત ફ્લૉપ જતી ફિલ્મો વચ્ચે બૉલીવુડને ‘બ્રહ્માસ્ત્ર’ પર આશા જાગી હતી. આ ફિલ્મને લઈને છેલ્લાં પાંચ-છ વર્ષથી માહોલ બનાવવાના પ્રયત્નો થઇ રહ્યા હતા અને રિલીઝ પહેલાં તો પ્રમોશન પણ ખૂબ કરવામાં આવ્યું હતું. પરંતુ જે રીતે પ્રતિસાદ મળી રહ્યો છે તેને જોતાં લાગે છે કે બૉલીવુડની પડતીના દિવસે હજુ લાંબા ચાલશે અને એવું પણ કહેવું અતિશયોક્તિ નથી કે બ્રહ્માસ્ત્ર ફ્લૉપ જાય તો બૉલીવુડના કોફીનમાં છેલ્લો ખીલો ઠોકવા સમાન હશે.
