Monday, January 30, 2023
More
    હોમપેજન્યૂઝ રિપોર્ટઆમિર ખાન ફરી ચર્ચામાં: અભિનેતાની કંપનીએ ‘મિચ્છામિ દુકડમ’ કહેવા માટે વિડીયો પોસ્ટ...

    આમિર ખાન ફરી ચર્ચામાં: અભિનેતાની કંપનીએ ‘મિચ્છામિ દુકડમ’ કહેવા માટે વિડીયો પોસ્ટ કર્યો, પણ એવી ભૂલો કરી કે હવે ફરી માફી માંગવી પડશે!

    લાલ સિંઘ ચઢ્ઢા સુપર ફ્લૉપ ગયા બાદ આમિર ખાન સતત ચર્ચામાં હતો, હવે તેની કંપનીએ એક વિડીયો પોસ્ટ કરીને ફરી વિવાદ ઉભો કર્યો છે.

    - Advertisement -

    બૉલીવુડ અભિનેતા આમિર ખાનઆ પ્રોડક્શન હાઉસ ‘આમિર ખાન પ્રોડક્શન્સ’ નિર્મિત ફિલ્મ લાલ સિંઘ ચઢ્ઢા હાલમાં જ રિલીઝ થઇ હતી. જોકે, આ ફિલ્મ બોક્સ ઓફિસ પર સુપર ફ્લૉપ સાબિત થઇ હતી અને માંડ 60 કરોડની કમાણી કરી શકી હતી. ત્યારે હવે આમિર ખાન પ્રોડક્શન્સ ફરી ચર્ચાનો વિષય બન્યું છે. તેનું કારણ એક વિડીયો છે જે ટ્વિટર પર પોસ્ટ કરવામાં આવ્યો હતો.

    આમિર ખાન પ્રોડક્શન્સ દ્વારા ગઈકાલે જૈન ધર્મના પર્યુષણના અંતિમ દિવસ ‘સંવત્સરી’ના દિને ટ્વિટર પર એક વિડીયો પોસ્ટ કરવામાં આવ્યો હતો. આ વિડીયો જાણ્યે-અજાણ્યે કોઈએ દુઃખ પહોંચાડવા બદલ માફી માંગવા માટે શૅર કરવામાં આવ્યો હતો. જોકે, ઈમોજી અને ભરપૂર ટાઈપિંગ મિસ્ટેકના કારણે આ વિડીયોને લઈને વિવાદ સર્જાયો છે. 

    27 સેકન્ડના આ વિડીયોમાં ભરપૂર જોડણીની ભૂલો છે, જે સામાન્ય નથી પરંતુ તેના કારણે શબ્દોના અર્થ જ બદલાય જાય છે. તેમજ ઈમોજી અને બેકગ્રાઉન્ડ મ્યુઝિક સાથેના વોઇસઓવર પર પણ સવાલો ઉઠી રહ્યા છે. 

    - Advertisement -

    વિડીયો શરૂ થયા પછી 0:04 સેકન્ડે વોઇસઓવરમાં કહેવામાં આવે છે કે ‘હમ સબ ઇન્સાન હૈ’ પરંતુ વિડિયોમાં લખવામાં આવેલ લખાણમાં અંગ્રેજીમાં Insane શબ્દ વાપરવામાં આવ્યો છે. જેનો અર્થ પાગલ કે વિચિત્ર થાય છે. ત્યારબાદ 0:25 સેકન્ડે ‘ક્ષમા’ની જગ્યાએ ‘સમા’ શબ્દ વાપરવામાં આવ્યો છે. 

    જોકે, અમુક યુઝરોનું કહેવું છે કે આ ભાષા પાકિસ્તાની હિંગ્લીશ (હિંદી અને અંગ્રેજીનું મિશ્રણ) છે. પાકિસ્તાનીઓ સામાન્ય રીતે આવું લખતા-બોલતા હોય છે. 

    આ વિડીયો ટ્વિટર પર વાયરલ થઇ ગયા બાદ નેટિઝન્સ સવાલ ઉઠાવી રહ્યા છે અને આમિર ખા પ્રોડક્શન્સને માફી માંગવા માટે કહી રહ્યા છે. લોકોએ એ પણ સવાલો ઉઠાવ્યા કે હિંદુવિરોધી ફિલ્મો બનાવવા માટે તેઓ કરોડો રૂપિયા ખર્ચી નાંખે છે પરંતુ જ્યારે આવી માફી માંગવાની વાત આવે ત્યારે સાવ નબળી કક્ષાનું અને હલકી ગુણવત્તાવાળું પ્રોડક્શન કરવામાં આવે છે.

    આ ઉપરાંત, વિડીયોમાં બેકગ્રાઉન્ડમાં ફિલ્મ ‘કલ હોના હો’નું સંગીત વાગી રહ્યું છે તેમજ વોઇસ ઓવર કરનાર અભિનેતા શાહરૂખ ખાનની મિમિક્રી કરતો હોવાનું જણાય છે. લોકોએ તેની ઉપર પણ સવાલ ઉઠાવ્યા છે. 

    અંકિત જૈને આ વિડીયો પર સવાલો ઉઠાવ્યા છે, અને કહ્યું કે એક જૈન તરીકે તેમને આ અપમાનજનક લાગ્યું છે. તેમણે કહ્યું કે, આટલા રૂપિયા હોવા છતાં આમિર ખાનની કંપની એક વિડીયો પણ સારો બનાવી શકી નથી.

    યુઝરોએ એમ પણ કહ્યું કે, ભૂલો માફ કરી શકાય છે, પરંતુ અપમાનની માફી આપી શકાતી નથી.

    લાલ સિંઘ ચઢ્ઢા ફ્લૉપ ગયા બાદ આમિર ખાન પ્રોડક્શને ડેમેજ કન્ટ્રોલ કરવાના પ્રયાસો શરૂ કર્યા હોય તેમ લાગે છે, પરંતુ તે વિડીયોમાં પણ એવી ગડબડો કરી છે કે મામલો વધુ બગડ્યો છે અને હવે લોકો આ માટે પણ માફી માંગવા માટે કહી રહ્યા છે.

    - Advertisement -

    સંબંધિત લેખો

    - Advertisement -

    તાજા સમાચાર

    ચૂકશો નહીં