બાહુબલી ફેમ પ્રભાસ અને બૉલીવુડ અભિનેતા સૈફ અલી ખાન સ્ટારર ફિલ્મ ‘આદિપુરુષ’નું ટીઝર લૉન્ચ કરી દેવામાં આવ્યું છે. આ ટીઝર રવિવારે (2 ઓક્ટોબર 2022) રિલીઝ કરવામાં આવ્યું હતું અને અત્યાર સુધીમાં યુ-ટ્યુબ પર 5.7 કરોડ વખત જોવામાં આવી ચૂક્યું છે. જોકે, ફિલ્મ વિશે લોકોને જે આશા હતી તેની ઉપર પાણી ફરી વળ્યું હોય તેમ ટીઝર પરની પ્રતિક્રિયાઓ જોઈને લાગી રહ્યું છે.
આ ફિલ્મ રામાયણ પર આધારિત હોવાનું કહેવાય છે. જેમાં ભગવાન રામનું પાત્ર દક્ષિણના જાણીતા નેતા પ્રભાસે ભજવ્યું છે. રાવણનું પાત્ર બૉલીવુડ અભિનેતા સૈફ અલી ખાન અને સીતાનું પાત્ર કીર્તિ સેનને ભજવ્યું છે.
1 મિનિટ 46 સેકન્ડના ટીઝરની શરૂઆતમાં ભગવાન રામ સમુદ્રમાં ધ્યાન લગાવીને બેઠેલા જોવા મળે છે. ત્યારબાદ રાવણના પાત્રમાં સૈફ અલી ખાન દેખાય છે. તે દશાનન તરીકે પણ જોવા મળે છે. એક દ્રશ્યમાં રાવણના પાત્રને પક્ષી પર સવાર થઈને ક્યાંક જતું દેખાડવામાં આવ્યું છે. માતા સીતાને હિંચકા પર બેઠેલાં બતાવવામાં આવ્યાં છે.
ફિલ્મમાં જે પ્રકારે મોટા પ્રમાણમાં VFXનો ઉપયોગ કરવામાં આવ્યો છે, તેને લઈને ખૂબ ટીકા થઇ રહી છે. કેટલાક લોકો કહી રહ્યા છે કે ‘આદિપુરુષ’નું ટીઝર જોઈને લાગે છે કે કોઈ વિડીયો ગેઇમ પરથી પ્રેરણા લઈને ફિલ્મ બનાવવામાં આવી હશે.
The #Adipurush Teaser looks like a cheap copy of Video Games. Very Disappointing. pic.twitter.com/Pgi1NykrZV
— The Jaipur Dialogues (@JaipurDialogues) October 2, 2022
કેટલાક યુઝરોએ વાંધો ઉઠાવતાં એમ પણ કહ્યું હતું કે, ફિલ્મ ઇન્ડસ્ટ્રીએ હિંદુ કથાઓને આ રીતે ખરાબ કરવી જોઈએ નહીં.
Please don’t ruin our historical Hindu epic stories like this. 🙏#AdipurushTeaser #Adipurush pic.twitter.com/xCRULJ5JAY
— Tushar ॐ♫₹ (@Tushar_KN) October 2, 2022
એક યુઝરે લખ્યું કે, આદિપુરુષનું ટીઝર કોઈ રીતે રામાયણ જેવું લાગતું નથી. સામાન્ય VFX, મોટેભાગની હોલિવુડ ફિલ્મોની નકલ હોય તેમ લાગે છે. સૈફ રાવણ તરીકે ખરાબ લાગી રહ્યો છે અને સ્પાઈડર મેનના વિલન જેવો અભિનય કરતો દેખાય છે. ભગવાન રામ અને હનુમાનજીના પાત્રને પણ ન્યાય ન મળ્યો હોવાનું તેમણે જણાવ્યું હતું.
I just saw #Adipurush teaser and it’s very disappointing 😒
— Amit S.Rajawat 2.0 (@iAmitRajawat) October 2, 2022
It doesn’t even look like ramayan.
Very ordinary VFX, mostly copied from Hollywood movies. Saif as Ravan is worst, acting like villains of Spider-Man. Hanuman ji looks like monkey King and Prabhash as shri Ram is 😑 pic.twitter.com/gejjucLF5W
તૃપ્તિ ગર્ગે લખ્યું કે, ફિલ્મ બનાવવાની હતી, કાર્ટૂન નહીં. આદિપુરુષ પર બહુ આશાઓ હતી.
King Kong..temple run..PS3 ke graphics..cruel Ravan…
— Trupti Garg (@garg_trupti) October 2, 2022
Picture banani thi cartoon nahi 😭
Had lots of hopes from #Adipurush
એક યુઝરે રાવણના પાત્રને લઈને કહ્યું કે, આદિપુરુષમાં સૈફ અલી ખાન રાવણ કરતાં ઇસ્લામિક આક્રાંતા જેવો વધુ લાગે છે.
Am I the only one who thinks Saif looks more like an IsIamic invαժer than Ravan in #Adipurush? pic.twitter.com/KdBHfy0Njt
— BHK🇮🇳 (@BeingBHK) October 2, 2022
કેટલાક યુઝરોએ રમૂજી ટિપ્પણી પણ કરી હતી અને કહ્યું કે, રાવણમાં અનેક ખામીઓ હતી પરંતુ તેણે ક્યારેય આવી હેરસ્ટાઇલ રાખી ન હતી.
रावण में लाख बुराइयां थी लेकिन उसने कभी ऐसी छपरी हेयरस्टाइल नही रखा pic.twitter.com/k3BadQkhzD
— vijay (@puntasticVU) October 2, 2022
એક યુઝરે આદિપુરુષની સરખામણી વર્ષો જૂના એનિમેટેડ રામાયણ સાથે કરીને કહ્યું કે, હમણાં આવેલા આદિપુરુષ કરતાં એનિમેશન હોવા છતાં એ રામાયણ વધુ સારું લાગે છે.
Even this 30-year-old animated #Ramayan looks more fresh than the animated #Adipurush lmao pic.twitter.com/ZNKWkPVlii
— ٖ (@mannkahe) October 2, 2022
આ ફિલ્મનું બજેટ ભારતની સૌથી સફળ ફિલ્મો પૈકીની એક બાહુબલી કરતાં પણ વધુ હોવાનું કહેવાય છે. રૂ. 500 કરોડના ખર્ચે ફિલ્મ બનાવવામાં આવી છે, જેને નિર્દેશિત કરી છે ઓમ રાઉતે. જોકે, આટલા મોટા બજેટથી બનાવવામાં આવી હોવા છતાં ફિલ્મ દર્શકોની આશા પર ખરી ઉતરતી જણાઈ રહી નથી. ફિલ્મ જાન્યુઆરી 2023માં રિલીઝ કરવામાં આવશે.
