રાષ્ટ્રીય સ્વયંસેવક સંઘ એટલે કે RSSના નામે એક પત્ર છેલ્લા કેટલાક સમયથી સોશિયલ મીડિયામાં વાયરલ થઈ રહ્યો છે. આ પત્રમાં મુસ્લિમ યુવતીઓને ઘર વાપસીના માધ્યમથી હિંદુ બનાવવાનું કહેવામાં આવ્યું છે. આટલું જ નહી, આ પત્રમાં મુસ્લિમ યુવતીઓને ફસાવવા 15 દિવસનું પ્રશિક્ષણ આપવાની પણ વાત કરવામાં આવી છે. જોકે RSSના વાયરલ પત્રની વાસ્તવિકતા ત્યારે સામે આવી જયારે સંઘે આ પત્રને “ખોટો” હોવાની જાહેરાત કરી.
RSSના વાયરલ પત્રની વાસ્તવિકતા જાણતા પહેલા આ પત્રમાં શું લખવામાં આવ્યું છે તેના પર એક નજર કરીએ. આ પત્રને સર સંઘકાલક મોહન ભાગવતના ગોપનીય કથનના નામે વાયરલ કરવામાં આવ્યો છે. જેમાં લખવામાં આવ્યું છે કે મોહન ભાગવતે દર વર્ષે 10 લાખ મુસ્લિમ યુવતીઓની ઘર વાપસીનો લક્ષ્યાંક રાખ્યો છે. આ પત્રમાં મુસ્લિમ યુવતીઓની ઘર વાપસી માટેની 12 રીતો પણ જણાવી છે. જેમાં યુવતીઓ સાથે વાતચીતની શરૂઆત કરવાથી માંડીને સોશિયલ મીડિયામાં ચેટ કરવા સાથે જ શારીરિક સબંધ બનાવવા સુધીની વાત કરવામાં આવી છે.
સોશિયલ મીડિયા પર ખોટો પત્ર વાયરલ
આરએસએસના નામે સતત સોશિયલ મીડિયા પર શેર થઈ રહેલા આ પત્રને શાહનવાઝ અંજુમ નામના યુઝરે ટ્વીટ કરતા લખ્યું હતું કે, “RSSની મુસ્લિમો વિરુદ્ધ ધૃણાસ્પદ રમત. હિંદુ યુવકો કોલેજ, કોચિંગ, યુનિવર્સિટી, ઓફિસ, સોશિયલ મીડિયામાં મુસ્લિમ યુવતીને પ્રેમની જાળમાં ફસાવો. તેની સાથે શારીરિક સંબંધ બાંધો. જેથી તે પોતાના પરિવારને છોડીને ભાગવા માટે મજબુર થઈને તૈયાર થઈ જાય.”
#मुस्लिमों के खिलाफ RSS का घिनौना खेल ,,
— Shahavaj Anjum’s (@ShahavajAnjum) April 8, 2023
हिन्दू लड़कें कॉलेज, कोचिंग, यूनिवर्सिटी, ऑफिस, सोशल मीडिया में #मुस्लिम_लड़की को प्यार के जाल में फसाओ उससे शारीरिक सम्बन्ध बनाओ ताकि वो अपने परिवार को छोड़ कर भागने के लिए मजबूर होकर तैयार हो जाए
उसे 5 लाख की मदद भी दी जाएगी ,घर बसाने… pic.twitter.com/A9fJaxn4RH
તેણે આગળ લખ્યું, “ઘર વસાવવા માટે 5 લાખ સહાય પણ આપવામાં આવશે. RSS ખુલ્લેઆમ મુસ્લિમ યુવતીઓની ગરિમા સાથે રમત રમવાનું કાવતરું ઘડી રહ્યું છે. આખું વાંચો. તમારી બહેનો, પુત્રીઓ અને અન્ય તમામ મુસ્લિમોને આ ષડયંત્રથી બચાવવા માટે આ પોસ્ટને રીટ્વીટ કરો અને શેર કરો.”
ત્યાર બાદ તનવીર નામના યુઝરે ટ્વિટ કરીને લખ્યું હતું કે, “આ પત્ર વાંચીને તમારી આંખો ખોલો મુસ્લિમ બાળકીઓ, RSS તમને મૂર્તદ બનાવી રહ્યું છે. તમારા ભોળપણનો લાભ લઈ રહ્યું છે. જો આવો પત્ર કોઈ મુસ્લિમ સંગઠને બહાર પાડ્યો હોત તો અત્યાર સુધીમાં ટીવી પર ડીબેટ થવા લાગી હોત. સંગઠનના લોકો જેલમાં હોત. તેને હિંદુ સમાજ પરનો હુમલો ગણાવ્યો હોત. આરબ દેશો તરફથી ફંડિંગની વાત કરવામાં આવી હોત. આટલું મોટું ષડયંત્ર મુસ્લિમોની બહેન-દીકરીઓ સાથે થઈ રહ્યું છે, પરંતુ અમારા મુસ્લિમ સંગઠનના લોકો પણ ચૂપ છે. “
अरब देशों से फंडिंग की बात की जा रही होती इतनी बड़ी साजिश हो रही मुसलमानों के बहन बेटियों के साथ लेकिन हमारे मुस्लिम संगठन के लोग भी खामोश हैं।#bhagwalovetrap #SanghiPremJal
— Mohammad Tanvir تنوير (@TanveerPost) April 8, 2023
@savemuslimgirls નામના યુઝરે લખ્યું, “હિંદુ છોકરાઓ, કોલેજ, ઓફિસમાં મુસ્લિમ છોકરીઓને પ્રેમમાં ફસાવો. તેની સાથે શારીરિક સંબંધ બાંધો. જેથી તે પોતાના પરિવારને છોડીને ભાગવા માટે તૈયાર થઈ જાય. તેને 5 લાખ રૂપિયા ઘર વસાવવા માટે આપવામાં આવશે. આખું વાંચી લો અને તમારી બહેનો અને દીકરીઓને બધા મુસ્લિમોને મોકલો. “
हिन्दू लडकें कॉलेज,ऑफिस में मुस्लिम लड़की को प्यार में फसाओ उससे शारीरिक सम्बन्ध बनाओ ताकि वो अपने परिवार को छोड़ कर भागने के लिए तय्यार हो जाए उसे 5लाख की मदद दी जाएगी घर बसने में:RSS;
— StopLoveTrap (@savemuslimgirls) April 8, 2023
पूरा पड़िए और अपने बहन बेटिओं और सभी मुसलमानों को भेजिए,
अल्लाह हिफाज़त फार्मा#bhagwalovetrap pic.twitter.com/aqQ6Mp1H1C
ઇમરાન હાશમી નામના યુઝરે લખ્યું, “આરએસએસ, બજરંગ દળ, વિશ્વ હિન્દુ પરિષદ, આર્ય સમાજ મંદિર જેવા કટ્ટરપંથી સંગઠનો હિંદુ છોકરાઓને કોલેજ, ઓફિસ, સુપરમાર્કેટમાં મુસ્લિમ છોકરીઓને ફસાવવા, શારીરિક સંબંધ બનાવવા અને ખાનગી વીડિયો ફોટા રેકોર્ડ કરવા માટે કહી રહ્યા છે.”
RSS, बजरंगदल, विश्व हिंदू परिषद, आर्यसमाज मंदिर जैसे कट्टर पंथी संगठन हिंदू लड़कों को कॉलेज,ऑफिस, सुपर मार्केट में मुस्लिम लड़कियों को प्यार के जाल में फ़साने उससे शारीरिक सम्बन्ध बना कर प्राइवेट वीडियो फोटो रिकॉर्ड करने को कहा जा रहा है, pic.twitter.com/MgGb5oUOBE
— Imran hasmee (@ImranKh63559241) April 11, 2023
RSSના વાયરલ પત્રની વાસ્તવિકતા
આ પત્રને RSSના અખિલ ભારતીય પ્રચાર વડા સુનિલ અંબેકરે બનાવટી ગણાવ્યો હતો. તેમણે જણાવ્યું હતું કે “રાષ્ટ્રીય સ્વયંસેવક સંઘના નામે સોશિયલ મીડિયાની આ પત્રિકા સંપૂર્ણપણે ખોટી છે.”
“ यह राष्ट्रीय स्वयंसेवक संघ के नाम पर सोशल मीडिया में चल रहा पत्रक पूर्णतः झूठा है। “ pic.twitter.com/njcZxm7YOH
— Sunil Ambekar (@SunilAmbekarM) April 11, 2023
આ મામલે સૌથી મોટી વાત એ હતી કે ઓપઇન્ડિયા જ્યારે સોશિયલ મીડિયા પર વાયરલ થયેલા આ પત્રની સત્યતા તપાસી રહ્યું હતું, ત્યારે આ વાત સામે આવી કે આ પત્ર શેર કરનારા મોટાભાગના લોકો ઇસ્લામવાદી છે.
