ગુજરાત વિધાનસભા ચૂંટણીને લઇને દરેક પક્ષોએ પ્રચાર પ્રસારનો ધમધમાટ ચલાવ્યો છે. દરેક રાજકીય પક્ષોએ પોતપોતાના ઉમેદવારોના નામ જાહેર કરવાનું શરૂ કરી દીધું છે. પહેલી યાદીમાં 160 ઉમેદવારો જાહેર કર્યા બાદ હવે ભાજપે ઉમેદવારોની બીજી યાદી જાહેર કરી છે. આ યાદીમાં છ ઉમેદવારોના નામ જાહેર કરવામાં આવ્યા છે.
ભાજપ દ્વારા પ્રથમ તબક્કા ના છ ઉમેદવારો ને સમાવતી બીજી યાદી જાહેર કરાઈ pic.twitter.com/rVOTJm8v0t
— Kiran Patel (@bansijpatel) November 12, 2022
બીજી યાદીમાં જાહેર થયેલ બેઠકો અને ઉમેદવારો
- ધોરાજી : મહેન્દ્રભાઈ પાડલીયા
- ખંભાળિયા : મુળુ બેરા
- કુતિયાણા : ઢેલીબેન માધાભાઇ ઓડેદરા
- ભાવનગર પૂર્વ : સેજલ રાજીવકુમાર પંડ્યા
- દેડિયાપાડા (ST) : હિતેશ દેવજી વસાવા
- ચોર્યાસી : સંદીપ દેસાઈ
ભાજપની ઉમેદવારોની બીજી યાદી અંતર્ગત 6માંથી 2 સીટ મહિલાઓને અપાઈ છે. આ તમામ બેઠકો એવી છે જ્યાં મતદાન પ્રથમ ચરણમાં છે. આમ પહેલી અને બીજી યાદી ભેગી કરીએ તો કુલ 14 મહિલાઓને ભાજપે ટિકિટ આપી છે હમણાં સુધી.
હવે 16 બેઠકો પર ઉમેદવાર જાહેર કરવાના બાકી છે. સંભાવના છે કે આવતી કાલે આ 16 બેઠકો માટેની ભાજપની છેલ્લી યાદી જાહેર થઇ શકે છે.
પહેલી યાદીમાં જાહેર કરાયા હતા 160 નામો
ગુરુવારે (10 નવેમ્બર) ભાજપે ગુજરાત ચૂંટણી માટે ઉમેદવારોની પહેલી યાદી જાહેર કરી હતી. 182માંથી 160 બેઠકો પર ઉમેદવારો જાહેર થઇ ગયા છે. જેમાંથી 69 ધારાસભ્યોને રિપીટ કરાયા છે, 38 ધારાસભ્યોની ટિકિટ કપાઈ છે. આ ઉપરાંત 12 મહિલાઓને પણ ટિકિટ અપાઈ હતી. તો કેટલાંક મોટાં નામો પણ સામેલ કરાયાં છે, અનેક મોટાં નામોની બાદબાકી પણ કરી દેવામાં આવી છે.
ગુજરાત વિધાનસભા ચૂંટણી – 2022 માટે ભારતીય જનતા પાર્ટીના જાહેર થયેલા સૌ ઉમેદવારોને ખૂબ ખૂબ અભિનંદન અને શુભકામનાઓ… (1/3)#ભરોસાની_ભાજપ_સરકાર#કમળ_ખીલશે_ગુજરાત_જીતશે#આ_ગુજરાત_મેં_બનાવ્યું_છે pic.twitter.com/8YWhinhxZG
— BJP Gujarat (@BJP4Gujarat) November 10, 2022
હવે જોવાનું એ રહેશે કે ભાજપ પોતાના બાકીના 16 ઉમેદવારોની જાહેરાત ક્યારે કરે છે.
