રાષ્ટ્રપતિ રામનાથ કોવિંદનો કાર્યકાળ પૂર્ણ થતો હોઈ ગઈકાલે તેમના માટે સંસદ ભવન ખાતે વિદાય સમારંભ આયોજિત કરવામાં આવ્યો હતો. જેમાં વડાપ્રધાન, કેન્દ્રીય મંત્રીઓ, વિપક્ષ નેતાઓ, સાંસદો વગેરે ઉપસ્થિત રહ્યા હતા. આ સમારોહનો એક વિડીયો આજે સવારથી સોશિયલ મીડિયા પર વાયરલ થઇ રહ્યો છે. આ અધૂરો વિડીયો શૅર કરીને પીએમ મોદીએ રાષ્ટ્રપતિનું અપમાન કર્યું હોવાની વાતો વહેતી મૂકવામાં આવી છે.
આ અધૂરી વિડીયો ક્લિપ આમ આદમી પાર્ટી સહિતની પાર્ટીઓના કેટલાક નેતાઓ, સાંસદો તેમજ અન્યોએ શૅર કરીને મજાક ઉડાવી હતી તો કોઈકે કહ્યું હતું કે કાર્યકાળ પૂર્ણ થઇ ગયા બાદ વડાપ્રધાન રાષ્ટ્રપતિનું અપમાન કરી રહ્યા છે.
આમ આદમી પાર્ટીના રાજ્યસભા સાંસદ સંજય સિંહે ટ્વિટર પર એક 14 સેકન્ડનો વિડીયો શૅર કર્યો હતો. જેની સાથે તેમણે કટાક્ષ કરતી ટિપ્પણી પણ કરી હતી. અહીં નોંધવું જોઈએ કે ફેક ન્યૂઝ ફેલાવવામાં આમ આદમી પાર્ટી સાંસદ સંજય સિંહનું નામ ઘણીવાર આવી ચુક્યું છે. તાજેતરમાં જ તેમણે સેનાની ભરતીને લઈને પણ ખોટા સમાચારો ફેલાવ્યા હતા.
ऐसा अपमान Very Sorry Sir
— Sanjay Singh AAP (@SanjayAzadSln) July 24, 2022
ये लोग ऐसे ही हैं, आपका कार्यकाल ख़त्म अब आपकी तरफ़ देखेंगे भी नही। pic.twitter.com/xaGIOkuyDM
સંજય સિંહ બાદ આમ આદમી પાર્ટીના પ્રવક્તા સર્વેશ મિશ્રાએ પણ આ જ વિડીયો શૅર કર્યો હતો અને લખ્યું હતું કે, વડાપ્રધાન મોદીએ રાષ્ટ્રપતિનું અપમાન કર્યું છે. આ ઉપરાંત, અન્ય પણ ટિપ્પણીઓ કરી હતી.
राष्ट्रपति कोविंद जी का जिस प्रकार प्रधानमंत्री मोदी जी ने अपमान किया है, वह आश्चर्य पैदा नहीं करता.
— Sarvesh Mishra (@SarveshMishra_) July 24, 2022
मोदी जी इसके पहले आडवाणी जी और अन्य वरिष्ठ भाजपाइयों के साथ ऐसा कर चुके हैं.
अब देखना यह है कि निकट भविष्य में इस लिस्ट में भाजपा के किस नेता का नम्बर आता है. Fingers crossed.
ઉપરાંત, કોંગ્રેસ પાર્ટીના પ્રવક્તા વિપિન યાદવે પણ એનાથી નાનો માત્ર 6 સેકન્ડનો વિડીયો શૅર કરીને પીએમ મોદીની મજાક ઉડાવી હતી.
मोदी जी के सामने कैमरा आते ही…
— Dr. Vipin Yadav (@VipinINC) July 24, 2022
कौन मंत्री, कौन संतरी, कौन राष्ट्रपति I pic.twitter.com/XtF2jr8ctr
કોંગ્રેસ પાર્ટીના નેતા ઉદિત રાજ દ્વારા સંચાલિત સંગઠન ઑલ ઇન્ડિયા પરિસંઘના અધિકારીક ટ્વિટર હેન્ડલ પરથી પણ આ વિડીયો શૅર કરવામાં આવ્યો અને જાતિવાદી ટિપ્પણી કરવામાં આવી હતી.
"मोदी जी दलित राष्टपति का नमस्कार तक नहीं लेते।" हमारे राष्ट्रीय अध्यक्ष डॉ उदित राज जी गलत क्या कहते हैं। @Dr_Uditraj https://t.co/sBTPeo1P8K
— All India Parisangh (AIP) (@aiparisangh) July 24, 2022
"मोदी जी दलित राष्टपति का नमस्कार तक नहीं लेते।" हमारे राष्ट्रीय अध्यक्ष डॉ उदित राज जी गलत क्या कहते हैं। @Dr_Uditraj https://t.co/sBTPeo1P8K
— All India Parisangh (AIP) (@aiparisangh) July 24, 2022
સમારોહના ફૂટેજમાંથી માત્ર એક નાનો હિસ્સો લઈને આમ આદમી પાર્ટી અને કોંગ્રેસ પાર્ટીના નેતાઓએ વિડીયો સોશિયલ મીડિયા પર ફરતો કરી દીધો હતો અને પીએમ મોદીએ રાષ્ટ્રપતિનું અપમાન કર્યું હોવાનો દાવો કર્યો હતો. જોકે, આ અસત્ય લાંબો સમય ટક્યું ન હતું અને નેટિઝન્સે આખો વિડીયો શૅર કરીને આ જુઠ્ઠાણાંની પોલ ખોલી હતી.
खीरे ये देख पूरा विडीओ, अब केस होगा तो रोना मत। pic.twitter.com/RpsVF9unv9
— Lala 🇮🇳 (@FabulasGuy) July 24, 2022
સમારોહના અધિકારીક વિડીયોમાં જોઈ શકાય છે કે વડાપ્રધાન અને રાષ્ટ્રપતિ બંનેએ એકબીજાનું અભિવાદન કર્યું હતું. વડાપ્રધાનનું અભિવાદન કર્યા બાદ રાષ્ટ્રપતિએ પીએમની પાછળ ઉભેલા કોઈક વ્યક્તિ સાથે ટૂંકી વાતચીત કરી હતી. દરમિયાન, વડાપ્રધાનનું ધ્યાન જમણી તરફ ગયું હતું. વાયરલ વિડીયો કલીપમાં આ જ ફ્રેમનો ઉપયોગ કરવામાં આવ્યો છે. જોકે, જે બાદ જોવા મળે છે કે તરત વડાપ્રધાન રાષ્ટ્રપતિની પાછળ આવતા ઉપ-રાષ્ટ્રપતિ વેંકૈયા નાયડુને મળ્યા હતા.
રાષ્ટ્રપતિ રામનાથ કોવિંદ પોતાના સમગ્ર કાર્યકાળ દરમિયાન નેતાઓ-સાંસદોને પક્ષીય રાજકારણથી ઉપર ઉઠીને રાષ્ટ્રહિતમાં કામ કરવાનો સંદેશ આપતા રહ્યા, પરંતુ વિપક્ષી પાર્ટીઓ સતત આવાં કામોમાં જ વ્યસ્ત રહી. હવે, જ્યારે રાષ્ટ્રપતિ સેવાનિવૃત્ત થઇ રહ્યા છે ત્યારે પણ તેમણે આ સિલસિલો જાળવી રાખ્યો હતો.
