ઝારખંડના આઝાદનગરના સિવંડીહમાં, એક ફરાર આરોપી આરઝૂ મલિકનું ઘર વહીવટીતંત્ર દ્વારા બુલડોઝરથી તોડી પાડવામાં આવ્યું હતું. ભાગેડુ આરોપીએ પોતાનો ધર્મ અને નામ છુપાવીને પહેલા એક હિંદુ મહિલા સાથે લગ્ન કર્યા, પોતાના મિત્રો દ્વારા તેનો બળાત્કાર કરાવડાવીને તેનો વિડીઓ બનાવ્યો અને બાદમાં તેને બ્લેકમેલ કરી હતી. આ મામલામાં પીડિતાએ પાંચ લોકો સામે ફરિયાદ નોંધાવી છે. ઘટના બાદથી આરોપી ફરાર છે.
House of Arzoo Mallick involved in Love Jihad demolished by bulldozer in Jharkhand
— Sanatan Prabhat (@SanatanPrabhat) September 23, 2022
Arzoo Mallick had cheated a Hindu girl in a #LoveJihad case in Bokaro, #Jharkhand
Following the UP model, his house has been demolished by bulldozer by the administrationhttps://t.co/f4akZXdPB5 pic.twitter.com/fQgLFpUTyG
આરઝૂએ સૌપ્રથમ પોતાનું નામ બદલીને હિન્દુ રાખ્યું હતું, જેણે બોકારો શહેરમાં 2021માં યુવતી સાથે સંબંધ બાંધ્યો હતો. ત્યારબાદ, તે યુવતીને બીજી જગ્યાએ લઈ ગયો અને તેની સાથે બળજબરીથી લગ્ન કર્યા હતા. આ પછી, તેણે છોકરીને તેના મિત્રોને સોંપી દીધી જેણે તેના પર બળાત્કાર કર્યો અને આ ગુનો આરઝૂ દ્વારા ફિલ્માવવામાં આવ્યો હતો. તે વીડિયોનો ઉપયોગ કરીને યુવતીને બ્લેકમેલ કરતો રહ્યો અને તેને કોઈની સામે કંઈપણ જાહેર ન કરવા દબાણ કરતો હતો.
આખરે શારીરિક અને માનસિક ત્રાસથી કંટાળીને પીડિતાએ 5 લોકો સામે ચાસ પોલીસ સ્ટેશનમાં ફરિયાદ નોંધાવી હતી. એફઆઈઆર નોંધાયા બાદથી આરઝૂ મલિક ફરાર છે. પોલીસ તેને પકડીને પીડિતાને ન્યાય અપાવવાનો પ્રયાસ કરી રહી છે.
BSL મેનેજમેન્ટ અને SDO કોર્ટે બોકારો પોલીસની ભલામણો પર આદેશ જારી કર્યો અને મારફરી પોલીસને કાર્યવાહી કરવાનો નિર્દેશ આપ્યો છે. એક મેજિસ્ટ્રેટને ડિમોલિશનનું સંચાલન કરવાની જવાબદારી સોંપવામાં આવી હતી. 20 સપ્ટેમ્બરના રોજ, મરાફારી બાલિદીહ પોલીસ અને શહેર પોલીસ દળની હાજરીમાં, ફરાર આરોપી આરઝૂ મલિકનું નિવાસસ્થાન પ્રતિનિધિ મેજિસ્ટ્રેટની દેખરેખ હેઠળ બુલડોઝર દ્વારા સંપૂર્ણપણે તોડી પાડવામાં આવ્યું હતું.
બોકારોમાં પોલીસ રેકોર્ડ મુજબ આરઝૂ મલિક ગેંગ રેપ સહિત અનેક ગંભીર કેસોમાં વોન્ટેડ ગુનેગાર છે. પોલીસે SAIL મેનેજમેન્ટ અને SDOને સલાહ આપી હતી કે ગુનેગારો બોકારો સ્ટીલ પ્લાન્ટ (BSL) ના ડોમેન હેઠળની મિલકતને ગેરકાયદેસર રીતે ફાળવીને આશ્રય મેળવી રહ્યા છે.
આરઝૂ પોતાના બનાવેલા બંગલામાંથી શહેરના ગુનાઓનું સંચાલન કરી રહ્યો હતો. બીએસએલ અને સરકારી જમીન પર અધિકૃતતા વિના ભવ્ય મકાનો બાંધનારા આવા અપરાધીઓ સામે કાર્યવાહી કરવામાં આવી છે. નોંધનીય છે કે જિલ્લા પ્રશાસન અને BSL મેનેજમેન્ટ દ્વારા કરવામાં આવેલ આ પ્રથમ કાર્યવાહી છે.
