Saturday, November 16, 2024
More
    Home Blog Page 1072

    ઈસ્લામિક સંગઠન જમીયત ઉલેમા-એ-હિન્દ દ્વારા શાળાઓમાં ભગવદ ગીતા ભણાવવા સામે સ્ટે માટે ગુજરાત હાઇકોર્ટમાં કરેલી અરજી પર નિર્ણય આવ્યો

    ઑપઇન્ડિયા સ્ટાફ
    -
    0
    ઈસ્લામિક સંગઠન જમીયત ઉલેમા-એ-હિન્દ દ્વારા શાળાઓમાં ભગવદ ગીતા ભણાવવા સામે સ્ટે માટે ગુજરાત હાઇકોર્ટમાં કરેલી અરજી પર નિર્ણય આવ્યો

    ગુજરાત હાઈકોર્ટે સોમવારે ધોરણ 6-12ના વિદ્યાર્થીઓ માટે ગુજરાતની શાળાઓમાં ભગવદ ગીતા શાળાના અભ્યાસક્રમમાં સામેલ કરવાના રાજ્ય સરકારના નિર્ણયને પડકારતી જમીયત ઉલેમા-એ-હિન્દ (Jamiat Ulama-e-Hind) દ્વારા કરાયેલ PILની સુનાવણી દરમિયાન સરકારના નિર્ણય પર સ્ટે આપવાનું નકારી કાઢ્યું હતું. ઉપરાંત હાઈલોર્ટે કેન્દ્ર અને રાજ્ય સરકાર બંનેને આ બાબતે નોટિસ પણ પાઠવી હતી.

    જમીયત ઉલેમા એ હિંદ દ્વારા ગુજરાત હાઈકોર્ટમાં અરજી દાખલ કરીને આરોપ લગાવાયો છે કે સરકારે સરકારી શાળાઓમાં ભગવદ ગીતા ભણાવવાનો આદેશ આપ્યો છે. આ નિર્ણય દ્વારા શાળાના વિદ્યાર્થીઓને વિવિધ શ્લોકો અને મંત્રોના પાઠ કરવાની ફરજ પાડવામાં આવી રહી છે.

    ગુજરાતની શાળાઓમાં ભગવદ ગીતા ભણાવવાના નિર્ણયને જમીયત ઉલેમાએ ગુજરાત હાઈકોર્ટમાં પડકાર્યો છે. શાળાઓમાં ભગવદ ગીતા ભણાવવા પર કરાયેલ PILસંદર્ભે ગુજરાત હાઈકોર્ટનો મહત્વનો નિર્ણય આવ્યો છે. ગુજરાત હાઈકોર્ટે સરકારના આ નિર્ણય પર હાલ પૂરતો સ્ટે ઓર્ડર આપવાનો નકારો કરી દીધો છે. પરંતુ આ સાથે ગુજરાત સરકારને નોટિસ પાઠવીને આ મામલે જવાબ માંગવામાં આવ્યો છે. કોર્ટે આ મામલે ગુજરાત સરકારને જવાબ દાખલ કરવા માટે 18 ઓગસ્ટ સુધીનો સમય આપ્યો છે. જમિયત ઉલેમા-એ-હિંદે આ અરજી હાઈકોર્ટમાં દાખલ કરી છે.

    જમીયતે હાઈકોર્ટમાં અરજી કરી હતી

    જમીયત ઉલેમા એ હિંદે ગુજરાત હાઈકોર્ટમાં અરજી દાખલ કરીને આરોપ લગાવ્યો છે કે સરકારે સરકારી શાળાઓમાં ભગવદ ગીતા ભણાવવાનો આદેશ આપ્યો છે. આ નિર્ણય દ્વારા શાળાના વિદ્યાર્થીઓને વિવિધ શ્લોકો અને મંત્રોના પાઠ કરવાની ફરજ પાડવામાં આવી રહી છે. આ નિર્ણય સમાનતાના અધિકાર અને ધર્મની સ્વતંત્રતાનું સીધું ઉલ્લંઘન છે. જમીયત ઉલેમા એ હિંદે સરકારના આ નિર્ણય પર સ્ટે મૂકવા માટે હાઈકોર્ટમાં અપીલ કરી હતી.

    જમીયત ઉલેમા એ હિંદ તરફથી વરિષ્ઠ એડવોકેટ મિહિર જોશી અને એડવોકેટ ઈસા હકીમ હાજર રહ્યા હતા.

    કોર્ટે તાત્કાલિક સ્ટે આપવાનો ઇનકાર કર્યો

    મુખ્ય ન્યાયાધીશ અરવિંદ કુમાર અને ન્યાયાધીશ આશુતોષ શાસ્ત્રીની બેન્ચે આ મુદ્દા પર સુનાવણી કરતી વખતે અરજદાર સંગઠનને તાત્કાલિક રાહત આપવાનો નકારો કર્યો હતો કોર્ટે કહ્યું કે તે પહેલા આ મામલે સરકારનો પક્ષ સાંભળશે આ પછી જ આ મામલે યોગ્ય આદેશ જાહેર કરવામાં આવશે. આ પછી હાઈકોર્ટે ગુજરાત સરકારને 18 ઓગસ્ટ સુધીમાં જવાબ દાખલ કરવાનો આદેશ આપ્યો છે.

    ગુજરાત સરકાર શાળાઓમાં ભગવદ ગીતા શીખવે છે

    નોંધનીય છે કે શાળાના વિદ્યાર્થીઓમાં માનવીય મૂલ્યો વિકસાવવા અને તેમને તેમની સંસ્કૃતિ સાથે જોડવા માટે ગુજરાત સરકારે થોડા સમય પહેલા ભગવદ ગીતાના પાઠ ભણાવવાની જાહેરાત કરી હતી. આ પાઠ શાળાની પ્રાર્થના સમયે કરવામાં આવે છે અને ત્યારબાદ શિક્ષકો દ્વારા આ સંસ્કૃત શ્લોકોનો સાર પણ કહેવામાં આવે છે. જમીયત ઉલામા (જમીયત ઉલેમા એ હિંદ)ને શાળાઓમાં ભગવદ ગીતાના પાઠ કરાવવા સામે વાંધો છે.

    મીડિયા રિપોર્ટ અનુસાર સંગઠન સાથે જોડાયેલા મૌલાનાઓનું કહેવું છે કે ભગવદ ગીતાના માધ્યમથી મુસ્લિમો અને અન્ય ધર્મના વિદ્યાર્થીઓને હિંદુ ધર્મ તરફ વાળવાનો પ્રયાસ કરવામાં આવી રહ્યો છે. તેથી તેને બંધ કરી દેવો જોઈએ

    પાકિસ્તાની લેડી ‘ચાંદ નવાબ’ સોશિયલ મિડીયામાં વાયરલઃ કરી રહી હતી ઈદનું રિપોર્ટીગ, ખલેલ પહોંચાડનાર છોકરાને મારી ઝાપટ

    ઑપઇન્ડિયા સ્ટાફ
    -
    0
    પાકિસ્તાની લેડી ‘ચાંદ નવાબ’ સોશિયલ મિડીયામાં વાયરલઃ કરી રહી હતી ઈદનું રિપોર્ટીગ, ખલેલ પહોંચાડનાર છોકરાને મારી ઝાપટ

    હાલમાં મુસ્લિમ બિરાદરો ઈદનો તેહવાર મનાવી રહ્યા છે ત્યારે એક વિડીયો વાયરલ થઈ રહ્યો છે. વાત જાણે એમ છે કે ઈદના અવસર પર એક પાકિસ્તાની મહિલા રિપોર્ટર માયરા હાશ્મી ઈદ વિશે રિપોર્ટીગ કરી રહી હતી તે સમયે એક છોકરો વારંવાર વચ્ચે આવતે તેણે તે છોકરાને થપ્પડ મારી હતી, હવે તે છોકરાને થપ્પડ મારતો વીડિયો વાયરલ થયો છે. જેને પાકિસ્તાનની પ્રખ્યાત પત્રકાર નાયલા ઇનાયત સહિત ઘણા લોકોએ સોશિયલ મીડિયા પર મૂક્યો છે.

    વીડિયોમાં જોઈ શકાય છે કે માયરા રિપોર્ટિંગ કરી રહી છે અને ઈદ બાબતે કંઈક કહી રહી છે આજુ બાજુના લોકો પણ કેમેરામાં દેખાઈ રહ્યા છે ત્યારે પરંતુ માઈક નીચે કરે છે અને કેમેરાની સામે આવતા છોકરાને થપ્પડ મારે છે. તે પહેલા પોતાની રિપોર્ટીગ પુરી કરીને થપ્પડ મારવાની હતી પરંતુ કેમેરા ચાલુ હોવાથી સમગ્ર ઘટના વિડીયોમાં કેદ થઈ ગઈ હતી. હવે લોકો તેને સોશિયલ મીડિયા પર શેર કરી રહ્યા છે અને આ રીતે આસપાસની ભીડથી કંટાળીને પોતાની પ્રતિક્રિયા આપનાર રિપોર્ટરને પ્રખ્યાત પાકિસ્તાની પત્રકાર ચાંદ નવાબની લેડી વર્ઝન એટલે કે પાકિસતાની લેડી ‘ચાંદ નવાબ’ અને ચાંદ નવાબની પુત્રી કહેવામાં આવી રહી છે.

    આ વીડિયો જોઈને કેટલાક લોકો હસી રહ્યા છે, પરંતુ કેટલાક એવા પણ છે જેઓ એવો સવાલ પણ કરી રહ્યા છે કે છોકરાને શા માટે થપ્પડ મારવામાં આવી? જો તે છોકરાએ વળતી થપ્પડ મારી હોત તો રિપોર્ટરનું સમ્માન રહેતે?

    કેટલીક મહિલાઓ એવી પણ છે જે રિપોર્ટરની તરફેણમાં આવી છે અને અનુમાન લગાવી રહી છે કે છોકરાએ ગેરવર્તણૂક કરી હશે, જેના કારણે રિપોર્ટર સહન કરી શકી નહીં. એ જ રીતે એક યુઝરે જણાવ્યું કે છોકરો ઘણા સમયથી માયરાને હેરાન કરી રહ્યો હતો. 2-3 વખત ના પાડવા છતાં પણ જ્યારે તે માન્યો ન હતો ત્યારે આ ઘટના બની.

    તમને જણાવી દઈએ કે રવિવારે આખી દુનિયામાં બકરીદની ઉજવણી કરવામાં આવી હતી. માટે આ વીડિયો પણ તે જ દિવસનો માનવામાં આવી રહ્યો છે. ટ્વિટર પર શેર કરવામાં આવેલ આ વીડિયોને લાખો વ્યૂઝ મળી રહ્યા છે. આ દરમિયાન માયરાએ પણ તેને પોતાના એકાઉન્ટ પર શેર કરીને સ્પષ્ટતા કરી છે. ઉર્દૂમાં કરાયેલી ટ્વીટના ગુગલ ટ્રાન્સલેશન પરથી જણાય છે કે માયરા એક પરિવારનો ઈન્ટરવ્યુ લઈ રહી હતી તે દરમિયાન આ છોકરો તે પરિવારને હેરાન કરી રહ્યો હતો, વારંવાર કહેવા છતાં તે માન્યો નહી પછી આ ઘટના બની હતી. જો કે હવે માયરાને લોકો પાકિસતાની લેડી ‘ચાંદ નવાબ’ કહી રહ્યા છે.

    ઉગ્ર દલીલ બાદ ગ્રેટ ખલીએ ટોલ પ્લાઝા પર કથિત રીતે કર્મચારીને થપ્પડ મારી: વિડીયો વાયરલ થયો

    ઑપઇન્ડિયા સ્ટાફ
    -
    0
    ઉગ્ર દલીલ બાદ ગ્રેટ ખલીએ ટોલ પ્લાઝા પર કથિત રીતે કર્મચારીને થપ્પડ મારી: વિડીયો વાયરલ થયો

    ગઈ કાલે (11 જુલાઈ) ભૂતપૂર્વ WWE રેસલર ધ ગ્રેટ ખલી ઉર્ફે દિલીપ રાણાનો એક વીડિયો સોશિયલ મીડિયા પ્લેટફોર્મ પર વાયરલ થયો હતો. જેમાં તે પંજાબના ફિલૌર નજીક લાડોવાલ ટોલ પ્લાઝાના ટોલ કર્મચારીઓ સાથે દલીલ કરતો જોવા મળ્યો હતો. વીડિયોમાં, ખલીએ આરોપ લગાવ્યો કે ટોલ કર્મચારીઓ તેને બ્લેકમેલ કરી રહ્યા હતા જ્યારે ટોલ કર્મચારીઓ આરોપ લગાવી રહ્યા હતા કે તેણે તેમાંથી એકને થપ્પડ મારી હતી. તે જ સમયે, ટોલ કર્મચારીઓ તેને આઈડી કાર્ડ બતાવવા માટે કહી રહ્યા હતા.

    અહેવાલો સૂચવે છે કે ખલી જલંધરથી કરનાલ જઈ રહ્યો હતો. ખલીએ આરોપ લગાવ્યો હતો કે ટોલ પ્લાઝાના કર્મચારીઓ તેની સાથે ફોટોગ્રાફ લેવા માંગતા હતા, પરંતુ તેણે ઇનકાર કર્યો હતો. જે બાદ ટોલ પ્લાઝાના કર્મચારીઓએ તેની સાથે ખરાબ વર્તન કર્યું હતું.

    વિડીયોમાં ટોલ પ્લાઝાના કર્મચારીઓ તેમના વાહનને ઘેરીને તેમની સાથે દલીલ કરતા જોઈ શકાય છે. ખલીની કારને આગળ વધતી અટકાવવા માટે જગ્યાઓ પર બેરિકેડ લગાવવામાં આવ્યા હતા. આ દરમિયાન એક પીસીઆર વાન ત્યાં પહોંચી અને ટોલ પ્લાઝાના કર્મચારીઓએ બેરિકેડ હટાવી દીધા. એક પોલીસ અધિકારી પરિસ્થિતિ સમજવા માટે પહોચ્યો હતો. ટોલ પ્લાઝાના કામદારો અને ખલી બંને પોલીસ અધિકારીને ઘટનાના પોતપોતાના સંસ્કરણો કહેતા જોઈ શકાય છે.

    બેરિકેડ્સ હટાવવામાં આવતા ખલીના ડ્રાઈવરે તેની કાર ખસેડી. જ્યારે ટોલ પ્લાઝાના કર્મચારીએ ફરીથી બેરિકેડ લગાવવાનો પ્રયાસ કર્યો ત્યારે ખલીએ તેને રોક્યો અને પોતાની કાર તરફ ચાલ્યો ગયો. તે જ સમયે ટોલ પ્લાઝાના કર્મચારીએ ખાલી જે દિશામાં જય રહ્યો હતો તે રસ્તે ઈશારો કરતા તેને વાનર કહ્યો હતો.

    ધ ગ્રેટ ખલી 2000માં ઓલ પ્રો રેસલિંગ (APW) માં ડેબ્યું કરીને એક વ્યાવસાયિક કુસ્તીબાજ બન્યો, જે પછી તેણે 2021 માં WCW સાથે કરાર પર હસ્તાક્ષર કર્યા. તે બાદ WWE દ્વારા તેને પ્રમોશન મળ્યું હતું. ભારતીય કુસ્તીબાજે 2001 થી 2006 દરમિયાન ન્યુ જાપાન પ્રો-રેસલિંગ (NJPW), કોન્સેજો મુન્ડિયલ ડી લુચા લિબ્રે (CMLL), અને જાપાનીઝ પ્રમોશન ઓલ જાપાન પ્રો રેસલિંગ (AJPW) જેવા અન્ય વિવિધ કુસ્તી પ્રમોશન માટે પણ કામ કર્યું છે.

    નોંધનીય છે કે ધ ગ્રેટ ખલી થોડા વર્ષો પહેલા WWE છોડીને ભારત પાછો આવી ગયો હતો. હવે તે જલંધરમાં કોન્ટિનેંટલ રેસલિંગ એકેડમી તરીકે ઓળખાતી પોતાની એકેડમી ચલાવે છે, જ્યાં તે નવા કુસ્તીબાજો તૈયાર કરે છે.

    વિરોધ પ્રદર્શનમાં બાળકોનો ઉપયોગ, NCPCRના આદેશ બાદ આદિત્ય ઠાકરે સામે FIR દાખલ કરવામાં આવશે: ‘મેટ્રો મેને’ આરેમાં આદિત્યના જુઠાણાની પોલ ખોલી

    ઑપઇન્ડિયા સ્ટાફ
    -
    0
    વિરોધ પ્રદર્શનમાં બાળકોનો ઉપયોગ, NCPCRના આદેશ બાદ આદિત્ય ઠાકરે સામે FIR દાખલ કરવામાં આવશે: ‘મેટ્રો મેને’ આરેમાં આદિત્યના જુઠાણાની પોલ ખોલી

    વિરોધ પ્રદર્શનમાં બાળકોનો ઉપયોગ બદલ નેશનલ કમિશન ફોર પ્રોટેક્શન ઑફ ચાઇલ્ડ રાઇટ્સ (NCPCR) એ શિવસેનાના નેતા આદિત્ય ઠાકરે સામે FIR નોંધવાની માંગ કરી હતી. ‘આરે વન બચાવો’ અભિયાનમાં બાળકોનો ઉપયોગ કરવાની બાબતનું સંજ્ઞાન લેતા NCPCRએ મુંબઈ પોલીસને નોટિસ મોકલી છે. નોટિસ અનુસાર, આયોગને ફરિયાદ મળી છે કે આદિત્ય ઠાકરેએ શિવસેના યુવા સેલના આરે બચાવો વિરોધ દરમિયાન રાજકીય અભિયાનમાં વિરોધ પ્રદર્શનમાં બાળકોનો ઉપયોગ કર્યો હતો.

    તેમણે આ મામલે ટ્વિટરની એક લિંક પણ શેર કરી છે. આમાં બાળકો પ્રદર્શન દરમિયાન હાથમાં પ્લેકાર્ડ લઈને ઉભા દેખાય છે. પંચે કહ્યું હતું કે આને ધ્યાનમાં રાખીને, પંચ આરોપીઓ સામે તાત્કાલિક એફઆઈઆર નોંધીને મામલાની તપાસ કરવા વિનંતી કરે છે. તેમાં કહેવામાં આવ્યું છે કે આ પત્ર મળ્યાના ત્રણ દિવસમાં કાર્યવાહીનો અહેવાલ, એફઆઈઆરની નકલ અને બાળકોના નિવેદનો કમિશનને સબમિટ કરવામાં આવે.

    મુંબઈના ગોરેગાંવમાં આરે કોલોનીમાં મેટ્રો શેડના નિર્માણ માટે વૃક્ષો કાપવાનો નિર્ણય લેવાયો હતો. શિવસેના વૃક્ષો કાપવાનો વિરોધ કરી રહી હતી. તે વિરોધ પ્રદર્શનમાં આદિત્ય ઠાકરેની આગેવાનીમાં ઘણા સગીર બાળકો પણ પ્લેકાર્ડ દર્શાવીને પ્રદર્શનમાં સામેલ થયા હતા. NCPCRએ આ અંગે સંજ્ઞાન લીધું છે.

    તે જ સમયે, આદિત્ય ઠાકરે દ્વારા કાર શેડ વિશે ખોટું બોલવાનો મામલો રવિવારે (10 જુલાઈ, 2022) પ્રકાશમાં આવ્યો છે. ગઈકાલે વિરોધ દરમિયાન આરે વિરોધ સ્થળે મીડિયા સાથે વાત કરતા શિવસેનાના નેતા આદિત્ય ઠાકરેએ કહ્યું હતું કે, “આ મુંબઈની લડાઈ છે, જીવનની લડાઈ છે. અમે જંગલ માટે અને અમારા આદિવાસીઓના રક્ષણ માટે લડ્યા. જ્યારે અમે અહીં હતા ત્યારે કોઈ વૃક્ષો કાપવામાં આવ્યા ન હતા. ટ્રેનો કાર શેડમાં દર 3-4 મહિનામાં એકવાર જાળવણી માટે જાય છે, દરરોજ રાત્રે નહીં.”

    અત્રે એ નોંધનીય છે કે થોડા દિવસ પહેલા જ આદિત્ય ઠાકરે સરકારમાં હતા અને તેમને આખા પ્રોજેક્ટની જાણ હોવી જોઈતી હતી. તેમ છતાં આદિત્ય ઠાકરેએ કહ્યું કે મેટ્રો ટ્રેનને બેથી ત્રણ મહિનામાં એકવાર કાર શેડમાં મોકલવી પડશે. જ્યારે આયોજકે આ પ્રશ્નનો જવાબ આપવા માટે મેટ્રો મેન ઇ શ્રીધરનને ફોન કર્યો ત્યારે સત્ય કઈક અલગજ સામે આવ્યું હતું.

    આ પ્રશ્નના જવાબમાં, મેટ્રો મેન ઇ શ્રીધરને કહ્યું, “જો મેટ્રો રેલ નેટવર્ક મોટું હોય, તો તેને નિયમિતપણે જાળવણી માટે કાર શેડમાં લઈ જવાની જરૂર છે અને જો નાનું હોય તો બે દિવસમાં એકવાર. આ વિઝીટ સલામતી પ્રમાણપત્ર માટે છે, જેમાંથી પસાર થયા પછીજ ટ્રેનો દોડી શકે છે.”

    શ્રીધરનના જણાવ્યા અનુસાર, મેટ્રો રેલને બેથી ત્રણ મહિનામાં એકવાર કાર શેડની મુલાકાત લેવાની જરૂર છે તે નિવેદન સંપૂર્ણપણે ખોટું છે.

    શ્રીધરન ઉમેરે છે કે મેટ્રો કાર રેકને સ્થિર કરવાની જરૂર હોવાથી, તેને નિયમિતપણે મેટ્રો કાર શેડમાં લઈ જવાની જરૂર હોય છે, મુખ્ય લાઇન પરના તમામ રેકને સ્થિર કરી શકાતા નથી. તેમણે કહ્યું કે હકીકતમાં, કાર શેડ મેટ્રો રેલની સલામતી અને સંચાલન માટેનું ‘બ્રેઈન સેન્ટર’ છે.

    ઓર્ગેનાઈઝરના અહેવાલ મુજબ, જ્યારે પૂછવામાં આવ્યું કે મેટ્રો રેલને બે-ત્રણ મહિનામાં એકવાર કારશેડમાં જવું પડે છે, તે શું છે? ત્યરે શ્રીધરને સમજાવ્યું હતું કે, ત્યાં બે પ્રકારના ઓવરહોલ હોય છે, જ્યાં મેટ્રો રેલ કારના દરેક પાસાઓની તપાસ કરવામાં આવે છે.

    પહેલું છે પીરિયડિક ઓવરહોલ (POH) હોયછે જે બે-ત્રણ વર્ષમાં એકવાર થાય છે અને બીજું ઇન્ટરમીડિયેટ ઓવરહોલ (IOH) છે, જે બે-ત્રણ મહિનામાં એકવાર થાય છે.

    અહીં તેમના શબ્દોથી એક વાતની પુષ્ટિ થાય છે કે મેટ્રો રેલને મોટા નેટવર્ક માટે કારશેડની જરૂર છે જ્યાં મેટ્રો દરરોજ ચેક કરી શકાય અને નાના નેટવર્ક માટે બેથી ત્રણ દિવસમાં ઓછામાં ઓછું એક વાર.

    મુંબઈની 16 વર્ષની યુવતીને કાશ્મીરથી આપી રહ્યો હતો ધમકી ફૈયાઝ, પકડાઈ ગયો: કન્હૈયા લાલની હત્યાના વિરોધમાં સગીર યુવતીએ કરી હતી પોસ્ટ

    ઑપઇન્ડિયા સ્ટાફ
    -
    0
    મુંબઈની 16 વર્ષની યુવતીને કાશ્મીરથી આપી રહ્યો હતો ધમકી ફૈયાઝ, પકડાઈ ગયો: કન્હૈયા લાલની હત્યાના વિરોધમાં સગીર યુવતીએ કરી હતી પોસ્ટ

    રાજસ્થાનના ઉદયપુરમાં કન્હૈયા લાલની ઘાતકી હત્યાના વિરોધમાં ફેસબુક પર પોસ્ટ કરવા બદલ મુંબઈની સગીર છોકરીને જાનથી મારી નાખવાની ધમકી આપનાર વ્યક્તિની ધરપકડ કરવામાં આવી છે. 30 વર્ષીય આરોપી ફૈયાઝ કાશ્મીરનો રહેવાસી છે. જમ્મુ-કાશ્મીરના બડગામથી 9 જુલાઈએ તેની ધરપકડ કરવામાં આવી હતી. આરોપીને 3 દિવસના પોલીસ રિમાન્ડ પર મોકલવામાં આવ્યો છે.

    દક્ષિણ મુંબઈના ગિરગાંવની એક 16 વર્ષની છોકરીએ થોડા દિવસો પહેલા કન્હૈયા લાલની હત્યાના વિરોધમાં પોતાની ફેસબુક વોલ પર પોસ્ટ કરી હતી. આ પછી, તેને 1 જુલાઈના રોજ મોડી રાત્રે ત્રણ નંબરો પરથી કોલ અને વોટ્સએપ મેસેજ આવ્યા હતા. મુંબઈની સગીર છોકરીને ફોન કરનારાઓએ કન્હૈયા લાલને ટેકો આપવા બદલ તેને જાનથી મારી નાખવાની ધમકીઓ અને અભદ્ર ગાળો આપી હતી. જે બાદ અમુક કલાકો સુધી આમ કોલિંગ અને મેસેજિંગની ચાલુ જ રહ્યા હતા. જે બાદ યુવતીના પિતાએ પોલીસમાં ફરિયાદ નોંધાવી હતી. છોકરીના પિતાની ફરિયાદ પર, વીપી રોડ પોલીસે ભારતીય દંડ સંહિતાની કલમ 506(2) અને 509 હેઠળ કેસ નોંધ્યો હતો.

    આરોપી ફૈયાઝને 9 જુલાઈની સાંજે મુંબઈ લાવવામાં આવ્યો હતો. અહીં તેને સોમવારે (11 જુલાઈ 2022) ના રોજ કોર્ટમાં રજૂ કરવામાં આવ્યો હતો, જ્યાંથી તેને ત્રણ દિવસની પોલીસ કસ્ટડીમાં મોકલવામાં આવ્યો હતો. અધિકારીઓએ જણાવ્યું હતું કે, આ મામલે વધુ તપાસ ચાલુ છે.

    ગત મહિને ઉદયપુરમાં કરાઇ હતી કન્હૈયાલાલની ઘાતકી હત્યા

    નોંધનીય છે કે કન્હૈયા લાલની 28 જૂને રાજસ્થાનના ઉદયપુરમાં તેની દુકાનમાં સોશિયલ મીડિયા પર ભારતીય જનતા પાર્ટીના પૂર્વ પ્રવક્તા નુપુર શર્માને સમર્થન કરતી પોસ્ટ શેર કરવા બદલ હત્યા કરવામાં આવી હતી. આના લગભગ એક અઠવાડિયા પહેલા એટલે કે 22 જૂને મહારાષ્ટ્રના અમરાવતી શહેરમાં આ કારણોસર કેમિસ્ટ ઉમેશ કોલ્હેની હત્યા કરવામાં આવી હતી.

    રાષ્ટ્રપતિપદના સંયુક્ત વિપક્ષ ઉમેદવાર યશવંત સિંહાએ રાષ્ટ્રપતિની ચૂંટણી પહેલાં જ જાહેરમાં પોતાનું અજ્ઞાન પ્રદર્શિત કરી દીધું

    ઑપઇન્ડિયા સ્ટાફ
    -
    0
    રાષ્ટ્રપતિપદના સંયુક્ત વિપક્ષ ઉમેદવાર યશવંત સિંહાએ રાષ્ટ્રપતિની ચૂંટણી પહેલાં જ જાહેરમાં પોતાનું અજ્ઞાન પ્રદર્શિત કરી દીધું

    રાષ્ટ્રપતિપદના સંયુક્ત વિપક્ષ ઉમેદવાર યશવંત સિંહાએ રાષ્ટ્રપતિની ચૂંટણી પહેલા કેન્દ્રીય એજન્સીઓ પર ગંભીર આરોપ લગાવ્યા હતા. સોમવારે (11 જુલાઈ), ‘સંયુક્ત વિપક્ષ’ રાષ્ટ્રપતિ પદના ઉમેદવાર ભૂતપૂર્વ TMC નેતા અને રાષ્ટ્રપતિપદના સંયુક્ત વિપક્ષ ઉમેદવાર યશવંત સિંહાએ દાવો કર્યો કે જો તેઓ ભારતના રાષ્ટ્રપતિના પ્રખ્યાત પદ માટે નિયુક્ત થાય તો કેન્દ્રીય તપાસ એજન્સીઓનો ‘દુરુપયોગ’ અટકાવશે.

    જયપુરમાં આયોજિત પત્રકાર પરિષદ દરમિયાન તેમણે આ નિવેદન આપ્યું હતું. સિંહાની સાથે કોંગ્રેસના નેતા અને રાજસ્થાનના મુખ્યમંત્રી અશોક ગેહલોત પણ હતા. તેમણે કહ્યું હતું કે ભારતના 15મા રાષ્ટ્રપતિ તરીકે તેમના શપથ લીધા પછી તરત જ કેન્દ્રીય એજન્સીઓનો ‘દુરુપયોગ’ બંધ થઈ જશે.

    તો બીજી તરફ રાષ્ટ્રપતિ તરીકે નિમણૂક કરવા માટે તેમની પાસે પુરતા આંકડાઓ નથી તે જાણ્યા પછી, યશવંત સિંહાએ તેમને સમર્થન આપવા અપીલ કરી હતી. તેમણે ધ્યાન દોર્યું કે રાષ્ટ્રપતિની ચૂંટણી દરમિયાન પક્ષનો વ્હીપ લાગુ પડતો નથી અને મતદાન ગુપ્ત મતદાનવિધિ દ્વારા કરવામાં આવે છે.

    સિન્હાએ વધુમાં આરોપ લગાવ્યો કે, “કોમી રમખાણ કરીને વિવિધ રાજ્યોમાં ચૂંટાયેલી સરકારોને હટાવવાનો પ્રયાસ કરવામાં આવી રહ્યો છે. આ બાબત તાજેતરમાં મહારાષ્ટ્ર અને ગોવામાં જોવા મળી હતી.” તેમણે રૂપિયા-ડોલરના વિનિમય દર અને આર્થિક વૃદ્ધિને લઈને પણ મોદી સરકાર પર આકરા પ્રહારો કર્યા હતા.

    તેઓ એવું કહેતા પણ નજરે આવ્યાં હતા કે “આ તે એજન્સીઓ સામે પણ લડત છે જેનો કેન્દ્ર દ્વારા દુરુપયોગ કરવામાં આવી રહ્યો છે. મને ખબર નથી કે ચૂંટણી પછી મારું શું થશે,”

    ભૂતપૂર્વ ટીએમસી નેતા સિંહાએ કાર્યકાળ પૂર્ણ કરી રહેલા રાષ્ટ્રપતિ રામનાથ કોવિંદની અખંડિતતા પર આક્ષેપ કર્યો હોવાનું જણાયું હતું, તેમણે દાવો કર્યો હતો કે. “જો આપણે છેલ્લા પાંચ વર્ષની વાત કરીએ તો તે રાષ્ટ્રપતિ ભવનમાં મૌનનો સમય હતો. અમે મૌન રાષ્ટ્રપતિ જોયા,”

    રાજકીય પક્ષોએ પણ પક્ષ બદલવાના તેમના નિર્ણયને તર્કસંગત બનાવવાનો પ્રયાસ કર્યો. તેમણે દાવો કર્યો હતો કે વાજપેયી યુગમાં સર્વસંમતિની રાજનીતિ હતી જ્યારે પીએમ નરેન્દ્ર મોદીના કાર્યકાળ દરમિયાન તે સંઘર્ષ સુધી સીમિત રહી છે.

    ભારતના રાષ્ટ્રપતિ માત્ર નજીવા વડા

    એ ઉલ્લેખ કરવો આવશ્યક છે કે ભારત સરકારની સંસદીય પ્રણાલીને અનુસરે છે અને રાષ્ટ્રપતિની સત્તાઓ મર્યાદિત છે. યુનાઇટેડ સ્ટેટ્સથી વિપરીત, ભારતના રાષ્ટ્રપતિ દેશના નામમાત્ર જ વડા છે. તે પોતાની રીતે નિર્ણયો લઈ શકતા નથી અને સરકારના વડા એટલે કે વડા પ્રધાનની અધ્યક્ષતામાં પ્રધાનમંડળની સલાહ પર જ કાર્ય કરે છે. યશવંત સિંહના દાવા મુજબ એજન્સીઓ સત્ય સાથે સંકળાયેલી નથી.

    ભારતના 15મા રાષ્ટ્રપતિ માટે આ વર્ષે 18મી જુલાઈના રોજ ચૂંટણી યોજાવાની છે. નિર્ણાયક ચૂંટણી પાછળના જટિલ ગણિત પરથી એ સ્પષ્ટ થાય છે કે યશવંત સિન્હાની જીતની શક્યતાઓ ખુબ ઓછી છે.

    હવે ઝારખંડના મુખ્યમંત્રીના જિલ્લામાં પણ શરિયત શાસન: રવિવારને બદલે શુક્રવારે રજા રાખવા સરકારી શાળાઓના નામમાં ‘ઉર્દૂ’ ઉમેરવામાં આવ્યું

    ઑપઇન્ડિયા સ્ટાફ
    -
    0
    હવે ઝારખંડના મુખ્યમંત્રીના જિલ્લામાં પણ શરિયત શાસન: રવિવારને બદલે શુક્રવારે રજા રાખવા સરકારી શાળાઓના નામમાં ‘ઉર્દૂ’ ઉમેરવામાં આવ્યું

    ઝારખંડના મુખ્યમંત્રીના (Jharkhand CM) જિલ્લામાં શરિયત શાસન હવે અજગરની માફક ભરડો લેતું જોવા મળી રહ્યું છે. ઝારખંડના જામતાડા બાદ મુખ્યમંત્રી હેમંત સોરેનના ગૃહ જિલ્લા દુમકામાં પણ કેટલીક શાળાઓને ઉર્દૂ શાળાઓમાં પરિવર્તિત કરવાનો મામલો સામે આવ્યો છે. એવી 33 થી વધુ શાળાઓ મળી આવી છે જે સરકારી હોવા છતાં રવિવાર નહીં પણ શુક્રવારે એટલે કે જુમ્માની રજા આપે છે. ઝારખંડના મુખ્યમંત્રીના જિલ્લામાં શરિયત શાસન લાગું થતું નજરે પડે છે.

    હિન્દુસ્તાનના અહેવાલમાં પણ એવો દાવો કરવામાં આવ્યો છે કે ઝારખંડના જામતાડામાં શાળાઓને ઉર્દૂ શાળાઓમાં પરિવર્તિત કરવાના મામલા બાદ તેણે દુમકામાં (Dumka) પોતાની રીતે તપાસ કરી હતી. અહીં તેમને ખબર પડી કે આવી 33 થી વધુ શાળાઓ છે જે સંપૂર્ણ પણે ઉર્દૂ શાળાઓમાં ફેરવાઈ ગઈ છે.

    તેમના મધ્યાહન ભોજનના મેનૂ પર એવું પણ લખેલું છે કે બાળકોને ત્યાં રવિવારે પણ ભોજન આપવામાં આવે છે અને શુક્રવારે તેમની જુમ્માની રજા હોય છે. રિપોર્ટ અનુસાર, પ્રશાસનને જાણ કર્યા વિના જે શાળાઓને ઉર્દૂ શાળાઓમાં (Urdu School) પરિવર્તિત કરવામાં આવી છે તે તમામ શાળાઓ મુસ્લિમ બહુમતીવાળા વિસ્તારોમાં આવેલી છે.

    તેમાંથી 10 ઉર્દૂ શાળાઓ શિકારીપાડામાં છે જ્યારે જામા, જાર્મુંડી, કાઠીકુંડ અને દુમકામાં 2-2 શાળાઓ છે. એ જ રીતે સરૈયાહાટમાં 7 અને રાણેશ્ર્વરમાં 8 ગેરકાયદેસર ઉર્દૂ શાળાઓની ઓળખ કરવામાં આવી છે.

    સરકારી શાળાઓમાં (Government School) કરવામાં આવેલા આ ફેરફાર અંગે જિલ્લા શિક્ષણ અધિક્ષક સંજય કુમાર દાસે કહ્યું છે કે તેમણે દરેક બ્લોકમાંથી રિપોર્ટ મંગાવ્યો છે. તે જાણવામાં આવી રહ્યું છે કે કયા સંજોગોમાં આ રીતે સરકારી શાળાઓમાં શુક્રવારે રવિવારની રજા આપવામાં આવી છે અને આ શાળાઓ સાથે ઉર્દૂ કેવી રીતે જોડાયેલું છે. સંજય કુમાર દાસે કહ્યું છે કે રિપોર્ટ આવ્યા બાદ તેઓ આ મામલે પોતાની રીતે તપાસ કરશે અને ત્યારબાદ દોષિતો સામે કાર્યવાહી કરવામાં આવશે.

    ઉલ્લેખનીય છે કે દુમકામાં જે શાળાઓમાં આ ફેરફારની ફરિયાદ કરવામાં આવી છે તે સરકારી શાળાઓ છે મદરેસા નથી. આ પહેલા ઝારખંડના જામતારામાં પણ આવો કિસ્સો સામે આવ્યો હતો. દુમકાના સાંસદે જ કેન્દ્રીય મંત્રી ધર્મેન્દ્ર પ્રધાનને (Dharmendra Peadhan) પત્ર લખીને જણાવ્યું હતું કે કેવી રીતે જિલ્લાની 100 થી વધુ મુસ્લિમ બહુમતીવાળી શાળાઓને રવિવારના બદલે શુક્રવારે રજા આપવામાં આવે છે અને ઉર્દૂ શાળા ન હોય તેવી શાળાઓને પણ ઉર્દૂ શાળાઓ બનાવવાનું ષડયંત્ર છેલ્લા કેટલાક વર્ષોથી ચાલી રહ્યું છે.

    તેમના પત્રમાં તેમણે કહ્યું હતું કે દરેક સમુદાયના બાળકો આ શાળાઓમાં જાય છે. આવી સ્થિતિમાં તેની તેમના માનસ પર ખૂબ જ વિપરીત અસર પડે છે. એકરૂપતા જાળવવા માટે, તેમણે માંગ કરી છે કે શાળાઓમાં રવિવારને રજા તરીકે નક્કી કરવામાં આવે અને કેટલાક બ્લોકમાં શાળાઓ નિયમોનો ભંગ કેવી રીતે કરે છે તેની નોંધ લેવામાં આવે.

    રાજ્યના શિક્ષણ મંત્રી જગરનાથ મહતોએ કહ્યું કે આ માહિતી મળતાં જ તેમણે સંબંધિત અધિકારીઓ સાથે ચર્ચા કરી અને એક સપ્તાહમાં રિપોર્ટ માંગવામાં આવ્યો છે. તેના આધારે આગળની કાર્યવાહી કરવામાં આવશે અને સરકારની સૂચનાઓનું પાલન કરવામાં આવશે.

    નોંધનીય છે કે થોડા દિવસો પહેલા ઝારખંડમાંથી જ એક કિસ્સો સામે આવ્યો હતો જ્યાં સ્થાનિક મુસ્લિમ લોકોએ તેમની વસ્તીને ધ્યાનમાં રાખીને શાળાના નિયમો બદલવા માટે શાળા પર દબાણ કર્યું હતું. આ પછી શાળાની પ્રાર્થના અને પ્રાર્થનાની રીત બધુ જ બદલાઈ ગયું હતું.

    જે પક્ષનો પ્રચાર કરતી વખતે શિન્ઝો આબેની હત્યા થઇ, તે પક્ષે જાપાનની ચૂંટણીમાં પ્રચંડ જીત મેળવી

    ઑપઇન્ડિયા સ્ટાફ
    -
    0
    જે પક્ષનો પ્રચાર કરતી વખતે શિન્ઝો આબેની હત્યા થઇ, તે પક્ષે જાપાનની ચૂંટણીમાં પ્રચંડ જીત મેળવી

    જે પક્ષનો પ્રચાર કરતી વખતે શિન્ઝો આબેની હત્યા થઇ, તે પક્ષે જાપાનની ચૂંટણીમાં પ્રચંડ જીત મેળવી, જાપાનના ઉચ્ચ ગૃહ, હાઉસ ઓફ કાઉન્સિલરોમાં જે બેઠકો માટે ચૂંટણી યોજાઈ હતી તેના પરિણામો જાહેર કરવામાં આવ્યા છે. શાસક લિબરલ ડેમોક્રેટિક પાર્ટી (LDP) અને તેના ગઠબંધન ભાગીદારે આ ચૂંટણીઓમાં જંગી જીત મેળવી હતી. આ ચૂંટણીઓ માટે LDP માટે પ્રચાર કરતી વખતે ભૂતપૂર્વ વડા પ્રધાન શિન્ઝો આબેની હત્યા કરવામાં આવી હતી. વર્તમાન વડાપ્રધાન ફ્યુમિયો કિશિદા પણ આ પાર્ટીના સભ્ય છે.

    લિબરલ ડેમોક્રેટિક પાર્ટી અને ગઠબંધન સાથી કોમેટોએ મળીને 76 બેઠકો જીતી હતી. તેમાંથી એકલા લિબરલ ડેમોક્રેટિક પાર્ટીએ 63 સીટો જીતી હતી. આ સાથે, એલડીપી ગઠબંધન પાસે 248 સભ્યોના ઉપલા ગૃહમાં 166 બેઠકો છે, એમ જાપાનની ક્યોડો ન્યૂઝ એજન્સી અનુસાર. 2013 પછી એલડીપીનું આ સર્વશ્રેષ્ઠ પ્રદર્શન છે. જાપાનની મુખ્ય વિપક્ષ કોન્સ્ટિટ્યુશનલ ડેમોક્રેટિક પાર્ટી કે જેની પાસે 23 બેઠકો હતી તે હવે ઘટીને 17 થઈ ગઈ છે.

    સંસદીય ચૂંટણીમાં જીત બાદ પણ લિબરલ ડેમોક્રેટિક પાર્ટીમાં વિજયની ઉજવણીને બદલે અંધકારમય વાતાવરણ જોવા મળ્યું હતું. વડા પ્રધાન ફ્યુમિયો કિશિદા રવિવારે મોડી રાત્રે (10 જુલાઈ 2022) મીડિયા સમક્ષ હાજર થયા. આ દરમિયાન એલડીપીના અધિકારીઓએ તેમની શોક વ્યક્ત કરવા માટે કાળી ટાઈ અને રિબન સાથે કાળા કપડાં પહેર્યા હતા. તેમણે શિન્ઝો આબેની હત્યા પર મૌન સેવ્યું હતું. ચૂંટણીના બે દિવસ પહેલા શુક્રવારે (8 જુલાઈ 2022) તેમને ગોળી મારી દેવામાં આવી હતી.

    આબેના હત્યાંના સંદર્ભમાં, કિશિદાએ કહ્યું, “હિંસા ચૂંટણી પ્રક્રિયાને જોખમમાં મૂકે છે, જે આપણી લોકશાહીનો પાયો છે. હું દરેક કિંમતે આ ચૂંટણીમાંથી પસાર થવા માટે મક્કમ હતો. હું લોકશાહીના રક્ષણ માટે સખત મહેનત કરવાનું ચાલુ રાખીશ.” સાથોસાથ, કિશિદાએ બંધારણમાં સુધારો કરવાની યોજનાને આગળ ધપાવવાનું વચન આપ્યું હતું. પીએમ કિશિદાએ કહ્યું કે હવે તેમણે દેશની આર્થિક સ્થિતિ, યુક્રેન યુદ્ધના કારણે વધતી મોંઘવારી, નવી મૂડીવાદ, મુત્સદ્દીગીરી, સુરક્ષા, બંધારણીય સુધારા જેવા મુદ્દાઓનો સામનો કરવો પડશે . તેમણે કહ્યું છે કે તે આ દિશામાં કામ કરવાનું ચાલુ રાખશે.

    ઉલ્લેખનીય છે કે, 8 જુલાઈના રોજ શિન્ઝો આબે જાપાનના નારા શહેરમાં એક ચૂંટણી કાર્યક્રમને સંબોધિત કરી રહ્યા હતા. આ દરમિયાન એક વ્યક્તિએ પાછળથી ગોળીબાર કર્યો હતો. જેમાં આબેને ગોળી વાગી હતી અને તે સ્થળ પર જ લોહીના ખાબોચિયામાં પડેલા હતા. તેમને તાત્કાલિક હોસ્પિટલ લઈ જવામાં આવ્યા, પરંતુ તેમને બચાવી શકાયા નહીં . આબે જાપાનના સૌથી લાંબા સમય સુધી સેવા આપતા વડાપ્રધાન હતા. નાદુરસ્ત તબિયતના કારણે ઓગસ્ટ 2020માં આબેએ રાજીનામું આપ્યું હતું. આબે વડાપ્રધાન નરેન્દ્ર મોદીના ખાસ મિત્ર હતા. પીએમ મોદી અને શિન્ઝો ઘણા પ્રસંગોએ એકબીજાને યાદ કરી ચૂક્યા છે. ગયા વર્ષે ભારતે શિન્ઝો આબેને પદ્મ વિભૂષણથી સન્માનિત કર્યા હતા .

    શિવસેનાના 19માંથી 16 સાંસદોએ ઉદ્ધવ ઠાકરેને એનડીએના રાષ્ટ્રપતિ પદના ઉમેદવાર દ્રૌપદી મુર્મુને સમર્થન આપવા સૂચન કર્યું, રાઉત યશવંત સિન્હા તરફ ઢળ્યા

    ઑપઇન્ડિયા સ્ટાફ
    -
    0
    શિવસેનાના 19માંથી 16 સાંસદોએ ઉદ્ધવ ઠાકરેને એનડીએના રાષ્ટ્રપતિ પદના ઉમેદવાર દ્રૌપદી મુર્મુને સમર્થન આપવા સૂચન કર્યું, રાઉત યશવંત સિન્હા તરફ ઢળ્યા

    18 જુલાઈએ યોજાનાર રાષ્ટ્રપતિ ચૂંટણી પહેલા આજે શિવસેનાના 16 સાંસદોએ ઉદ્ધવ ઠાકરેને વિપક્ષના ઉમેદવાર યશવંત સિંહાને બદલે NDAના ઉમેદવાર દ્રૌપદી મુર્મુને સમર્થન આપવા વિનંતી કરી છે. નોંધનીય છે કે ઉદ્ધવને તાજેતરમાં જ ભારે બળવોનો સામનો કર્યા બાદ મહારાષ્ટ્રના મુખ્યમંત્રી પદ પરથી હાંકી કાઢવામાં આવ્યા હતા.

    સોમવારે (11 જુલાઈ) બપોરે મુંબઈમાં તેમના નિવાસસ્થાન માતોશ્રી ખાતે ઉદ્ધવ ઠાકરે દ્વારા બોલાવવામાં આવેલી બેઠકમાં આ માંગણી કરવામાં આવી હતી. જ્યારે શિવસેનાના રાજ્યસભા સાંસદ સંજય રાઉતે યશવંત સિન્હાના નામની વકીલાત કરી હતી. રાષ્ટ્રપતિની ચૂંટણી દરમિયાન શિવસેનાના સાંસદો કોને વોટ આપવા માગે છે તે જાણવા માટે ઉદ્ધવ ઠાકરેએ બેઠક બોલાવી હતી.

    શિવસેનાના ઘણા સાંસદોએ ઉદ્ધવ ઠાકરે સાથે ભવિષ્યમાં ભાજપ અને એકનાથ શિંદે સાથે હાથ મિલાવવાની વાત પણ કરી હતી. સાંસદોએ ઉદ્ધવ ઠાકરેને કહ્યું કે જે રીતે એકનાથ શિંદે અને ભાજપે મહારાષ્ટ્રમાં સત્તા બનાવી છે તેમની સાથે હાથ મિલાવવું પાર્ટીના હિતમાં રહેશે. હાલમાં ઉદ્ધવ ઠાકરેએ સાંસદોના આ પ્રસ્તાવ પર કોઈ નિર્ણય લીધો નથી.

    શિવસેના પ્રમુખે તેમના સાંસદોને ખાતરી આપી છે કે તેઓ આગામી 2-3 દિવસમાં રાષ્ટ્રપતિ ચુંટણીમાં કોને મત આપવો એ વિષે અંતિમ નિર્ણય લેશે.

    નોંધનીય છે કે સોમવારે ઉદ્ધવ ઠાકરે દ્વારા બોલાવવામાં આવેલી બેઠકમાં લોકસભાના માત્ર 12 અને રાજ્યસભાના બે સભ્યો જ હાજર રહ્યા હતા. લોકસભામાં પાર્ટીના કુલ 19 સાંસદો છે. એનડીટીવીએ શિવસેનાના સાંસદ ગજાનન કીર્તિકરને ટાંકીને જણાવ્યું હતું કે તમામ સોળ સાંસદો સંમત થયા હતા કે દ્રૌપદી મુર્મુ “એક આદિવાસી મહિલા છે અને તેથી તેમને જ મત આપવો જોઈએ”.

    શિવસેના સાંસદે દ્રૌપદી મુર્મુને સમર્થન આપવા ઉદ્ધવ ઠાકરેને પત્ર લખ્યો

    ઉલ્લેખનીય છે કે, ગયા અઠવાડિયે શિવસેનાના સાંસદ રાહુલ શેવાળેએ ઉદ્ધવ ઠાકરેને પત્ર લખીને પાર્ટીને દ્રૌપદી મુર્મુને સમર્થન આપવા જણાવ્યું હતું. “દ્રૌપદી મુર્મુ આદિવાસી સમુદાયમાંથી આવે છે અને સામાજિક જીવનમાં તેમનું ઘણું યોગદાન છે,” શેવાલેએ કહ્યું, ઠાકરેને તે મુજબ પક્ષના સાંસદોને સૂચનાઓ આપવાનું પણ સૂચવ્યું હતું.

    મહારાષ્ટ્રની પાલઘર લોકસભા સીટ પરથી શિવસેનાના અન્ય એક સાંસદ રાજેન્દ્ર ગાવિતે પણ 18 જુલાઈની રાષ્ટ્રપતિની ચૂંટણીમાં દ્રૌપદી મુર્મુની ઉમેદવારીને સમર્થન આપવા પાર્ટી સુપ્રીમોને વિનંતી કરી હતી.

    કાર્યવાહીથી જાણકાર સેનાના એક સાંસદના જણાવ્યા અનુસાર, પાર્ટીએ હજુ સુધી રાષ્ટ્રપતિની ચૂંટણી પર પોતાનું વલણ જાહેર કર્યું નથી. “ગુપ્ત મતદાન દ્વારા ચૂંટણી યોજાવાને કારણે ક્રોસ વોટિંગની શક્યતા છે. આખરે, તે શિવસૈનિકો હશે જેઓ એકબીજા સાથે લડી રહ્યા છે. શેવાલેનો પત્ર એ બે જૂથો વચ્ચે સમાધાન લાવવાનો પ્રયાસ છે,” બીજા સાંસદે કહ્યું.

    શિવસેનાના સાંસદ અને પક્ષના સચિવ વિનાયક રાઉતે કહ્યું કે, “શિવસેના સંયુક્ત પ્રગતિશીલ ગઠબંધન (યુપીએ) અને મહા વિકાસ અઘાડી (એમવીએ) સાથે છે અને યોગ્ય સમયે નિર્ણય લેશે.”

    નોંધનીય છે કે શિવસેનાએ એનડીએની સભ્ય રહીને રાષ્ટ્રપતિની ચૂંટણીમાં ભાજપથી બે વખત અલગ થઈ હતી. તેણે 2012માં પી એ સંગમા પર પ્રણવ મુખર્જીને સમર્થન આપ્યું હતું અને 2007માં એનડીએના ભૈરોન સિંહ શેખાવત પર કૉંગ્રેસના ઉમેદવાર મહારાષ્ટ્ર મૂળના પ્રતિભા પાટિલને સમર્થન આપ્યું હતું.

    ‘જો ઝુબેરને આજે જામીન નહીં મળે, તો તારા આખા પરિવારને મારી નાખીશું’: જેણે AltNewsના સહ-સ્થાપક વિરુદ્ધ FIR નોંધાવી, તેને કોર્ટમાં જતી વખતે 4 લોકોએ ઘેરીને ધમકાવ્યા

    राहुल पाण्डेय
    -
    0
    ‘જો ઝુબેરને આજે જામીન નહીં મળે, તો તારા આખા પરિવારને મારી નાખીશું’: જેણે AltNewsના સહ-સ્થાપક વિરુદ્ધ FIR નોંધાવી, તેને કોર્ટમાં જતી વખતે 4 લોકોએ ઘેરીને ધમકાવ્યા

    કથિત ફેક્ટ ચેકર અને AltNews ના સહ-સ્થાપક મોહમ્મદ ઝુબેરને સોમવારે (11 જુલાઈ 2022) ઉત્તર પ્રદેશના લખીમપુર ખેરીના મોહમ્મદી ખાતેની અદાલત દ્વારા 14 દિવસની ન્યાયિક કસ્ટડીમાં મોકલવામાં આવ્યો હતો. દરમિયાન, ઝુબેર વિરુદ્ધ ફરિયાદ નોંધાવનાર વ્યક્તિને ધમકી આપવાનો મામલો સામે આવ્યો છે. ફરિયાદી આશિષ કટિયારે પોલીસને રક્ષણ માટે અરજી કરી છે. તે કહે છે કે સોમવારે ઘરેથી કોર્ટમાં આવી રહ્યો હતો ત્યારે કેટલાક લોકોએ તેને તેના પરિવારને મારી નાખવાની ધમકી આપી હતી.

    આ કેસમાં ઝુબેર વતી મોહમ્મદીની કોર્ટમાં જામીન અરજી પણ દાખલ કરવામાં આવી છે. આ મામલે 13 જુલાઈના રોજ સુનાવણી થશે. ફરિયાદી આશિષ કટિયારના વકીલ બીકે ત્રિવેદીએ પણ લાંબા સમયથી ઝુબેર વિરુદ્ધ એફઆઈઆર પર લખીમપુર ખેરી પોલીસની ઉદાસીનતા પર અસંતોષ વ્યક્ત કર્યો છે. તેમણે કહ્યું, “પોલીસે ઝુબેરની કસ્ટડી મેળવવી જ જોઈએ કારણ કે તેને વિદેશમાંથી પૈસા મળ્યાના ઘણા અહેવાલો છે. કસ્ટડી લીધા વિના આ કેસમાં પોલીસ ચાર્જશીટ કયા આધારે કરશે?”

    ખેરીના પોલીસ સ્ટેશન મોહમ્મદીમાં સુદર્શન ન્યૂઝના ‘બિન્દાસ બોલ’ કાર્યક્રમમાં એક નાનકડા ટુકડાને લઈને ઉશ્કેરણીજનક ટ્વિટના આધારે કોમી તણાવ ફેલાવવા બદલ ઝુબેર પર 2021થી FIR નોંધવામાં આવી હતી. ત્રિવેદીએ ઑપઇન્ડિયાને જણાવ્યું, “ઝુબેરની સુનાવણી સીતાપુર જેલમાંથી વીડિયો કોન્ફરન્સિંગ દ્વારા કરવામાં આવી છે. સુનાવણી દરમિયાન તેમના વતી સ્થાનિક વકીલ કોર્ટમાં હાજર થયા હતા. તેણે ઝુબેરના જામીન માટે અરજી કરી, જેના પર સુનાવણી માટે 13 જુલાઈ 2022 નક્કી કરવામાં આવી. અહીં ખેરી પોલીસે કોર્ટમાં ઝુબેરના પોલીસ કસ્ટડી રિમાન્ડની માંગણી કરી હતી.”

    સુદર્શન ન્યૂઝના સંવાદદાતા આશિષ કટિયારે, મોહમ્મદીમાં ઝુબેર વિરુદ્ધ નોંધાયેલી એફઆઈઆરના ફરિયાદીએ, પોતાને ધમકી મળવા વિશે પોલીસમાં ફરિયાદ કરી છે. 11 જુલાઈના રોજ SHO મોહમ્મદીને મોકલવામાં આવેલી તેમની ફરિયાદમાં તેણે કહ્યું છે કે, “આજે લગભગ 11 વાગ્યે હું મારા ઘરેથી કોર્ટમાં જઈ રહ્યો હતો. મારા કેસની સુનાવણી થવાની હતી. હું રસ્તા પર પહોંચતા જ 4 અજાણ્યા લોકોએ મને રોક્યો અને મારપીટ કરવા લાગ્યા. તેઓએ મને ધમકી આપી હતી અને કહ્યું હતું કે જો આજે ઝુબેરના જામીન મંજૂર નહીં થાય તો તેઓ તને અને તારા સમગ્ર પરિવારને મારી નાખશે. ત્યાર બાદ ચારેય જણા ભાગી ગયા હતા.”

    આશિષ કટિયારે નોંધાવેલ ફરિયાદની ધમકી

    ફરિયાદમાં, પીડિતે પોતાના અને પોતાના પરિવારના જીવન અને સંપત્તિ વિશે ચિંતા વ્યક્ત કરી છે, અને ઝુબેર વિરુદ્ધ એફઆઈઆરમાં પોતાને વાદી તરીકે વર્ણવે છે. આશિષ કટિયારે પોલીસને તેમની ફરિયાદને ગંભીરતાથી લેવાની અપીલ કરી છે. OpIndia સાથે વાત કરતા આશિષ કટિયારે કહ્યું કે, “ઝુબેરનો કેસ કોઈ મામૂલી મુદ્દો નથી. હું મારી અને મારા પરિવારની સલામતી ઈચ્છું છું.”

    1...1,0711,0721,073...1,178Page 1,072 of 1,178

    © Copyright - OpIndia.com