ઉત્તર પ્રદેશના મુખ્યમંત્રી યોગી આદિત્યનાથ હાથરસ કાંડના ઘાયલોની મુલાકાત માટે હોસ્પિટલ પહોંચ્યા હતા. જ્યાં તેમણે ઇજાગ્રસ્ત લોકો સાથે વાતચીત કરી હતી. આ સાથે તેમણે ઘટનાસ્થળની પણ તપાસ કરી હતી. ઉપરાંત પત્રકાર પરિષદને પણ સંબોધિત કરી હતી. દરમિયાન તેમણે દુર્ઘટના વિશે માહિતી આપી હતી. તેમણે કહ્યું કે, આ દુર્ઘટના એટલા માટે સર્જાઇ કે, સેવાદાર (સત્સંગના સ્વયંસેવકો) માણસોએ પણ લોકોને ધક્કા મારવાના ચાલુ કર્યા હતા. એક ભીડ દ્વારા ભારે ધક્કામુક્કીના કારણે આ દુર્ઘટના ઘટી છે. આ સાથે તેમણે આ ઘટના પર રાજકારણ રમનારા લોકોને પણ અરીસો બતાવ્યો છે.
બુધવારે (3 જુલાઇ) ઉત્તર પ્રદેશના મુખ્યમંત્રી યોગી આદિત્યનાથ હાથરસ પહોંચ્યા હતા. પત્રકાર પરિષદને સંબોધતા તેમણે કહ્યું કે, “આ કાર્યક્રમમાં જે સજ્જન પોતાનો ઉપદેશ આપવા આવ્યા હતા, તેમની કથા સંપન્ન થયા બાદ, તેઓ મંચ પરથી ઉતરી રહ્યા હતા. ત્યારે તેમને સ્પર્શવા માટે મહિલાઓનું એક જુથ આગળ વધ્યું હતું, ત્યારે જ તેમની પાછળ પણ એક ટોળું ઘસી આવ્યું હતું. આ દરમિયાન જ તેઓ એકબીજાને કચડતા રહ્યા હતા. સેવાદાર પણ લોકોને ધક્કા મારી રહ્યા હતા. સેવાદારોએ પ્રશાસનને પણ અંદર ઘૂસવા માટેની પરવાનગી આપી નહોતી. જેના કારણે આ દુર્ઘટના થઈ છે. આ આખા ઘટનાક્રમ માટે ADG આગ્રાની અધ્યક્ષતામાં એક SITની રચના કરવામાં આવી છે, જેણે પ્રારંભિક રિપોર્ટ સોંપ્યો છે. ઘણા પાસાઓ છે, જેના પર તપાસ થવી જરૂરી છે.”
#WATCH | Hathras stampede incident | "We have formed an SIT, led by ADG Agra. It has submitted a preliminary report. They have been told to investigate this deeply. There are several angles that need to be investigated…State Government has decided to have a judicial inquiry as… pic.twitter.com/rWTKTtchWs
— ANI (@ANI) July 3, 2024
તેમણે વધુમાં કહ્યું કે, “રાજ્ય સરકારે ન્યાયિક તપાસ કરવાનો નિર્ણય લીધો છે. જેનું નેતૃત્વ એક સેવાનિવૃત્ત હાઈકોર્ટના જજ કરશે. પ્રશાસન અને પોલીસના સેવાનિવૃત્ત અધિકારીઓ પણ તેમાં સામેલ હશે. ઘટના સમયે અમારી પ્રાથમિકતા રેસ્ક્યૂ ઓપરેશન પર ધ્યાન કેન્દ્રિત કરવાની હતી. પીડિતો યુપી, હરિયાણા, એમપી અને રાજસ્થાનથી પણ આવ્યા હતા. ઘાયલ થયેલા લોકોની સારવાર ચાલી રહી છે. લગભગ તમામ લોકો જોખમની બહાર છે.” આ સાથે તેમણે એવું પણ કહ્યું કે, જે આ ઘટના માટે જવાબદાર છે, તેને કોઈપણ ભોગે છોડવામાં આવશે નહીં.
#WATCH | Hathras stampede incident | Uttar Pradesh CM Yogi Adityanath says, "…The State Government and Central Government have announced monetary compensation too. The minor children of the innocent people who became victims of this incident, who are school students, will be… pic.twitter.com/R3e7M97B88
— ANI (@ANI) July 3, 2024
તેમણે વધુંમાં કહ્યું કે, “રાજ્ય સરકાર અને કેન્દ્ર સરકારે આર્થિક વળતરની પણ ઘોષણા કરી છે. આ ઘટનાનો ભોગ બનેલા નિર્દોષ લોકોના બાળકો, જેઓ સ્કૂલના વિદ્યાર્થી છે. ઉત્તર પ્રદેશ મુખ્યમંત્રી બાલ સેવા યોજના હેઠળ અભ્યાસની સુવિધા આપવામાં આવશે. પ્રત્યેક મૃતકના વ્યક્તિને 4 લાખ સુધીની સહાય આપવામાં આવશે. તે સિવાય ઘાયલ થયેલા લોકોને 1 લાખ રૂપિયાનું વળતર આપવામાં આવશે.”
#WATCH | On the Hathras stampede incident, Uttar Pradesh CM Yogi Adityanath says "Some people have the tendency to politicise such sad and painful incidents. These people have the nature of 'chori bhi aur seenazori bhi'. Everyone knows with whom the gentleman's (preacher) photos… pic.twitter.com/gNCHNJdpNz
— ANI (@ANI) July 3, 2024
આ સાથે તેમણે અખિલેશ યાદવ સહિત વિપક્ષ પર પણ પ્રહાર કર્યા હતા. તેમણે કહ્યું કે, “કેટલાક લોકોનો સ્વભાવ હોય છે કે, આવી દુઃખદ અને પીડાદાયક ઘટનાઓમાં પણ તેઓ રાજકારણ રમે છે અને આવા લોકોનો સ્વભાવ છે- ચોરી પણ અને સીનાચોરી પણ.. દરેક વ્યક્તિ જાણે છે કે, તે સજ્જન (ભોલે બાબા)નો ફોટો કોની સાથે છે. તેમના રાજકીય સંબંધો કોની સાથે જોડાયેલા છે. તમે જોયું હશે કે, છેલ્લા કેટલાક દિવસોમાં રેલીઓ દરમિયાન આ રીતની ઘટનાઓ કયા બનતી હતી અને તેના પાછળ કોણ હતું.” નોંધનીય છે કે, ભોલે બાબાના સમાજવાદી પાર્ટી સાથે રાજકીય સંબંધો ઘણા સારા છે. અખિલેશ યાદવની સાથે તેમના ફોટો પણ જોવા મળે છે.
શું હતી ઘટના?
નોંધનીય છે કે, મંગળવારે (2 જુલાઈ, 2024) હાથરસના સિકંદરારાઉ પોલીસ સ્ટેશન વિસ્તારના એટા રોડના ફૂલરઈ ગામમાં એક ‘ભોલે બાબા’ના મોટા સત્સંગનું આયોજન કરવામાં આવ્યું હતું. આ કાર્યક્રમમાં હજારો લોકો હાજર રહ્યા હતા. સત્સંગ પૂરો થયા પછી ટોળું પોતપોતાના ઘેર જવા નીકળી રહ્યું હતું. આ દરમિયાન કથાકાર ભોલે બાબા પણ બહાર આવવા લાગ્યા હતા. તેમને રસ્તો આપવા માટે એક તરફના ટોળાને રોકવામાં આવ્યું હતું. જે તરફ રસ્તો બંધ કરવામાં આવ્યો હતો તે બાજુ પાછળથી લોકોના ધક્કા આગળ ઉભેલા ભક્તો પર વધવા લાગ્યા હતા.
થોડી જ વારમાં ત્યાં ભાગદોડમાં મચી ગઈ હતી. હજારો લોકોની ભીડને ત્યાં હાજર પ્રશાસન અને સુરક્ષાતંત્ર પણ સંભાળી શકી ન હતી. ભીડમાં રહેલા લોકો એકબીજાને કચડવા લાગ્યા. આ ભાગદોડના કારણે સ્થળ પર ગુંગળામણ અને બફારો વધી ગયો હતો. ખાસ કરીને મહિલાઓ અને બાળકો આ ભાગદોડનો પહેલો શિકાર બન્યા હતા. પરિસ્થિતિને સંભાળવા માટે વહીવટીતંત્ર ભારે ફોર્સ સાથે પહોંચ્યું હતું. જોકે, ત્યાં સુધીમાં લગભગ 100 લોકોએ પોતાનો જીવ ગુમાવ્યો હતો. હાલ 130થી વધુ લોકોના મોત થયા હોવાના સમાચાર સામે આવી રહ્યા છે.
